ရှမ်း နှင့် ကယားပြည်နယ်တို့တွင် ပျံ့နှံ့နေသည့် တရားမဝင် တရုတ်ဘီယာများကိစ္စ ဌာနဆိုင်ရာများ ပူးပေါင်းစစ်ဆေးမည်

ရှမ်း နှင့် ကယားပြည်နယ်တို့တွင် ပျံ့နှံ့နေသည့် တရားမဝင် တရုတ်ဘီယာများကိစ္စ ဌာနဆိုင်ရာများ ပူးပေါင်းစစ်ဆေးမည်

ရှမ်းပြည်နယ်နှင့် ကယားပြည်နယ်တို့တွင် တရုတ်ပြည် နယ်စပ်ဂိတ် များမှတဆင့် မှောင်ခိုသယ်ဆောင်၍ ရောင်းချနေသည့် တိရစ္ဆာန် ရုပ်ပုံမျိုးစုံပုံပါ ဘီယာများကို နယ်စပ်ဂိတ်များနှင့် ရပ်ကွက်အိမ်ဆိုင်များပါမကျန် သက်ဆိုင်ရာ ဌာနဆိုင်ရာ တာဝန်ရှိသူများ ပူးပေါင်း စိစစ်အရေးယူ သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ကုန်သွယ်ရေးဦးစီးဌာနမှ သိရသည်။

ယင်းဘီယာများသည် တရုတ်နိုင်ငံဘက်မှ မှောင်ခိုဝင်ရောက်ပြီးဘူးများပေါ် တွင် ဆင်၊ ခြင်္သေ့၊ နဂါး တိရစ္ဆာန်ရုပ်ပုံ တံဆိပ်အမျိုးမျိုးပါရှိ၍ ဘီယာတဘူး ငွေကျပ် ၅ဝဝ ဖြင့် ရောင်းချလျက်ရှိကာ တောင်ကြီးမြို့နှင့် အနီးတဝိုက် မြို့နယ်များဖြစ်သည့် ကလော၊ အောင်ပန်း၊ ညောင် ရပ်စောက်၊ ဟိုပုံး၊ ဖယ်ခုံ၊ လွိုင်ကော် မြို့နယ်များအထိ ပျံ့နှံ့နေကြောင်း ယင်းဒေသတွင်း နေထိုင်သူများထံမှ သိရသည်။

” လောလောဆယ်က ကိုဗစ်ကာလ ဖြစ်နေတဲ့အတွက် အချိန်ကာ လ တခုသတ်မှတ်ပြီး ပြည်နယ်နဲ့ တိုင်းအလိုက် ချိတ်ဆက်ပြီး တ ရားမဝင် ကုန်သွယ်မှု တားဆီးရေးကော်မတီက စိစစ်ဖို့လုပ်နေတယ်။ နောက်တခုက နယ်စပ်ဂိတ် ၆ ခုလုံးမှာ ပူးပေါင်းအဖွဲ့တွေချထားပြီး စစ်ဆေးနေတယ်။ အခြားအိမ်ဆိုင်လေးတွေမှာလည်း တင်ရောင်းနေကြတာရှိတာပေါ့။

ဒါပေမဲ့ ဒီကာလမှာ စီးပွားရေးကျပ်တည်းနေကြတာဆိုတော့ ကျွန်တော်တို့ဘက်က ပြန် ကြည့်ပေးတဲ့သဘောပါ။ သို့သော် စစ်ဆေးလို့တွေ့ရင်တော့ ဥပဒေအတိုင်းအရေးယူ မှာပါ”ဟု လွိုင်ကော်မြို့နယ် အထွေထွေ အုပ်ချုပ်ရေးဦးစီးဌာန တာဝန်ရှိသူတဦးက ပြောသည်။

တရုတ်ပြည်မှလာသည့် တရားမဝင် ဘီယာများသည် မည်သို့ချက်လုပ်ထားသည်ကို မသိရှိခြင်း၊ မည်သည့် ကုန်ကြမ်း ပစ္စည်းများကို အသုံးပြုထားကြောင်း မသိနိုင်ခြင်းကြောင့် ရေရှည်တွင် ကျန်းမာရေးအရ ဆိုးကျိုးများဖြစ်ပေါ်လာနိုင်မည်ကို သတိပြုရန်လိုကြောင်း စားသုံးသူရေးရာဦးစီးဌာန ညွှန်ကြားရေးမှူးဦးဆွေ တင့်ကြူးက ပြောသည်။

”ဒီဘီယာတွေ သောက်သုံးရင် ကျန်းမာရေးထိခိုက်မှုရှိ၊ မရှိထက် မှောင်ခိုပစ္စည်း ဖြစ်တဲ့အတွက် မသောက်သင့် ဘူးပေါ့။ ဒါကို ကျွန်တော်တို့ တရားမဝင် ကုန်သွယ်ရေးတားဆီးမှုကော်မတီပူးပေါင်းအဖွဲ့တွေနဲ့ စိစစ်နေကြတယ်”ဟု ၎င်းက ပြောသည်။ တရားမဝင် ဘီယာများကို ယမကာ အရောင်းဆိုင်များ၊ ဈေးဆိုင်များနှင့် အိမ်ဆိုင်များတွင် ရောင်းချနေသည်ကို စစ်ဆေးတွေ့ရှိပါက ယစ်မျိုးဥပဒေအရ အရေးယူ နိုင်ကြောင်း သိရသည်။

လက်ရှိ ရှမ်းပြည်နယ်နှင့် ကယားပြည်နယ်တို့တွင် ဆင်နှင့်နဂါးတံဆိပ် ဘီယာများသာမက အခြားအမည်မျိုးစုံနှင့် တရုတ်ဘီယာအမျိုးအစား ၂ဝ ခန့် ဝင်ရောက်နေသည်မှာ တနှစ်ကျော်ခန့်ရှိပြီ ဖြစ်ကြောင်း ဒေသခံပြည်သူများထံမှ သိရသည်။ ခရက်ဒစ်

Add a Comment

Your email address will not be published. Required fields are marked *