အဖိုးကြီးအို ခါးကုန်းကုန်း မသေပါနဲ့အုံး ရှေးနှစ်ခါ တန်ဆောင်မုန်း ပွဲကြည့်ပါအုံးဆိုတဲ့ တဘောင်ကဗျာရဲ့ အဓိပ္ပါယ်

အဖိုးကြီးအို ခါးကုန်းကုန်း မသေပါနဲ့အုံး ရှေးနှစ်ခါ တန်ဆောင်မုန်းပွဲကြည့်ပါ အုံးဆိုတဲ့ တဘောင်ကဗျာရဲ့ အဓိပ္ပါယ်

အဖိုးကြီးအို ခါးကုန်းကုန်း မသေပါနဲ့အုံး

ရှေးနှစ်ခါ တန်ဆောင်မုန်းပွဲကြည့်ပါ အုံး။

သိသူဖော်စား မသိသူ ကျော်သွား တဘောင်များ

အဖိုးကြီးအို ခါးကုန်းကုန်း ဆိုသည်မှာ … တို့တတွေဟာ ဘဝတိုင်း ဘဝတိုင်း အဖိုးကြီး အမေကြီး ဘဝနဲ့ အသက်အရွယ်ကြီးကြီးနဲ့ သေရတဲ့ ဘဝတွေ များခဲ့လှပါပြီ ။

လူဖြစ်တော့ လည်း လူအဖိုးကြီး လူအဘွားကြီးငှက်ဖြစ်တော့လည်း ငှက်အဖိုးကြီး ငှက်အဖွားကြီး နွားဖြစ်တော့ လည်း နွားအဖိုးကြီး နွားအဖွားကြီးကြက်ဖြစ်တော့လည်း ကြက်အဖိုးကြီး ကြက်အဖွားကြီးသူဌေးကြီး ဖြစ်တော့လည်း သူဌေးအဖိုးကြီး သူဌေးအဖွားကြီးဘုရင် ဖြစ်တော့လည်း ဘုရင်အဖိုးကြီး ဘုရင်အဖွားကြီးဘဝ များစွာမှာ အရိယာ ဘဝက လွဲ၍ မဖြစ်ဖူးတဲ့ဘဝဆိုတာ မရှိပါဘူး

သူဌေးကြီး ဘုရင်ကြီး တွေလည်းဖြစ်ခဲ့ဖူးတယ် ။ တိရိစ္ဆာန်မျိုးစုံ ဘဝလည်း ဖြစ်ဖူးခဲ့ပြီ ။ နတ်တွေ ဗြဟ္မာတွေလည်း ဖြစ်ခဲ့ဖူးပြီး ၃၁ ဘုံမှာ မဖြစ်ဖူးတာ မရှိသလောက်ပဲ ။ ဘဝတိုင်း ဘဝတိုင်း အသက်ကြီး ပြီးသေ သေ ခဲ့ရတာချည်းပဲ တစ်ချို့ဆိုရင် အသက်တောင်မကြီးလိုက်ရ သေနေကြရတာပဲ။

ဒါပေမဲ့ မသေပါနဲ့အုံး

ရှေးနှစ်ခါ တန်ဆောင်မုန်း ဆိုတာက … တစ်ချို့က နောက်နှစ်ခါ တန်ဆောင်မုန်းလို့ ဆိုကြတယ် အမှန်က ရှေးနှစ်ခါတန်ဆောင်မုန်းပါ ။

ရှေးနှစ်ခါ ဆိုတာက လာမဲ့နှစ်လို့ ထင်တတ်ကြတယ် မဟုတ်ပါဘူး ။ သာသနာတော် ၂၅၆၅ နှစ်ရှိခဲ့ပြီ ။ဘုရားရှင်ထားခဲ့တော်မူသော..သာသနာတော်နှစ်၅၀၀၀ ကို တစ်ခေတ်လျှင်အနှစ် ၅၀၀စီဖြင့် ခေတ်(၅) ခေတ်ပိုင်းခြားကာ၅ခေတ်ပြည့်လျှင် တစ်ဖန်ပြန်ကျော့သည်။

၁) ဝိမုတ္တိယုဂခေတ် (အနှစ် ၅၀၀) ဘုရားပွင့်တော်မူပြီး နှစ်ပေါင်း ၅၀၀ အတွင်းသည် ဂိမုတ္တိယုဂခေတ်ဖြစ်ရာ..ထိုခေတ်အတွင်း ဈာန်မဂ်ဖိုလ် ရရှိသူများ အလွန်ပေါများသည်။

၂) သမာဓိယုဂခေတ် ( အနှစ် ၅၀၀ )ထိုခေတ်ကာလအတွင်း သမာဓိတည်ရုံမျှသာ ဖြစ်ပေသည်။

၃) သီလယုဂခေတ် (အနှစ် ၅၀၀)… ထိုခေတ်ကာလသည် သီလကိုသာ ဦးစားပေးသော ခေတ်ဖြစ်သည်။

၎) သုတယုဂခေတ် (အနှစ် ၅၀၀ )…ထိုခေတ် ကာလအတွင်း စာပေဗဟုသုတကို ဦးစားပေးသော ခေတ်မျှသာဖြစ်သည်။

၅) ဒါနယုဂခေတ် (အနှစ် ၅၀၀)…ထိုခေတ်ကာလသည် ဒါနပြုမှုကိုသာအားသန်ကြသော ခေတ်ဖြစ်သှ်။

ထို ၅ ခေတ်မှ လွန်သော် .. ဝိမုတ္တိယုဂခေတ်သို့ ပြန်လည်ရောက်ရှိလာသည်။ သို့ဖြစ်ရာ..သာသနာတော်နှစ် ၂၅၀၀ ၊ ကောဇာ သက္ကရာဇ် ၁၃၁၈ခုနှစ် ပြည့်ပြီး သည်မှစ၍ ဝိမုတ္တိယုဂခေတ် သို့ပြန်လည် ဆိုက်ရောက်လာသည်၊ထို့ကြောင့် ကောဇာသက္ကရာဇ် ၁၃၁၉ မှ ၁၈၁၉ ခုနှစ် အတွင်းသည်ဝိမုတ္တိယုဂခေတ် ဖြစ်ပြီး၊ ထိုခေတ်မှလွဲ၍ ကျန်ခေတ်များတွင် မဂ်ဖိုလ်တရားထူးများရရန်မလွယ်ကူတော့ပါ ။ဒါကို သိထားရမယ်။

ပွဲကြည့်ပါအုံး ဆိုတာက

ဝိမုတ္တိယုဂ ခေတ် အနတ္တသာသနာ တစ်ပတ်ပြန်လည်လာတော့ ပွဲ ကြည့်ကြရ အုံးမယ် ။ ဘာပွဲ ကြည့်ရလည်းဆိုတော့ ခန္ဓာက ပြတဲ့ ပွဲ ကိုကြည့်ချင်လည်း ကြည့် မကြည့်ချင်လည်း ကြည့်ကြရမယ့်ပွဲ ။

ရုပ်ပွဲ နာမ်ပွဲ ဝေဒနါပွဲ ပရမတ်ပွဲ ဓာတ်ပွဲ အာယတနပွဲ သစ္စာပွဲတွေကိုကြည့်ကြရမယ်တခြား သွားကြည့်ရမှာ မဟုတ်ဘူး မိမိ ခန္ဓာက ပြတဲ့ပွဲကို ကြည့်ရမှာပဲပွဲလေးပွဲ ကြည့်ကြပါ ။ကာယသတိပဋ္ဌာန်ပွဲ ဝေဒနါသတိပဋ္ဌာန်ပွဲစိတ္တသတိ ပဋ္ဌာန်ပွဲဓမ္မသတိပဋ္ဌာန်ပွဲ ကိုသတိ သမာဓိ ပညာ မျက်လုံး နဲ့ ကြည့်ရမယ်ဒါမှ အမှန်ကို အမှန်အတိုင်း မြင်လိုက်မယ်

တို့တတွေ အားလုံးယခု ဝိမုတ္တိယုဂခေတ်အတွင်း…လူ ဖြစ်လာရသည်မှာပင်..ထူးကဲသော ဒုလ္လဘတရားပင်ဖြစ်တယ်ဒါ့အပြင်…ဘဒ္ဒကမ္ဘာတွင်လူဖြစ်ရခြင်း၊ မြတ်စွာဘုရား၏ သာသနာတော်နှင့်ကြုံတွေ့ရခြင်း၊ဗုဒ္ဓဘာသာဝင် မိဘများ ၏သားသမီးများဖြစ်ရခြင်းမှာ အင်မတန်ကြီးမား သော ဘုန်းကံကြောင့်မြတ်စွာဘုရားပွင့်ထွန်းတော်မူရခြင်း၏အကြောင်း ရင်းတစ်ခုမှာသံသရာဝဋ်ဆင်းရဲအပေါင်းမှကင်း လွတ်ရာအမှန် မြတ်နိဗ္ဗာန်သို့ရစေခြင်းငှာ..ပွင့်တော်မူခဲ့သဖြင့်နိဗ္ဗာန်ရောက်ရာရကြောင်းအကျင့်တရားများကိုကျင့်ကြံအားထုတ်ရပါမည်။

ဘုရားရှင်သည် ပိဋကတ်သုံးပုံဟုဆိုအပ်သော ဓမ္မက္ခန္ဓာပေါင်း ၈၄,၀၀၀ ကိုဟောကြားခဲ့သော်လည်း အဓိကရည် ရွယ်ချက်မှာ ဆင်းရဲ ခပ်သိမ်းကင်းငြိမ်းရာအမှန် မြတ်နိဗ္ဗာန်သို့ရောက်ကြောင်း အကျင့်တရားကို ကျင့်ကြံအားထုတ်ရန်သာဖြစ်ပါသည်။

ထိုနိဗ္ဗာန်ရောက်ကြောင်းအကျင့်တရားများသည်..လူ့ဘုံဘဝကသာလျှင်ကျင့်ကြံအားထုတ်ပြီးရရှိနိူင်ပါသည်။ သို့ကြောင့်သာမြတ်စွာဘုရားရှင်တိုင်းသည် လူ့ပြည်ကသာလျှင် ပွင့်တော်မူခြင်းဖြစ်ပေသည်။ လူ့ဘုံမှ..နိဗ္ဗာန်ကိုရရန်ကျင့်ကြံသည့်နည်း၃နည်းရှိရာ၊ ယင်းတို့မှာ-ကံလမ်း၊ ဈာန်လမ်း၊ ဉာဏ်လမ်းဟူ၍ ဖြစ်သည်။ကံလမ်းသည် ဒါန၊ သီလဆောက် တည်၍ ကျင့်ကြံအားထုတ်သည့်လမ်းဖြစ်သည်။

သမထကျင့်ကြံအားထုတ်သည့်လမ်းကို ဈာန်လမ်းဟုခေါ်ကြပြီး၊

ဝိပဿနာပွား၍ကျင့်ကြံအားထုတ်သည့်လမ်းကို ဉာဏ်လမ်းဟုခေါ်ပါသည်။

ဉာဏ်လမ်းသည်သာ လျှင် အမြန်ဆုံးနှင့်အကောင်းဆုံးဖြစ်ပေသည်။

သစ္စာတရားကိုပြသတတ်သော ဆရာသမားကောင်း နှင့်တွေ့၍ ကိလေသာကြားမခိုပဲကျင့်ကြံအားထုတ်ပါက.. နေ့ချင်းပေါက်ပင်ရနိူင်ပါသည်။ကိလေသာကြားခို၍မရနိူင်ပါက..၇ရက်၊ ၇လ၊ ၇ နှစ် အတွင်းရနိူင်သည်။ သို့မဟုတ်ပါက..ယခုဘဝသေခါနီးအချိန်တွင် ဝိပဿနာတရားနှလုံးသွင်းပြီးသေဆုံးမည်ဆိုပါက နောက်ဘဝနတ်ဘုံမရောက်ခင် (ပထမအဆင့်)သောတာပတ္တိမဂ်ဖိုလ်ကိုရနိူင်သည်။

ကံလမ်းနှင့်ဈာန်လမ်းသည်နိဗ္ဗာန်ကိုတိုက်ရိုက်မရောက်နိူင်။ နိဗ္ဗာန်ရောက်အထောက်အပံကောင်းသာဖြစ်စေပြီး၊ ဝိပဿနာဘက်ပြောင်း၍ကျင့်ကြံအား ထုတ်မှသာ..နိဗ္ဗာန်ကိုရနိူင်ပါသည်။

ယခုကာလ ဝိမုတ္တိယုဂခေတ်အတွင်း.. သစ္စာလေးပါးမြတ်တရားကိုကောင်းစွာသိမြင်၍.. မှန်ကန်သောအကျင့်ပဋိပတ်ဖြင့် လျင်မြန်စွာကျင့်ကြံအားထုတ်ရောက်ရှိနိူင်ကြပါစေကုန်သတည်း.။(ဝိဇ္ဇောဒယ ပြည်သဲအင်းဆရာတော် ကြီးတရားကိုနာယူ၍ရေးသားသည်) Crd

Be the first to comment

Leave a comment

Your email address will not be published.


*