သြစတြီးယားနိုင်ငံမှ ဆောင်ကြာမြိုင်တစ်ခုက ကိုဗစ်ကာကွယ်ဆေး ထိုးပြီးသူဖောက်သည်များအား အခမဲ့ပျော်ခွင့် ပေးမည်ဟုဆို

သြစတြီးယားနိုင်ငံမှ ဆောင်ကြာမြိုင်တစ်ခုက ကိုဗစ်ကာကွယ်ဆေး ထိုးပြီးသူဖောက်သည်များအား အခမဲ့ပျော်ခွင့် ပေးမည်ဟုဆို

သြစတြီးယား (Austria) နိုင်ငံရှိ ဆောင်ကြာမြိုင် တစ်ခုက ဖောက်သည်များအား COVID-19 ကာကွယ်ဆေး ထိုးပေးမည် ဖြစ်ပြီး၊ ထိုသို့ထိုးပေးပြီးပါက ဆောင်ကြာမြိုင် အတွင်းရှိ ကလပ် တစ်ခုသို့ အခမဲ့ ဝင်ရောက်ပျော်ပါးခွင့် လက်မှတ် တစ်ခု ပေးမည်ဖြစ်ကြောင်း ကြေညာလိုက်သည်။

သြစတြီးယားနိုင်ငံ ဗီယင်နာ မြို့ရှိ Fun-palast ဟူသည့် ဆောင်ကြာမြိုင်က ထိုသို့ ကြေညာလိုက်ခြင်း ဖြစ်သည်။ သူတို့ဆီတွင် ကာကွယ်ဆေးထိုးပြီးသူ ဧည့်သည်တို့ အနေဖြင့် အတွင်းရှိ Sauna Club တွင် မိနစ် ၃၀ ကြာ ဆက်ရှင်တစ်ခု အခမဲ့ ရရှိ မည်ဖြစ်ပြီး၊ အမျိုးသမီးများနှင့် တွေ့ဆုံပျော်ပါးခွင့် ရမည်ဟုလည်း ဆိုထားသည်။

သူတို့ဆီတွင် ယခု နိုဝင်ဘာလ မှစတင်၍ တနင်္လာနေ့တိုင်း ညနေ ၄ နာရီမှ ည ၁၀ နာရီအထိ ကာကွယ်ဆေး ထိုးနှံပေးမည် ဖြစ်သည်။ သြစတြီးယား နိုင်ငံတွင် လူဦးရေ၏ ၆၅ ရာခိုင်နှုန်းမျှသာ ကိုဗစ်ကာကွယ်ဆေး အပြည့်အဝ ထိုးနှံပြီးကြကြောင်း သိရသည်။

ယခု အစီအစဉ် သည် ကာကွယ်ဆေး ထိုးနှံသူ အရေအတွက် များပြားရေးအတွက် အထောက် အကူပြုစေရန် စီစဉ်လိုက်ခြင်း ဖြစ်ကြောင်း အဆိုပါ ဆောင်ကြာမြိုင်မှ တာဝန်ရှိသူကပြောသည်။

သြစတြီးယားနိုင်ငံတွင် COVID-19 ကူးစက်မှု ပြန်လည် မြင့်တက် လျှက်ရှိပြီး နိုဝင်ဘာ ၁၁ ရက်နေ့ က ကူးစက်သူအသစ် ၁၁၇၉၈ ဦး စစ်ဆေးတွေ့ရှိခဲ့သည်။ Ref – Reuters

Be the first to comment

Leave a comment

Your email address will not be published.


*