ယနေ့အထိအထင်သေး ခွဲခြားဆက်ဆံခံနေရတဲ့ ဘုရားကျွန်ဆိုတာ မရှိတော့ ကြောင်း ထုပ်ပြန်ထားတဲ့ လူသိနည်းတဲ့ ” ဘုရားကျွန် စဏ္ဍလ ပပျောက်ရေးအမိန့် “

ယနေ့အထိအထင်သေး ခွဲခြားဆက်ဆံခံနေရတဲ့ ဘုရားကျွန်ဆိုတာ မရှိတော့ ကြောင်း ထုပ်ပြန်ထားတဲ့ လူသိနည်းတဲ့ ” ဘုရားကျွန် စဏ္ဍလ ပပျောက်ရေးအမိန့် ”

ပုဂံမင်းများ လက်ထက်က စေတီ ပုထိုးများ တည်ပြီးတိုင်း မိမိတို့၏ ကုသိုလ် ကောင်းမှုများ အဓွန့်ရှည် တည်တံ့စေရန် စေတီ ပုထိုးအနီး ပတ်ဝန်းကျင်ရွာများအား သားစဉ်မြေးဆက် ဝေယျဝစ္စ လုပ်ဆောင်ရန် တာဝန် သတ်မှတ်ပေးကြသည်။ ကံကျွေးချ နယ်နိမိတ် သတ်မှတ်ပေးခံရသည့် ရွာများနေ ရွာသူရွာသားများမှာ နောင်အခါတွင် ဘုရားကျွန်များ အဖြစ် ဝိုင်းပယ်ခံရသည်။

ပုဂံမင်းများသည် စေတီပုထိုး ကျောက်စာမော်ကွန်းများ၌ ဘုရားကျွန် ရွာများ၏ စာရင်းကို အတိအလင်း ရေးထိုးခဲ့ကြသဖြင့် ခေတ်စနစ် ပြောင်းချိန် တွင် မိမိတို့၏ သားစဉ်မြေးဆက် ဂုဏ်မ ငယ်စေရန် အဆိုပါ ကမ္ဗည်းကျောက် စာတိုင်များအား တူးဖြိုဖျောက် ဖျက်ပစ်လာကြသည်။

ဥပမာဆိုသော် မန္တလေးတိုင်းဒေသကြီး စဥ့်ကူးမြို့နယ်အစ တရော်ပင် ကျေးရွာအနီး ဧရာဝတီမြစ်ကမ်းပါးနှင့် မလှမ်းမကမ်း အရှေ့ဘက်တောင်စွယ် တစ်ခုပေါ်ရှိ ရွှေမြင်တင် စေတီရင်ပြင်ပေါ်တွင် မူလထိုး မော်ကွန်းကျောက်စာတိုင် မရှိတော့ပေ။ သက်ဆိုင်ရာ ရွာများက မိမိတို့ဂုဏ်သိက္ခာကို ကာကွယ်စောင့်ရှောက်သာ့်အနေဖြင့် မူရငကျောက်စာတိုင်ကို ဧရာဝတီမြစ်အတွင်း တူးဖြိုပစ်ချခဲ့သည့် အထောက်အထားများ တွေ့ရသည်ေ။

အမှန်စင်စစ် ပုဂံမင်းများ သတ်မှတ်ခဲ့သော ” ဘုရားကျွန် ” ဟူသော ဝေါဟာရအား မြန်မာ နိုင်ငံတော်ကြီး လွတ်လပ်ရေးရချိန်မှ စ၍ ဖျက်သိမ်းပေးခဲ့ကြောင်း သိရသည်။ ဘုရားကျွန်အဖြစ် သတ်မှတ်ခံခဲ့ရသူများကိုလည်း မြန်မာနိုင်ငံသားများနှင့် တန်းတူ နေထိုင်ဆက်ဆံခွင့် ရရှိထားပြီး ဖြစ်သည်။ (သို့သော် ယခုထိ ခွဲခြားဆက်ဆံ ခံနေရ​သူများလည်း ရှိနေဆဲ)

၁၉၄၈ ခုနှစ် ဇန်နဝါရီလ ၄ ရက်နေ့တွင် နိုင်ငံတော် သမ္မတဖြစ်သူ စဝ်ရွှေသိုက်က ပြည်ထောင်စုမြန်မာနိုင်ငံ၏ ဖွဲ့စည်းအုပ်ချုပ်ပုံအခြေခံဥပဒေပါ လူ့အခွင့်အရေးများအရ ထုတ်ပြန်လိုက်သည့် “ဘုရားကျွန်၊စဏ္ဍလ ပပျောက်ရေးအမိန့်ကို အောက်ပါအတိုင်း ကြေညာခဲ့သည်။

“ပြည်ထောင်စုမြန်မာပြည်သည် ယနေ့တွင် လွတ်လပ်သော မြန်မာနိုင်ငံတော်ဖြစ်သည်နှင့်အညီ တစ်ဦးကို တစ်ဦး ကြောက်ရွံ့ခြင်း တစ်ဦးကို တစ်ဦး နှိပ်စက်ခြင်းမှစ၍ မကောင်းသော အလေ့ဆိုးများကို လုံးဝဖျက်ပစ်ရန် ကျွန်ုပ်အစိုးရက ရည်ရွယ်သည်။

ရာဇဝင်တွင် ရှေးရှေ့သောအခါကစ၍ ရှေးမင်းများ၏ အာဏာစက်ကြောင့် ဒွန်းစဏ္ဍား၊ဘုရားကျွန်၊ကျောင်းကျွန် တို့ကို ယနေ့မှစ၍ ထိုလူမျိုးတို့၏ သဘောအတိုင်းလုပ်လိုသော အလုပ်မျိုးစုံတို့ကို လွတ်လပ်စွာလုပ်ကိုင်နိုင်ကြစေ ဟု ကျွန်ုပ်အမိန့်ချမှတ်သည်။

ဤ ပြည်ထောင်စုမြန်မာနိုင်ငံတွင် ရှိသော နိုင်ငံသားများသည် ဖွဲ့စည်းအုပ်ချုပ်ပုံအခြေခံဥပဒေတွင် ပါရှိသည့်အတိုင်း တစ်ဦးနှင့် တစ်ဦး အခွင့်အရေး တူညီရစေ” ဟူ၍ ကြေညာခဲ့သည်။ ဆရာမောင်ကြည်သန့်၏ အမှတ်မှားဆဲ လူသိနည်း မြန်မာ့ဖြစ်ရပ် ၁၀၀ မှ ကူးယူဖော်ပြခြင်းဖြစ်ပြီး ဓာတ်ပုံများကို မူရင်းပိုင်ရှင်များအား Credit ပေးပါသည်။ crd to owner

Be the first to comment

Leave a comment

Your email address will not be published.


*