ထိခိုက် ဒဏ်ရာနဲ့ အနာတွေ အတွက် နတ်ဆေး တပါးဖြစ်တဲ့ ရွက်ကျပင်

ထိခိုက်ဒဏ်ရာနဲ့ အနာတွေအတွက် နတ်ဆေးတပါးဖြစ်တဲ့ ရွက်ကျပင်

ရွက်ကျပင်သည် ယိုစီးကျသော သွေးများကို ရပ်တန့်ချုပ်တည်းသော နေရာတွင် နတ်ဆေးသဖွယ် ဖြစ်၏ ။ ထိခိုက် ရှနာနှင့် သွေးစိမ်းထွက်သော အနာများကို ရွက်ကျ ပင်ပေါက်ရွက် မီးကင်၍ ကပ်ပေးက သွေးများရပ်စဲ၍ အနာကျက် လွယ်၏။

အရွက်ကို ကြိတ်ညှစ်၍ရသော အရည်ကိုလိမ်းပေးမူ အနာစက် ၊ အနာမီးလျှံ ၊ မွေးကျွတ်နာများ ပျောက်၏ ။ ရွက်ကျ ပင်ပေါက်ရွက်ကို မီးကင်၍ ထိခိုက် ရောင်ရမ်းနေသော ဒဏ်ရာများကိုကပ်ပေးပါက ရောင်ရမ်းကျဆင်း၍ဒဏ်ရာများ သက်သာ ပျောက်ကင်း၏။

ရွက်ကျပင်ပေါက်ရွက် ၁ ရွက် ၂ ရွက်ကို ငရုတ်ကောင်း အနည်းငယ်ထည့်၍ ညက်စွာ ကြိတ်ပြီးသောက်က ဆီးပူ ၊ ဆီးချုပ် သွေးမြင်း သရိုက်နှင့် လူပျိုနာ ကြောင့်ဖြစ်သော အနာများ ပျောက်ကင်း၏။အရွက်ကိုကြိတ်၍ရသောအရည်ကို သောက်ပေးပါက ကာလဝမ်းရောဂါ ပျောက်ကင်း၏။

အရွက်ရည်ကို လိမ်းပေးက အဆစ်လွှဲ ၊ အကြောထုံးခြင်းနှင့် မီးလောင်သော အနာများ ပျောက်ကင်း၏ ။ အနာများ မပေါက်ဘဲ အညှော်မိ၊ငန်းမန်းလိုက်၍ ရောင်တင်းလာပါက အရွက်ကိုကြိတ်၍အုံပေးပါက အညှော်များကျဆင်းပြီး အနာနုလျှင်ပိန်၍ ရင့်လျှင်ပေါက် သွားစေသည်။

အရွက်ရည်ကို သကြားဖြင့်ရောသောက်ပါက ဆီး၌သွေးပါခြင်းနှင့်သွေးဝမ်းသွားခြင်းကိုပျောက်ကင်း၏ အရွက်ကိုမီးကင်၍ ဖေါရောင်သောနေရာများကို ကပ်ပေးပါကအဖေါကျ၏။ အရွက်ကို ဆားဖြင့်ကြိတ်ပြီး ကင်းကိုက်သောနေရာသို့သိပ်ပေးပါက ကင်းဆိပ်ပြေသည်။

အပူအား ကြီး၍ ဖြစ်သော မျက်လုံး ပူခြင်း၊ ယားခြင်း၊ ကျိန်း ခြင်း ၊ ရောင်ရမ်းခြင်း အတွက် ၎င်း အရွက် သက်သက် ကို ညက်စွာ ကြိတ်၍ အုံပါ အအေးလွန် ၍ ဖြစ်သော မျက်စိနာ အတွက်း အရွက် ကြိတ်ပြီးသား တွင် နနွင်း စစ် အနည်းငယ် ထည့်ကာ ခပ်နွေးနွေး ပြု၍ လည်းကောင်း အုံပေးပါ က မျက်စိနာ ပျောက်၏။

မြန်မာ ဆေးကျမ်း များ အလိုအရ

၎င်းဆေးပင်သည် အနာများကို စင်ကြယ်အောင် သုက်သင်တတ်၏ ။အသားနု တက်စေ၏ ။ သွေးများကို ချုပ်စေ၏ ။ သွေးကြောငယ်များတွင် များစွာအကျိုးပြု၏ ။ သွေးကြောငယ်ကလေးများအား တွန့်ခြင်း၊ရှုံ့ခြင်းကိုဖြစ်စေသဖြင့် အရေပြား မှ လည်းကောင်း ၊ ဝမ်းသွားရာမှလည်းကောင်း ၊ မြင်းသရိုက် ရောဂါ မှ လည်းကောင်း ၊နှာခေါင်း ပါးစပ်ခံတွင်းမှလည်းကောင်း ယိုကျသော သွေးများကို မြန်စွာ ချုပ်တည်း စေနိုင်၏။ ပြန်လည်မျှဝေပါသည် ။ မူရင်းရေးသားသူအား ခရက်ဒစ်

Add a Comment

Your email address will not be published. Required fields are marked *