မုံရွာတွင် ကလေးများကို တောင်းရမ်းခိုင်းသည့် မိဘများ ခံဝန်ကတိ ခေါ်ယူထိုးခိုင်းကာ သတိပေးထားဟုဆို

မုံရွာတွင် ကလေးများကို တောင်းရမ်းခိုင်းသည့် မိဘများ ခံဝန်ကတိ ခေါ်ယူထိုးခိုင်းကာ သတိပေးထားဟုဆို

မုံရွာမြို့တွင်း လိုက်လံ တောင်းရမ်းနေသည့် ကလေးများကို စည်ပင်နှင့် ဈေးကော်မတီမှ ယနေ့ နံနက်ပိုင်းတွင် ယာယီ ထိန်းသိမ်းပြီး ၎င်းတို့၏ မိဘများကို ခေါ်ယူကာ ခံဝန် ကတိ ထိုးခိုင်းခဲ့သည်။

ချင်းတွင်း ရတနာဈေးအတွင်း လိုက်လံ တောင်းရမ်းသည့် ကလေး ၁၀ ဦး ကို ထိန်းသိမ်းပြီး နောင်တွင် တောင်းရမ်း မခိုင်းရန် မိဘများအား လက်မှတ်ထိုး ဝန်ခံစေ ခြင်းဖြစ်သည်။

“ ခုလောလော ဆယ်တော့ သတိ ပေးတာပဲ လုပ်ထားသေးတယ်၊ မိဘတွေကို နောက်နောင် မလွှတ်ဖို့ လွှတ်ရင် ကလေးသူငယ် ဥပဒေအရ အရေးယူသွားမယ် ဆိုတဲ့အကြောင်း လက်မှတ်ထိုးခိုင်းထားတယ် ”ဟု ဈေးအရာရှိ ဦးအောင်ကိုဝင်းက ပြောသည်။

ကလေးငယ်များသည် ချောင်းဦး မြို့နယ်မှ ဖြစ်ပြီး မုံရွာသို့ အဖွဲ့လိုက် လာရောက် တောင်းရမ်းကြ ခြင်းဖြစ်သည်။ မိဘအုပ်ထိန်းသူတစ်ဦးက “ သမီးတွေက ကျောင်းတက် ကြပါတယ်၊ စာအုပ် လိုချင်လို့ လွှတ်တာပါ၊ အကြီးမကတော့ ကျောင်းတက် ခိုင်းလို့ မရတော့ဘူး ဒီတောင်းတဲ့ဘက် မျောသွားလို့၊ ကျန်တဲ့ ကလေးတွေက ကျောင်းတက် ကြပါသေးတယ်”ဟု ပြောသည်။

တောင်းရမ်း အဖွဲ့တွင် အငယ်ဆုံး ကလေးမှာ ၈ နှစ်ရှိပြီး အသက် ၁၈ နှစ်အထိ အရွယ်စုံ ပါဝင်သည်။ မုံရွာမြို့ လူစည်ကားရာ ဈေးကြီးများသို့ တစ်နေ့လျှင် တောင်းရမ်းသည့် ကလေးငယ် ၃၀ ဦးခန့် ရှိကြောင်း ဈေးသူ ဈေးသား များက ပြောသည်။ Source : Monywa Gazette

Add a Comment

Your email address will not be published. Required fields are marked *