ကျေးဇူးတော်ရှင် မဟာဗောဓိမြိုင် ဆရာတော်ဘုရားကြီး၏ ဘဝဖြစ်စဉ်အကျဉ်း

ကျေးဇူးတော်ရှင် မဟာဗောဓိမြိုင် ဆရာတော်ဘုရားကြီး၏ ဘဝဖြစ်စဉ်အကျဉ်း

မဟာဗောဓိမြိုင် ဆရာတော်သည် စစ်ကိုင်းတိုင်း ကန့်ဘလူမြို့နယ် မင်းကုန်းကျေးရွာ တွင် ( အဖ )ဦးဘစံ +( အမိ ) ဒေါ်မေ တို့မှ ၁၃၀၃ ခုနှစ် ဝါဆိုလပြည့်နေ့ ည(၁)နာရီ၊ အင်္ဂါနေ့တွင် ဖွားမြင်သည် ။ ငယ်နာမည် မောင်ငြိမ်းမောင် ဖြစ်သည် ။

( သန်းခေါင်ယံ ည ၁၂နာရီကျော် အချိန်ဖြစ်၍ တနင်္လာအကုန် အင်္ဂါအကူး ။ ကျေးဇူးတော်ရှင်ဆရာတော်ဘုရားကြီးမှာ အင်္ဂါကိုသာ အသိအမှတ်ပြုတော်မူပါသည် ။)( ဘဝဥပါဒါန်အစွဲကြောင့် ပထမဘဝစုတိစိတ်ကျချိန် မိသားစုအပေါ်တွယ်တာစိတ်ဖြင့် ခန္ဓာချုပ်ခဲ့သဖြင့် ယခင်ဘဝကအကိုကြီး ဖြစ်ခဲ့သူထံ ယခုဘဝဖခင် အဖြစ်ပြန်ဝင်စားခြင်းကပင် ဘဝကန္တာရသင်္ကေတ သံဝေဂ ယူစရာ ဘဝအစ ဖြစ်တော်မူရကြောင်း ဆရာတော်ဘုရားကြီး မိန့်ကြားတော်မူပါသည် ။ )

၁၃၁၇ ခုနှစ် တပို့တွဲ လပြည့်ကျော် (၆) ရက် စနေနေ့တွင် မိခင်ဒေါ်မေ၏ ပစ္စယာနုဂ္ဂဟဖြင့် မင်းကုန်းတောရ ဆရာတော် ဘဒ္ဒန္တ သုနန္ဒ ထံတွင် ရှင်သာမဏေ ပြုသည် ။ ဘွဲ့အမည် ရှင်ဉေ ယျ ဟု ကိုယ်တိုင် ခံယူခဲ့သည် ။

၁၃၂၃ ခုနှစ် ဝါဆိုလဆန်းတွင် မင်းကုန်းတောရ ဆရာတော် ဘဒ္ဒန္တအာစာရ ကို ဥပဇ္ဈာယ်ပြု၍ ထန်းတစ်ပင် ရွှေဖောင်တော်ဦး ကျောင်းတိုက် ခဏ္ဍသိမ်၌ (ပထမအကြိမ်) ရဟန်းဖြစ်သည်။ ရဟန်းဒကာ ဦးဘသန်း + ဒေါ်စောဉာဏ် တို့ ဖြစ်ကြသည်။

၁၃၁၈ ခုနှစ် ကဆုန်လပြည့်ကျော် (၁၀) ရက် တနင်္ဂနွေနေ့တွင် ရွှေဘိုမြို့ ဝေဠုဝန် ပါဠိတက္ကသိုလ် စာသင်တိုက်သို့ ပိဋကတ် စာပေများ သင်ယူရန် ရောက်ရှိ ။ ၁၃၁၉ ခုနှစ်တွင် ရွှေဘို ဝေဠုဝန်ပါဠိတက္ကသိုလ်မှ အစိုးရပထမငယ်တန်း အောင်မြင်သည် ။

၁၃၂၁ခုနှစ် ဝါဆိုလဆန်း (၁၁)ရက် ဗုဒ္ဓဟူးနေ့တွင်ရန်ကုန်မြို့ ကျောက်ပန်းတောင်းကျောင်းတိုက်သို့ စာပေသင်ကြားရန် ရောက်ရှိ ။၁၃၂၁ ခုနှစ် နှောင်းတန်ခူးလပြည့်ကျော် (၃)ရက် ဗုဒ္ဓဟူးနေ့တွင် မော်လမြိုင် စိန်မမပါဠိတက္ကသိုလ် သို့ ပညာသင်ကြားရန် ရောက်ရှိ ၊ ထိုနှစ်မှာပင် အစိုးရပထမလတ်တန်း အောင်မြင်သည် ။

၁၃၂၅ ခုနှစ် နွေဦးကာလတွင် ဧရာဝတီတိုင်း ပုသိမ်မြို့ သာသနရံသီ ပါဠိတက္ကသိုလ်သို့ ရောက်ရှိသည် ။ ထိုနှစ်မှာပင် အစိုးရ ပထမကြီးတန်းကို အောင်မြင်သည် ။ (တိုင်းတွင် ဒုတိယ ရသည်။)

၁၃၂၇ ခုနှစ် တော်သလင်းလဆန်း (၁၃) ရက် နေ့တွင် စာသင်တိုက်တွင် နေဖို့ရန် ခက်ခဲခြင်းကို အကြောင်းပြု၍ လူဝတ်လဲခဲ့သည် ။ ရန်ကုန်မြို့ရှိ ဆေးလိပ်ခုံ တခုံတွင် စာရေးဝင်လုပ်သည် ။ ၁၃၂၉ ခုနှစ် နယုန်လတွင် မိခင်ဒေါ်မေ ၊ အမဒေါ်ကြည် တို့၏ သဘောတူ ချက်ဖြင့် တစ်ရွာတည်းနေ ဒေါ်စိန်မေနှင့် အိမ်ထောင်ကျခဲ့သည်။

လူ့ဘဝတွင် ရန်ကုန် သင်္ကန်းကျွန်း၌ နေထိုင်ကာ ဈေးဆိုင် ၊ အထည်ဆိုင် ၊ ဆေးဆိုးပန်းရိုက် ၊ မဲနယ်ထုတ်လုပ်ခြင်းများ လုပ်ကိုင်ခဲ့သည် ။ ရပ်ကွက်အတွင်း လူမှုရေးများ နှင့် (ရ.လ.က အဖွဲ့) ဦးဆောင်ကော်မတီ အမှုဆောင်လူကြီး ၊ပါတီကိုယ်စားလှယ် ၊ တရားရေးကော်မတီဥက္ကဋ္ဌ၊ အုပ်စု ခေါင်းဆောင်၊ အရံပါတီဝင် စသည်များ ထမ်းဆောင်ခဲ့သည် ။

ဘဝဒုက္ခကို သံဝေဂ ရသည်ဖြစ်၍ ၁၃၃၇ ခုနှစ်မှစ၍ ပုတီးစိပ်ခြင်း၊ အဓိဋ္ဌာန်ဝင်ခြင်း၊ တောတောင်များသို့ လှည့်လည်ခြင်း၊ ဘုရားတည်ခြင်း ၊ ပြုပြင်ခြင်း ၊ မွမ်းမံခြင်းများ ဆောင်ရွက်ခဲ့သည် ။ ၁၃၃၉ ခုနှစ်တွင် ကျိုက်လတ်မြို့နယ်၊ ကြီးချောင်းရွာ၊ ဆင်ကူးရွာရှိ”ပြည်လုံးချမ်းသာ ဖောင်တော်ဦးစေတီတော်” ကို ပြုပြင်မွမ်းမံသည်။ ပြာသိုလလပြည့်နေ့တွင် ပန္နက်ချမင်္ဂလာ ပြုလုပ်ပြီးတပေါင်းလပြည့်နေ့တွင် ထီးတော်တင် မင်္ဂလာ ပြုလုပ်နိုင်ခဲ့သည် ။

၁၃၄၁ ခုနှစ် ဝါဆိုလဆန်း (၁) ရက်၊ တနင်္ဂနွေနေ့တွင် ရန်ကုန် မဟာစည် သာသနာ့ရိပ်သာကြီးတွင် ၄၉ရက် တရားစခန်းဝင်ခဲ့သည် ။၁၃၄၁ ခုနှစ် ဝါခေါင်လပြည့်ကျော် (၇) ရက်နေ့ ညနေ (၅) နာရီတွင် ဉာဏ်စဉ် တရားများ နာကြားခွင့်ရခဲ့သည် ။

၁၃၄၁ ခုနှစ် တော်သလင်းလဆန်း (၁၂) ရက် တနင်္ဂနွေနေ့ နံနက် (၈:၄၅) နာရီတွင် ဘောက်ထော် သီရိရတနာလမ်း သာသနာ့ဗိမာန် ဆရာတော် ဘဒ္ဒန္တဝိမလကို ဥပဇ္ဈယ်ပြု၍ ခေမာသီဝံကျောင်းတိုက် ခဏ္ဍသိမ် တွင် (ဒုတိယအကြိမ်) ရဟန်းဖြစ်သည် ။

၁၃၄၁ ခုနှစ် သီတင်းကျွတ်လပြည့်ကျော်(၄) ရက် အင်္ဂါနေ့မှ အစပြုကာ အရညဝါသီ တောရမှီလျက် သီတင်းသုံး နေတော်မူလျက် ရှိသည်။( သီတင်းသုံး တော်မူရာ နေရာများကို သီးသန့် ဖော်ပြထားပါသည် ။ )

၁၃၄၁ ခုနှစ်တွင် သာစည်မြို့နယ် ရွှေကျောင်းကုန်း တောင်ထိပ်၌ ‘လောကမုနိစေတီတော်’ ကို တည်ထားခဲ့သည် ။ အုတ်မြစ်ချမင်္ဂလာ နှင့် ဌာပနာပိတ်ပွဲကို တပို့တွဲလပြည့်နေ့တွင် ပြုလုပ်ပြီး တပေါင်းလပြည့်နေ့တွင် ထီးတော်တင်ပွဲကို အောင်မြင်စွာ ပြုလုပ်နိုင်ခဲ့သည် ။

၁၃၅၃-၅၄-၅၅ ခုနှစ်များတွင် ပျဉ်းမနား (ယ္ခုနေပြည်တော်) ရှိ လက်လုပ်တောင်တောရတွင် သီတင်းသုံးစဉ် ကာလအတွင်း ‘လက်လုပ်တောင် ဆရာတော်ဈာန်ပျံသည်’ ဟူသော ကောလဟာလကြောင့် ဆရာတော်၏ အကြောင်း တစ်နိုင်ငံလုံး ပျံ့လွင့်ခဲ့သည် ။

၁၃၅၇ ခုနှစ် တပေါင်းလပြည့် ဗုဒ္ဓဟူးနေ့တွင် သုဝဏ္ဏသျှံတောင်တွင်လားဟူ (၂၂)ရွာ ၊ လီရှော(၄)ရွာတို့မှ လူနှစ်ထောင်ကျော်၏ ဗုဒ္ဓဘာသာခံယူပွဲကြီး ကို စည်ကားသိုက်မြိုက်စွာ ကျင်းပနိုင်ခဲ့သည် ။ ယင်းတိုင်းရင်းသားများ ဒေသန္တရ ဗဟုသုတရ တိုးပွားရန် ရည်သန်၍ ၁၃၅၈ ခုနှစ် တပေါင်းလဆန်း(၃)ရက်နေ့တွင် သာစည်၊ ပျဉ်းမနား၊ မန္တလေး၊ ရွှေဘို၊ ရန်ကုန်မြို့များသို့ ပို့ဆောင်ပေးခဲ့သည် ။ထိုသို့သော အကြောင်းများ ကြောင့် ‘မဟာဗောဓိမြိုင် ဆရာတော်’ ဟူ၍ နိုင်ငံအနှံ့ လူသိများ ထင်ရှား ခဲ့သည် ။

၁၃၅၉ ခုနှစ်တွင် နတ်တလူတောရ ကို စတင်တည်ထောင်၍ ဝါဆိုလပြည့် နေ့ မှ တော်သလင်းလပြည့်နေ့ထိ (၂) လတိတိ တရားစခန်း ဖွင့်လှစ်ပေးခဲ့သည် ။စခန်းပွဲအတွင်း ဝေယျာဝစ္စ ဆောင်ရွက်သူများအတွက် တော်သလင်းလပြည့်မှ သီတင်းကျွတ်လပြည့်နေ့ထိ (၁) လ စခန်းကို ပြုလုပ်ပေးခဲ့သည် ။

၁၃၅၉ ခုနှစ်တွင် နတ်တလူတောရ၌ ‘မင်းဘိသိက်ခံ’ ဘုရားတည်ထား ပူဇော်သည် ။ နှောင်းတန်ခူးလပြည့်နေ့တွင် အုတ်မြတ်ချမင်္ဂလာ၊ ၁၃၆၀ ခုနှစ် ကဆုန်လပြည့်နေ့တွင် ဌာပနာပိတ်ပွဲ ၊ တပေါင်းလဆန်း (၄) ရက်တွင် ထီးတော် တင်ပွဲနှင့် တပေါင်းလပြည့်နေ့တွင် အနေကဇာတင်တော်မူသည် ။

၁၃၆၁ ခုနှစ် ကဆုန်လပြည့်နေ့တွင် မွေးဖွားရာ ချက်မြှုပ်အိမ်နေရာတွင်’ဉေ ယျဓမ် ရွှေချက်သို တံခွန်တိုင်’ ကို တည်ထားခဲ့သည် ။တစ်ချိန်တည်းမှာပင် နတ်တလူတောရ ၌ နှစ်လတရားစခန်း ထပ်မံ ဖွင့်လှစ်ပေးခဲ့သည် ။မဟာဗောဓိမြိုင်ဆရာတော်ဘုရားကြီး သီတင်းသုံးတော်မူခဲ့သည့် ဒေသများ

၁။ သာသနဗိမာန်ကျောင်း ရန်ကုန် (၁) ဝါ(၁၃၄၁ ခု)

၂။ ရွှေကျောင်းကုန်းတောင် သာစည် (၁) ဝါ (၁၃၄၂ ခု)

၃။ ဇင်းကျိုက်တောင် ဇင်းကျိုက် (၁) ဝါ (၁၃၄၃ ခု)

၎။ မင်းတစ်ရာ့တစ်ပါးတောင် ဇင်းကျိုက် (၁) ဝါ (၁၃၄၄ ခု)

၅။ ကျောက်ခမောက်ဂူ ဇင်းကျိုက် (၁) ဝါ (၁၃၄၅ ခု)
၆။ သံသုမာရတောင် ဖူးကြီး၊ မှော်ဘီ (၂) ဝါ (၁၃၄၆,၄၇ ခု)

၇။ အရှေ့ပရက္ကမဂူ စစ်ကိုင်း (၂) ဝါ (၁၃၄၈,၄၉ ခု)

၈။ ရွှေကျောင်းကုန်းတောင် သာစည် (၃) ဝါ (၁၃၅၀ မှ ၁၃၅၂ ခု)

၉။ လက်လုပ်တောင် ပျဉ်းမနား နေပြည်တော်(၃)ဝါ (၁၃၅၃မှ ၁၃၅၅ ခု)

၁၀။ ဘုန်းတော်ပြည့် သုဝဏ္ဍသျှံ ရှမ်းပြည်နယ် (၁) ဝါ (၁၃၅၆ ခု)

၁၁။မဟာဗောဓိမြိုင် သုဝဏ္ဍသျှံ ရှမ်းပြည်နယ် (၂)ဝါ (၁၃၅၇,၁၃၅၈ ခု)

၁၂။ နတ်တလူ (ဇာတိမြေ) ကန့်ဘလူ (၁) ဝါ (၁၃၅၉ ခု)

၁၃။ ဝေဒလ္လ ပြင်ဦးလွင် (၁) ဝါ (၁၃၆၀ ခု)

၁၄။ မဇ္ဈိမ ဓမ္မမောနိဂူ လယ်ဓမ္မပိုင်၊ ဂန့်ဂေါ(၁)ဝါ(ပုံတောင်ပုံညာ(၁၃၆၁ ခု)

၁၅။ မောနေယျတော စကားပိုင်၊ဂန့်ဂေါ(၁)ဝါ(ပုံတောင်ပုံညာ)(၁၃၆၂ ခု)

၁၈။ ပဋိပတ္တိတော ပုလဲနယ်၊ ကျော်တော (၁) ဝါ(၁၃၆၃ ခု)

၁၇။ စံရိပ်ငြိမ်ကျောင်း ပုလဲနယ်၊ကျော်တော (၁) ဝါ (၁၃၆၄ ခု)

၁၈။ ခေါင်နန်းပလ္လင် ကလေးဝမြို့နယ် (၉) ဝါ (၁၃၆၅ မှ ၁၃၇၃ ခု) မဟာမြိုင်တော ။

၁၉။ ဉေ ယျဓမ်တောရ မင်းဘိသိက်ခံအနီး ကန့်ဘလူမြို့နယ် (၃) ဝါ

၂၀ ။ ရွှေနှစ်တောရ

၂၁ ။ လက်ရှိ ဉေယျဓမ်တောရ

ခေတ္တသီတင်းသုံးရာဒေသများ

၁။ ရသေ့မဂူ ဇင်းကျိုက် သုံးလခန့်

၂။ ဖရုံညှာ စခန်း ဇင်းကျိုက် တစ်လ

၃။ တောင်စဉ် မိတ္ထီလာ တစ်လ

၎။ ကျောက်ထီးတောင် ကျောက်ဆည် နှစ်လ

၅။ ဝါးသုံးရုံစခန်း ပုလဲ ၇၂ ရက်

၆။ မပဒန်ဂူ ညောင်နီရွာ မိုးမိတ် နှစ်လ

ကျေးဇူးတော်ရှင် ဆရာတော်ဘုရားကြီး သည်

ဤ ငါ မနေသုံးချက်

တစ်ချက်ချက်တို့ကြောင့် ရွေ့ပြောင်းခဲ့ရသော နေရာပေါင်း ကား သုံးဆယ်ဝန်းကျင် ရှိခဲ့ပြီး ဖြစ်ပါသည် ။

၁။ ဘယ်နေရာရောက်ရောက် ဌာနေသံဃာများ စိတ်ငြိုငြင်ကြောင်း ကြားသိရက ထိုနေရာ၌ ငါမနေ ။

၂။ ဘယ်နေရာရောက်ရောက် လူရှုပ် လာဘ်ပေါ ကျော်ဇော ခြွေရံ ဤလေးတန် အခံရှိနေက ထိုနေရာ ငါမနေ ။

၃။ ဘယ်နေရာရောက်ရောက် သာသနာမှီ၍ မိမိကိုယ်ကျိုးရှာလိုသော လူ၊ ရှင်၊ ရဟန်းများ တွေ့လာရက ထိုနေရာ၌ ငါမနေ ။

လူ့ဘဝက .. မဟာဗောဓိမြိုင်ဆရာတော်ဘုရားကြီး ဆုတောင်း

လှူခဲ့သောအလှူ ပန်ခဲ့သောဆု

၁ ။ ဘုရားတပည့်တော် ဤဆေးတော်ကို ဝေဘူဆရာတော်ဘုရားကြီးအား လှူဒါန်းပါ၏ ။ ဤကောင်းမှု စေတနာအရှိန်၏ တွန်းလွှတ်အားသတ္တိကြောင့် ဆရာတော်ဘုရားကြီးကဲ့သို့ ကျင့်နိုင်စွမ်းရှိပြီး ဆရာတော်ဘုရားကြီးကဲ့သို့ သိနိုင်စွမ်းလည်း ရှိရပါလို၏ ဘုရား ။

၂ ။ ထိုသို့ ကျင့်နိုင်စွမ်းအလျှောက် သိနိုင်စွမ်းအား ထွန်းပေါက်ပြီးပါသော် ဆရာတော်ဘုရားကြီး ဝေနေယျအား သနားချီးမြှောက်သလိုပင် ဘုရားတပည့်တော်လည်း ချီးမြှောက်နိုင်စွမ်း ရှိရပါစေသား အရှင်ဘုရား ။

၃ ။ ဘုရားတပည့်တော်၏ ဤဆုပန်ဆင်မှုကို ဆရာတော်ဘုရားကြီး အသိမှတ်ပြုရိုးအမှန် ရှိခဲ့ပါသော် ဤဆေးတော်အား သုံးဇွန်းတိတိ ဘုဉ်းပေးပါစေသား ။

ဤကား ငါတို့ ပန်ဆင်ခဲ့သော ဆုပေတည်း ။

ဦးငြိမ်းမောင်(မဟာဗောဓိမြိုင်ဆရာတော် လောင်းလျှာ)သည် ဝေဘူဆရာတော်ဘုရားကြီးအား ရည်မှန်း၍ ဓတုမဓုဆေးလှူဒါန်းစဉ် ပန်ခဲ့သောဆု ဖြစ်ပါသည်။

ဝေဘူဆရာတော်ဘုရားကြီး တရားဟောသောအခါ ဟောနေရင်း စတုမဓူ ဘုဉ်းပေးခဲ့သောကြောင့် ဦးငြိမ်းမောင် ၏ ဆုတောင်း(နံပါတ် ၃)အချက် ပြည့်သည်ဟု ပြောရမှာ ဖြစ်သည် ။

ဝေဘူဆရာတော်ဘုရားကြီးကဲ့သို့ မဟာဗောဓိမြိုင် ဆရာတော် ဘုရားကြီးသည် တရား ကျင့်ကြံအားထုတ်ခဲ့ ကျင့်ကြံနေသူဖြစ်သောကြောင့် (နံပါတ် ၁) အချက်လည်း ပြည့်သည်ဟု ပြောရမှာ ဖြစ်သည် ။

ဝေဘူဆရာတော်ဘုရားကြီးကဲ့သို့ မဟာဗောဓိမြိုင် ဆရာတော် ဘုရားကြီးသည်လည်း ဝေနေယျတို့အား တရားဓမ္မများဖြင့် ချီးမြှောက်ပေး နိုင်ခဲ့သောကြောင့် (နံပါတ် ၂) အချက်နဲ့လည်း ပြည့်သည်ဟု ပြောရမှာဖြစ်သည် ။

လက်ရှိ မဟာဗောဓိမြိုင်ဆရာတော်ဘုရားကြီး ဉေယျဓမ်တောရတွင် ဆွမ်းခံကြွလျှက်ရှိရာ မိမိတို့လှူဒါန်းလိုသော လှူဖွယ်ရာများ လှူဒါန်းရာမှာ ဆရာတော်ဘုရားကြီး ဦးငြိမ်းမောင်ဘဝက ကျင့်သုံးခဲ့သော နည်းကို ယူလိုက ယူနိုင်ကြစေဖို့ ထပ်ဆင့်မျှဝေပေးခြင်း ဖြစ်ပါသည် ။ ကိုးကား ဘဝကန္တာရသင်္ကေတ ကထာ

Add a Comment

Your email address will not be published. Required fields are marked *