စစ်ကိုင်းမြို့မှ ကောင်းမူ့တော်ဘုရားကြီးကို အုတ်ချပ်ရေဘယ်လောက်နဲ့ တည်ထားတာလဲ

စစ်ကိုင်းမြို့မှ ကောင်းမူ့တော်ဘုရားကြီးကို အုတ်ချပ်ရေဘယ်လောက်နဲ့ တည်ထားတာလဲ

ကောင်းမူ့တော် ဘုရားသည် ပုံစံတော် ထူးခြားသည်။ ဘုရားပုံစံ တော်နှင့်ပတ်သက်၍ အမျိုးမျိုး ပြောလာကြသည်။ အချို့ကလည်း လက်လွတ် စပယ် ပြောလာခဲ့သည်ကို ယုံကြည်နေကြ ဆဲပင်။

ကောင်းမူ့တော်ဘုရားတွင် ပစ္စယံ သုံးဆင့်ခံထားသည် ။ သပိတ်မှောက် ထားသည့် အလားတည်ထားသည်။ အဆိုပါ စပါးပုံသဏ္ဍာန် ဓာတ်တော်ကြုတ်အုပ်ထားသည့် သဏ္ဍာန် စေတီတော်အမျိုးကို သီရိလင်္ကာ နိုင်ငံ၌ အများဆုံး ဖူးတွေ့ရသည်။

စစ်ကိုင်းကောင်းမူ့တော်ဟူ၍သာ လူသိများနေသော (ရာဇမဏိစူဠာ ) စေတီကြီးသည် စစ်ကိုင်းမြို့မြောက်ဘက် ၆ မိုင်အကွာ၌ တည်ရှိသည်။ မြန်မာသက္ကရာဇ် ၉၉၈ ( ခရစ် ၁၆၃၆ ) တော်သလင်းလ္ဆန်း ၁၀ရက် တနင်္လာ နေ့တွင် အင်းဝဘုရင် သာလွန်မင်းတရားကြီး တည်ခဲ့သည်။ ဉာဏ်တော်သည် အတောင် (၁၀၁),လုံးပတ် (၅၀၂ တောင် ၂ မိုက် ၄သစ် )ရှိသည်။

စေတီတော်ကြီးကို ကျောက်ဆီမီးတိုင် (၈၀၂) တိုင်ဝိုင်းရံထားသည်။ ၁၂နှစ်ကြာမျှ တည်ဆောက်ခဲ့ရသည် ။ မြန်မာ မွန် ယွန်း (ရှမ်း)အက္ခရာတို့ဖြင့် နိပါတ်ခင်း ရုပ်စုံ ဗုဒ္ဓဝင်နှင့်(၃၁)ဘုံတို့ကို နံရံပန်းချီ ခြယ်ထားသည် ။ မုခ်ဝလေးမျက်နှာ၌ အုတ်ပြသာဒ်များ ဆောက်လုပ်ထားသည်။

ကျောက်စာအရ စွယ်တော် ဆံတော်တို့အပြင် အရပ်ရပ်မှ ပင့်ဆောင်လာသော ဓာတ်တော်မွေတော်နှင့် ပတ္တမြား, ရွှေ, ငွေ,ပယင်း,မိုးကြိုးစေတီများဌာပနာ ထားသည်။ စေတီတော်ကြီးတည်ရာတွင် အုတ်ချပ်ရေပေါင်း (၁၀,၁၂၆,၅၅၂ ) ချပ် အသုံးပြုခဲ့သည်။

ဆရာမောင်ကြည်သန့်၏ အငြင်းပွားအမှတ်လွဲလူသိနည်း မြန်မာ့ဖြစ်ရပ် (၁၀၀ ) စာမျက်နှာ ( ၈၆/၈၇ ) စာအုပ်မှ ကောက်နုတ် ထားသည်။ ခရီးသွား မိတ်ဆွေတို့ အနေနဲ့ သွားရောက် ဖူးမျှော်ကြတဲ့အခါ ဖူးမျှော်ရ ကျိုးနပ်စေဖို့ အထောက်အကူ ဖြစ်စေရန် အလို့ငှါ ရေးသားပူဇော်သည် ။

အခြားသော အကြောင်းအရာများ(ဝါ)မူကွဲများရှိပါကလည်း ဖြည့်စွက်ပြင်ဆင်ပေးကြဖို့ မေတ္တာရပ်ခံပါရစေ ။ crd ; ကောင်းဆက်လင်း ကြံခင်းမြေ

Add a Comment

Your email address will not be published. Required fields are marked *