ဇူလိုင်လလယ်တွင် လေဖိအားနည်းရပ်ဝန်းနှစ်ကြိမ်နှင့် မုန်တိုင်းငယ်တစ်ကြိမ် ဖြစ်ပေါ်နိုင်ကြောင်း ခန့်မှန်းထား

ဇူလိုင်လလယ်တွင် လေဖိအားနည်းရပ်ဝန်းနှစ်ကြိမ်နှင့် မုန်တိုင်းငယ်တစ်ကြိမ် ဖြစ်ပေါ်နိုင်ကြောင်း ခန့်မှန်းထား

ဇူလိုင် လလယ်တွင် လေဖိအားနည်းရပ်ဝန်း နှစ်ကြိမ်နှင့် မုန်တိုင်းငယ် တစ်ကြိမ် ဖြစ်ပေါ်နိုင်ကြောင်း ခန့်မှန်းထားသည်ဟု မိုးလေ ၀သနှင့် ဇလဗေဒ ညွှန်ကြားမှု ဦးစီးဌာန မှသိရသည်။

မိုးလေ၀သ ခန့်မှန်းချက်နှင့် ပတ်သက်၍ ဇူလိုင် ၄ ရက် People Media မှ ဆက်သွယ်မေးမြန်းရာတွင် မိုးလေ၀သနှင့် ဇလဗေဒ ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဒေါက်တာကျော်မိုးဦးက ပြောကြားသည်။

“ ဇူလိုင်လ ထဲမှာတော့ လ၀က်မှာ လေဖိအားနည်းရပ်ဝန်း နှစ်ကြိမ်နဲ့ မုန်တိုင်းငယ်တစ်ကြိမ်တော့ ထုတ်ထားတယ်ပေါ့။ လက်ရှိမှာ တော့ မုတ်သုံလေ အားကောင်းနေတဲ့ အချိန်မှာတော့ လေဖိအားနည်းရပ်ဝန်းတွေ၊ မုန်တိုင်းတွေကဖြစ်ဖို့ အခွင့်အရေးနည်းတယ်။ မုတ်သုံလေ အားနည်းနည်း လျော့သွားပြီဆိုရင်တော့ သူကဖြစ်တော့ဖြစ်နိုင်တယ် ’’ ဟု ၎င်းကပြောသည်။

ဇူလိုင် ၄ ရက်နေ့ မိုးလေ၀သနှင့် ဇလဗေဒ ညွှန်ကြားမှုဦးစီးဌာန၏ သတင်းထုတ်ပြန်ချက်အရ မြန်မာ့ကမ်းရိုးတန်း တစ်လျှောက်နှင့် ကမ်းလွန် ပင်လယ်ပြင်တို့တွင် တစ်ခါတစ်ရံ မိုးသက်လေပြင်းကျရောက်နိုင်ပြီး လှိုင်းကြီးနိုင်ကာ မိုးသက်လေပြင်း ကျစဉ်ရေပြင်၊ မြေပြင်လေသည် တစ်နာရီ ၃၅ မိုင်မှ မိုင် ၄၀ အထိ တိုက်ခတ်နိုင်ကြောင်းသိရသည်။ နောက်နှစ်ရက်အတွင်း မုတ်သုံအားအသင့် အတင့်မှ အားကောင်းနေမည် ဖြစ်ကြောင်းသိရသည်။

“ လက်ရှိမှာတော့ ကပ္ပလီ ပင်လယ်ပြင်ရော ဘင်္ဂလား ပင်လယ်အော်မှာ ရှိနေတဲ့ ပင်လယ်ရေ မျက်နှာပြင်ရော ပုံမှန်အပူချိန်မှာပဲ ရှိနေတယ်။ မုန်တိုင်းတစ်ခုဖြစ်ဖို့ကို ပင်လယ်ရေ မျက်နှာပြင် အပူချိန်ဟာ ပိုပူရမဲ့ အနေအထား ရှိတယ် ’’ ဟု ဒေါက်တာကျော်မိုးဦး က ပြောသည်။Source ; People Media

Tags:

Add a Comment

Your email address will not be published. Required fields are marked *