ဝေဠုကျော်နှင့်မတိုင်မီ ကာမလိမ်လည်မှုတစ်ခုတွင် အမှုနိုင်ခဲ့ဖူးဟုယနေ့ရုံးချိန်တွင် ထွက်ဆိုလိုက်တဲ့ သင်းသင်း

ဝေဠုကျော်နှင့်မတိုင်မီ ကာမလိမ်လည်မှုတစ်ခုတွင် အမှုနိုင်ခဲ့ဖူးဟုယနေ့ရုံးချိန်တွင် ထွက်ဆိုလိုက်တဲ့ သင်းသင်း

သရုပ်ဆောင် ဝေဠုကျော်နှင့် အမှုမတိုင်မီ ကာမလိမ်လည်မှု တစ်ခုတွင် အမှု နိုင်ခဲ့ဖူးကြောင်း မော်ဒယ် သင်းသင်းက ယနေ့ (ဇူလိုင် ၁၇ ရက်) တရားခွင်တွင် ဝန်ခံ ထွက်ဆိုခဲ့သည်။

ယနေ့၊ သင်္ဃန်းကျွန်းမြို့နယ် တရားရုံး၌ အမှု စစ်ဆေးရာတွင် ဝေဠုကျော်ဘက်မှ ရှေ့နေက တရားလို သင်းသင်းအား ယခု အမှုမတိုင်မီ ကာမလိမ်လည်မှု တစ်ခု၌ အမှုနိုင်ခဲ့ခြင်း ရှိ၊ မရှိ မေးမြန်းရာ သင်းသင်းက ဟုတ်မှန်ကြောင်း ဝန်ခံခဲ့ခြင်း ဖြစ်သည်။

ဆက်လက်၍ အဆိုအမှုတွင် နစ်နာကြေး သိန်းသုံးဆယ် ရရှိခဲ့ခြင်း ရှိ၊မရှိ ဆက်လက် မေးမြန်းရာ မရရှိခဲ့ကြောင်း သင်းသင်းက ပြန်လည် ထွက်ဆိုခဲ့သည်။ ထိုသို့ မေးမြန်းချက်များအပေါ် တရားလိုဘက်မှ ကန့်ကွက်ခဲ့သော်လည်း တရားရုံးက ခွင့်ပြုခဲ့ပြီး အမှုအား ဆက်လက် စစ်ဆေးခဲ့သည်။

အဆိုပါ ဖြစ်စဉ်နှင့် ပတ်သက်၍ တရားလို သင်းသင်းက ” ဒါကကြာပါပြီ။ ရက်တောင် မမှတ်မိ တော့ပါဘူး။ ကိုယ့်ဘက်က လိပ်ပြာ သန့်ပါတယ်။ လျော်ကြေးနဲ့ ပတ်သက်လို့ပေါ့။ သူတို့ဘက်က ငွေနဲ့ လာညှိတာ ရှိပါတယ်။ သင်းသင်းဘက်က လက်မခံခဲ့တာပါ ” ဟု မီဒီယာများကို ပြောကြားခဲ့သည်။

ပြီးခဲ့သည့် ၂၀၁၁ ခုနှစ်က ရေနံချောင်းမြို့နယ် တရားရုံးတွင် မော်ဒယ် သင်းသင်းက အမျိုးသားတစ်ဦးအား ကာမ လိမ်လည်မှုဖြင့် တရားစွဲဆိုခဲ့ပြီး အမှုတွင် အနိုင်ရခဲ့ကြောင်း ယနေ့ တရားခွင်စစ်ဆေးမှုမှ သိရသည်။ အဆိုပါ အမှုတွဲဖိုင် မိတ္တူကိုလည်း ဝေဠုကျော်ဘက်မှ သက်သေအဖြစ် တင်သွင်းခဲ့ပြီး တရားရုံးက လက်ခံခဲ့သည်။

အမှုစစ်ဆေးမှုနှင့် ပတ်သက်၍ သရုပ်ဆောင် ဝေဠုကျော်က” ဒီနေ့က တရားလိုကို ဒုတိယမြောက် အပြန်အလှန် စစ်မေးတဲ့ ရက်ပါ ။ အကို တို့ဘက်လည်း မေးစရာရှိတာ မေးတယ်။ တရားလို ဘက်ကလည်း ဖြေစရာရှိတာ ဖြေခဲ့ပါတယ်”ဟု မီဒီယာများကို ပြောကြားခဲ့သည်။

သရုပ်ဆောင် ဝေဠုကျော်အား မော်ဒယ်သင်းသင်းက ကာမလိမ်လည်ရယူမှု ပုဒ်မ – ၄၁၇ ဖြင့် တရားစွဲဆိုထားသော အမှုအား ယနေ့ တွင် သင်္ဃန်းကျွန်းမြို့နယ် တရားရုံး၌ ရုံးချိန်းခေါ်ယူ စစ်ဆေးခဲ့ခြင်းဖြစ်သည်။ Source ; စံတော်ချိန်

Add a Comment

Your email address will not be published. Required fields are marked *