ပြန်ပေးဆွဲခံရတယ်ဆိုပြီ အဖေကိုဂျင်းထည့်ကာ ငွေပြန်ညှစ်ခဲ့တဲ့ ညီအစ်မ ၃ ယောက်

ပြန်ပေးဆွဲခံရတယ်ဆိုပြီ အဖေကိုဂျင်းထည့်ကာ ငွေပြန်ညှစ်ခဲ့တဲ့ ညီအစ်မ ၃ ယောက်

တချို့လူတွေက ငွေကို လောဘကြီးတာကြောင့် မလုပ်သင့်တာတွေကို လုပ်မိကြပါတယ်။ မလေးရှားနိုင်ငံက ညီအစ်မ သုံးယောက်ကတော့ ငွေကို မကြံကောင်းမစည်ရာ ကြံစည်မိလို့ ရဲဖမ်းတာ ခံလိုက်ရပါတယ်။

 

သူတို့ ညီအစ်မ သုံးယောက် ပြန်ပေးဆွဲ ခံရတယ် လို့ လိမ်ညာပြီး အဖေဆီကနေ ငွေပြန် ညှစ်တာပါ။ သူတို့ အဖေက ရဲကို တိုင်လိုက်တဲ့အခါ ၃ ယောက်လုံး အဖမ်းခံ လိုက်ရပါတယ်။

အောက်တိုဘာလ ၁ ရက်နေ့တုန်းက အသက် ၂၅ နှစ်ကနေ ၃၂ နှစ်အရွယ်ကြား ရှိကြတဲ့ ညီအစ်မသုံးယောက်က သူတို့ ပြန်ပေးဆွဲခံလိုက်ရလို့ ငွေနဲ့လာရွေးပါလို့ အဖေကို ဖုန်းဆက်ပါတယ်။

ဒါပေမယ့် အသက် ၆၆ နှစ်အရွယ်အဖေက ရဲကို ချက်ချင်း အကြောင်းကြားလိုက်တာကြောင့် ရဲက သူတို့ ၃ ယောက်ကို လိုက်ရှာပါတယ်။ အောက်တိုဘာလ ၄ ရက် ည ၈ နာရီခွဲမှာ သူတို့ ညီအစ်မ ၃ ယောက်ကို နေရာနှစ်နေရာမှာ ရှာတွေ့ပါတယ်။ သူတို့ ၃ ယောက်ကို အောက်တိုဘာ ၇ ရက်နေ့အထိ ချုပ်မိန့်ပေးထားပါတယ်။

သူတို့ညီအစ်မ ၃ ယောက်က အဖေဆီကနေ ငွေလိုချင်တာကြောင့် ဇာတ်လမ်း အတုအယောင် ဖန်တီးလိုက်တာပါ။ ရဲတွေကတော့ ဆက်လက် စစ်ဆေးနေပါတယ်။ စီရင်ချက်ချမယ်ဆိုရင် အများဆုံးထောင်ဒဏ် ၁၀ နှစ်နဲ့ ငွေဒဏ် ဆောင်ရနိုင်ပါတယ်။ ဒါမှမဟုတ် ကျာပွတ်နဲ့ ရိုက်နှက် အပြစ်ပေးခံရမှာပါ။

ဒါမှမဟုတ် ထောင်လည်းကျ၊ ငွေဒဏ်လည်းဆောင်၊ ကျာပွတ်နဲ့လည်း အရိုက်ခံရနိုင်ပါတယ်။ မိသားစုချင်း လုပ်ကြံဇာတ်လမ်းထွင်ပြီး ငွေညှစ်ရင် မိဘကတော့ ခွင့်လွှတ်ချင် ခွင့်လွှတ်မှာပါ။ တရားဥပဒေကတော့ ခွင့်လွှတ်မှာ မဟုတ်ပါဘူး။ ခရက်ဒစ်

Add a Comment

Your email address will not be published. Required fields are marked *