ပြည်သူကိုမလေးစားပဲ ကန့်လန့်တိုက်ခဲ့တဲ့ အဖြူရောင်အနုပညာရှင်ဟုဆိုသူ ဒေါ်နွဲ့နွဲ့စန်းရဲ့ ကြော်ငြာရုပ်ပုံဖယ်ရှားခံရ

စစ်ကောင်စီခန့် ပြန်ကြားရေးဝန်ကြီးဌာနက ပြုလုပ်ပေးသည့် မြန်မာ့ရုပ်ရှင်သက်ကြီးပူဇော်ပွဲကို တက်ရောက်ခဲ့သည့် သက်ကြီးသရုပ်ဆောင် ဒေါ်နွဲ့နွဲ့စန်း ပါဝင်ထားသည့် ကြော်ငြာရုပ်ပုံ ဖယ်ရှားခံလိုက်ရကြောင်း သိရသည်။

အဆိုပါကြော်ငြာမှာ Strategy First ကျောင်း၏WasoLearn Mobile Application ကြော်ငြာဖြစ်ပြီး ယမန်နေ့က စစ်ကောင်စီ လက်အောက်ခံ သတင်းစာတွင် ဖြေကြားထားသည့် ဒေါ်နွဲ့နွဲ့စန်း၏အင်တာဗျူးအပေါ် ဝေဖန်မှုများ မြင့်တက်ခဲ့ပြီးနောက် တခြားသောအနုပညာရှင်များနှင့်အတူ ရိုက်ကူးထားသည့် ဓာတ်ပုံထဲမှ ၎င်း၏ပုံအား ဖယ်ရှားခံလိုက်ရခြင်း ဖြစ်သည်။

ဧရာဝတီကWaso Learn Mobile Application ကို ဆက်သွယ်မေးမြန်းခဲ့ရာ“ကျနော်တို့ ပြောခွင့် မရှိပါဘူး။ အသေးစိတ်ကို Page ကနေပဲ ကြေညာပေးပါမယ်” ဟု ပြောသည်။

ဒေါ်နွဲ့နွဲ့စန်းက ၎င်းမှာအဖြူရောင် အနုပညာရှင်တဦး ဖြစ်ကြောင်း၊ အနုပညာရှင်သည် အနုပညာရှင် နေရာတွင် နေရမည် ဖြစ်ကြောင်း၊ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်၏ ဇနီးဖြစ်သူအား မမကြူဟု ခေါ်ဝေါ်ကာ ကျေးဇူးတင်စကား ပြောခဲ့ခြင်းများ စသည်ဖြင့် အင်တာဗျူးတွင် ပြောဆိုထားသည်။

အဆိုပါ ပြောစကားများအပေါ် ပြည်သူလူထုနှင့် အနုပညာအသိုင်းအဝိုင်းက ဝေဖန်ပြောဆိုခဲ့ကြသလို မြန်မာ့ရုပ်ရှင်သက်ကြီးပူဇော်ပွဲသို့ တက်ရောက်ခဲ့ကြသည့် အနုပညာရှင်များလည်း ဝေဖန်ခံခဲ့ရသည်။

ဒေါ်နွဲ့နွဲ့စန်းကဲ့သို့ပင် စစ်အာဏာရှင်ကို ဆန့်ကျင်နေသည့် ပြည်သူများနှင့်အတူ ရပ်တည်မှု မရှိသော ဖြူဖြူထွေး၊ စိုင်းစိုင်းခမ်းလှိုင်၊ နေခြည်ဦးစသည့် နာမည်ကြီး သရုပ်ဆောင်များကိုလည်း သပိတ်မှောက်ရန်တိုက်တွန်းမှုများကြောင့်

ကုမ္ပဏီများက ၎င်းတို့၏ ကုန်ပစ္စည်းကြော်ငြာများတွင် ထည့်သွင်းကြော်ငြာတော့မည် မဟုတ်ကြောင်း၊ ပြည်သူများ မကြိုက်နှစ်သက်သည့် အနုပညာရှင်များနှင့် လက်တွဲ အလုပ်လုပ်သွားမည် မဟုတ်ကြောင်း စသည်ဖြင့် ကြေညာချက်များ ထုတ်ပြန်ခဲ့ကြရသည်။ crd