ရန်ကုန် ထားဝယ် အဝေးပြေးလမ်း မိုင်တိုင်အမှတ် ၂၀ မိုင် ၃ ဖာလုံအနီးတွင် ခရီးသည်တင် မှန်လုံယဉ်တစ်စီး တိမ်းမှာက် … ၂ ဦးသေဆုံး ၈ ဦး ဒဏ်ရာရ

ရန်ကုန် ထားဝယ် အဝေးပြေးလမ်း မိုင်တိုင်အမှတ် ၂၀ မိုင် ၃ ဖာလုံအနီးတွင် ခရီးသည်တင် မှန်လုံယဉ်တစ်စီး တိမ်းမှာက် … ၂ ဦးသေဆုံး ၈ ဦး ဒဏ်ရာရ

တနသာင်္ရီတိုင်းဒေသကြီး ထားဝယ်ခရိုင်ရှိ ရန်ကုန်-ထားဝယ် အဝေးပြေးလမ်းမ မိုင်တိုင်အမှတ် ၂ဝမိုင် ၃ ဖာလုံအနီးတွင် ဇူလိုင်လ ၂၄ နံနက် ၃ နာရီအချိန်ခန့်က ခရီးသည်တင် မှန်လုံယာဉ်တစ်စီး လမ်းဘေးသို့ ထိုးကျတိမ်းမှောက်မှု ဖြစ်ပွားခဲ့ပြီး ၂ ဦးသေဆုံးက ၈ ဦးဒဏ်ရာရရှိခဲ့ကြောင်း သိရသည်။

ရန်ကုန်မြို့မှ ထားဝယ်မြို့သို့ ထွက်ခွာလာသည့် ရွှေလီရတနာ ခရီးသည်တင် မှန်လုံယာဉ်မှာ ရေဖြူမြို့နယ်ရှိ မိုင်တိုင်အမှတ် ၂၀/၃ အနီးအရောက်တွင် ယာဉ်မောင်းအိပ်ငိုက်မှုကြောင့် အရှိန်မထိန်းနိုင်ဘဲ လမ်းနံဘေးသို့ ထိုးကျတိမ်းမှောက်ခဲ့ခြင်း ဖြစ်ကြောင်း၊

ယာဉ်တိမ်းမှောက်မှုကြောင့် ယာဉ်မောင်းနှင့် ယာဉ်နောက်လိုက် နှစ်ဦးသေဆုံးခဲ့ပြီး ယာဉ်ပေါ်တွင် လိုက်ပါလာသူ ခရီးသည် ၁၁ ဦးအနက် ၈ ဦး၌ ဦးခေါင်းကွဲဒဏ်ရာ၊ မှန်ကွဲစများ ထိမှန်သည့် ဒဏ်ရာ၊ ခြေထောက်နှင့် လက်ကျိူးသည့် ဒဏ်ရာနှင့် ခန္ဓာကိုယ်ပွန်းပဲ့ ဒဏ်ရာများ ရရှိခဲ့ပြီး ရေဖြူမြို့နယ် ပြည်သူ့ဆေးရုံထံ တင်ပို့ထားကြောင်း သိရသည်။

“ကျွန်တော်တို့ဆီကို ဖုန်းဝင်လာတော့ နံနက် ၃ နာရီ ၁၅ မိနစ်လောက်ရှိပြီ။ အခင်းဖြစ်နေရာကို ၄ နာရီခွဲလောက် ရောက်တယ်။ ကားပေါ်မှာ ခရီးသည် ၁၃ ယောက်ပါတယ်။ ၂ ယောက်ကတော့ ရေးမှာဆင်းခဲ့တယ်။ ၁၁ ယောက်က ထားဝယ်ပါလာတာ ၈ ယောက်ကို ရေဖြူဆေးရုံပို့ထားတယ်။

ခေါင်းကွဲတာ မှန်ကွဲစထိတာ ခြေကျိုးတာတွေဖြစ်တယ်။ ကြီးကြီးမားမား အသက်အန္တရာယ် ဖြစ်လောက်တဲ့အထိ ဖြစ်တာတော့မရှိဘူး။ စပယ်ရာကတော့ ကားထဲမှာညှပ်နေလို့ မနက်ကျမှ ဆွဲထုတ်လို့ရတယ်။ ယာဉ်မောင်းရော ၂ ယောက်လုံးက အခင်းဖြစ်တဲ့နေရာမှာပဲ ပွဲချင်းပြီးသေသွားတယ်။

ယာဉ်မောင်းအိပ်ငိုက်ပြီး ဆင်းသွားတာလို့ သိရတယ်” ဟု အခင်းဖြစ်နေရာသို့ သွားရောက်ကူညီခဲ့သည့် ဇမ္ဗူသီရိ အရေးပေါ်ကယ်ဆယ်ရေးအဖွဲ့မှ ကိုသန်းထိုက်က ပြောကြားသည်။

လမ်းနံဘေးသို့ ထိုးကျတိမ်းမှောက်မှု ဖြစ်ပွားခဲ့သည့် ယာဉ်ပေါ်မှ ဒဏ်ရာရရှိသူ ခရီးသည်များကို အရေးပေါ် လူနာတင်ယာဉ်များဖြင့် ရေဖြူမြို့နယ် ပြည်သူ့ဆေးရုံထံ တင်ပို့ပေးခဲ့ကြပြီး အခင်းဖြစ်နေရာ၌ မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ လုပ်ဆောင်ခဲ့ရကြောင်း သိရသည်။ လက်ရှိတွင် တိမ်းမှောက်မှု ဖြစ်ပွားခဲ့သည့်ယာဉ်ကို မနက် ၁၀ နာရီကျော်အချိန်၌ လမ်းပေါ်သို့ ဆွဲတင်ကာ ရှင်းလင်းနိုင်ခဲ့ပြီဖြစ်ကြောင်း သိရသည်။

ရန်ကုန်-ထားဝယ် ပြည်ထောင်စုလမ်းမပေါ်ရှိ အဆိုပါ ရေဖြူမြို့နယ်လမ်းပိုင်း၌ အိမ်စီးယာဉ်ငယ်များ မကြာခဏ ယာဉ်မတော်တဆမှုများ ဖြစ်ပွာခဲ့ဖူးသော်လည်း ခရီးသည်တင်ယာဉ်ကြီး တိမ်းမှောက်၍ လူသေဆုံးမှု ဖြစ်ပွားခဲ့ခြင်းမှာ ယခုနှစ်ပိုင်းအတွင်း အဆိုးဝါးဆုံး ဖြစ်စဉ်ဖြစ်ကြောင်း သိရသည်။ Crd ; EMG

Add a Comment

Your email address will not be published. Required fields are marked *