ကရင်လူမျိုးများ၏ ရိုးရာဓလေ့တစ်ခုဖြစ်တဲ့ ၀ါခေါင်လ ချည်ဖြူဖွဲ့မင်္ဂလာပွဲအကြောင်း

ကရင်လူမျိုးများ၏ ရိုးရာဓလေ့တစ်ခုဖြစ်တဲ့ ၀ါခေါင်လ ချည်ဖြူဖွဲ့မင်္ဂလာပွဲအကြောင်း

ကရင် အမျိုးသားများ၏ မင်္ဂလာရှိသော ရိုးရာ ဓလေ့များအနက် ကရင့်ရိုးရာ ဝါခေါင်လ ချည်ဖြူဖွဲ့ မင်္ဂလာပွဲတော် အလွန် မွန်မြတ်သော ရိုးရာပွဲတော် တစ်ခု ဖြစ်ပါသည်။ ဤမင်္ဂလာပွဲတော်သည် ဘာသာရေးပွဲတော် တစ်ခုမဟုတ်ပါ။ ရှေးဘိုးဘေးဘီဘင် ကရင်လူကြီးများ၏ အဆိုအမိန့်အရ ဝါခေါင်လသည် မကောင်းဆိုးဝါးများ၏ မြူးတူးပျော်ပါးသည့် လရာသီဖြစ်သည်။

ထိုမကောင်းဆိုးဝါး ဝိဉာဉ် (လိပ်ပြာ) များသည် လူသားတို့၏ဝိဉာဉ် (လိပ်ပြာ) များထံ ခိုဝင် ပူးကပ်မှုပြု တတ်သည့်အပေါ် လူသားများ၏ ဝိဉာဉ် (လိပ်ပြာ) နှင့် ပူးကပ် ကျွမ်းဝင်မည်ကို အလွန်စိုးရွံသဖြင့် မိဘဘိုးဘွားများမှာ သားသမီး မြေးမြစ်များ၏ ဝိဉာဉ် (လိပ်ပြာ) ကို ခေါ်ပြီး သန့်ရှင်းဖြူစင်သည့် ချည်ဖြူဖြင့် တုတ်ချည်ချုပ်နှောင်လိုက်ခြင်း ဖြစ်သည်။

ကရင် လူမျိုးများသည် မြန်မာပြည်ဟု ယခုခေါ်ဆိုသော ဒေသသို့ မရောက်ရှိလာမှီ အချိန်ကာလကတည်းကပင် မွန်ဂိုးလီးယားနိုင်ငံရှိ ကုန်းပြင်မြင့်မှနေ၍ ကရင့်ရိုးရာချည်ဖြူဖွဲ့အင်္ဂလာပွဲတော်ကို နှစ်စဉ် ဆင်နွှဲလာခဲ့ကြပါသည်။ ဟိုးရှေးခေတ် ဘိုးဘေးဘီဘင်များသည် ယခုခေတ် ကျွန်ုပ်တို့ခေတ်ကာလ လူများနှင့် အလွန်ကွဲပြား ခြားနားစွာဖြင့် အသက်ရှည်ကြာကြပါသည်။ ခေတ်မှီဆေးဝါးများကို ရယူသုံးစွဲပြီး အသက်ရှည်ကြာကြခြင်းမဟုတ်ချေ။ ထိုသို့ အသက်ရှည်ကြာကြသည့်အတွက် ( ဖေါဟ်လ်ုဆီ့ – လီလ်ုယာ) (သားသမီးတကျိတ် မြေးတရာ) ဟူ၍ ဘိုးဘွားများ ပြောစမှတ် ရှိသည်ကို တွေ့ ရှိမှတ်သားမိပါသည်။

အဆိုပါအဆက်ဆက် အများအပြားသော သားသမီးများသည် နိယာမအရ အချိန်တန် အရွယ်ရောက် အိမ်ထောင်သားမွေးပြုကြပြီး ရောကြည်ရာ၊ မျက်နုရာ မိမိတို့ ကျွမ်းကျင်ခုံမင်သည့် လုပ်ငန်းအစုစုဖြင့် အရပ်ဒေသအသီးသီးသို့ထွက်ခွါလှုပ်ရှား အသက်မွေးဝမ်း ပြုကြသည့်အခါ မိဘဘိုးဘွားများနှင့် အလှမ်းဝေးကွာကြပြီး မွန်ဂိုးလီးယားသားအနွယ်ဝင် များနှင့် ထိုင်း၊ တရုတ်အနွယ်ဝင် လူမျိုးများတို့နှင့်အတူ ရောနှော နေထိုင် လာကြသည့်အတွက် မိဘဘိုးဘွားများက မိမိ၏ သားသမီး မြေးမြစ်များ ကွဲပြား ပျောက်ကွယ် သွားမည်ကို စိုးရိမ်ပူပန်ကြ၍

ဝါခေါင်လပြည့် ရောက်သည့်အခါ တနယ်တကျေးသို့နေထိုင်ကြသည့် သားသမီးမြေးမြစ်များ၏ စီးပွားရေး၊ ကျန်းမာရေး၊ ပညာရေး အစရှိသည်အားဖြင့် မည်ကဲ့သို့ ဖြစ်ရှိနေသည်များကို ကိုယ်တိုင်ကိုယ်ကျ တွေ့မြင်သိရှိနိုင်ရန်နှင့် စီမံဆောင်ရွက် ပေးနိုင်ရန်အတွက် စုစည်းကာ တချိန်တနေရာ တည်း၌ပင် လိုအပ်သလို စီမံဆောင်ရွက်ပေးခြင်းဖြစ်ပါသည်။ သားသမီးမြေးမြစ်များအတွင်း အပြန်အလှန် ချစ်ကြည်ရင်းနှီးပြီး စိတ်ဝမ်းကွဲပြားမှုမရှိစေရန် တစုတစည်းတည်း ဆုံးမဩဝါဒ ပေးနိုင်ရန်လည်း ဖြစ်ပါသည်။

ကရင်လူမျိုးများသည် ရေကြည်ရာ၊ မျက်နုရာ မြန်မာပြည်သို့ ဆင်းသက်ထွက်ခွါလာကြသည့်အခါ အုပ်စုခွဲ၍ “ မောဝ်ထါ်”(အမိဘက်) “ဖါထါ်” (အဖဘက်)အုပ်စုနှစ်စု ဖြစ်ပေါ်ခဲ့ကြသည်။ ထိုသို့အုပ်မကွဲမှီကတည်းက တဦးနှင့်တဦး ပြန်လည်မှတ်မိစေရန်နှင့် အချင်းချင်း အသိအမှတ်ပြု စောင့်ရှောက်နိုင်ရေးကို ရည်ရွယ်ပြီး မိဘဘိုးဘွားများဖြစ်သည့် ကရင့်ခေါင်းဆောင်များက မိမိ၏ လက်ကောက်ဝတ်အသီးသီးတွင် အမှတ်သညာအဖြစ် ချည်ဖွဲ့နှောင်ပေးခဲ့ကြသည်။ ကရင်လူမျိုးများသည် ကိုဘီသန္တာရအား ဖြတ်သန်းရာတွင် မိုးအများဆုံးရွာသောလဖြစ်သည့် ဝါခေါင်လတွင် ဖြတ်သန်းလာခဲ့ကြသည်။ အဘယ်ကြောင့်ဆိုသော် သဲကန္တရအား ဖြတ်သန်းရာတွင် မိုးများရွာသည့်အတွက် အပူဒဏ်ခံနိုင်ခြင်း၊ သောက်သုံးရေများ အလွယ်တကူ ရရှိခြင်းတို့ကြောင့် ဖြစ်သည်။

ထိုသို့ သဲကန္တရာမဖြတ်သန်းမှီ တဦးနှင့်တဦး ပြန်လည်မှတ်မိ ကြစေရန် ရည်ရွယ်၍ လက်ကောက်ဝတ်တွင် အမှတ်အသားအဖြစ် ချည်ဖြူဖွဲ့နှောင်ပေးခြင်းဖြစ်သည်ဟု ယူဆကြသည်။ ထို့အပြင် ဝါခေါင်လတွင် ကရင်လူမျိုးတို့သည် လယ်ယာလုပ်ငန်းခွင် အတွင်း သို့ဝင် ရောက်လုပ်ကိုင်ကြသည့် အချိန်အခါဖြစ်သည့်အလျှောက် အလွန်ပင်ပန်းသဖြင့် မကောင်းဆိုး ဝါးများ ပူးကပ်သည့်အခါ လူ၏ခန္ဓာကိုယ်၌ရှိသော ဝိဉာဉ် (လိပ်ပြာ)များ လွှင့်ပါးမသွားစေဘဲ အစားအသောက်များများ ပိုမိုစားသုံးနိုင်ရန်ရည်ရွယ်၍ ချည်ဖြူဖွဲ့ခြင်း ပြုလုပ်ကြသည်ဟု ယုံကြည်ကြသည်။

ကရင်ရိုးရာချည်ဖြူဖွဲ့မင်္ဂလာပွဲတော်သည် စင်စစ်အားဖြင့် အလွန်ကောင်းမြတ်သည့် အနှစ်သာရနှင့် ရည်ရွယ်ချက်များ ပါရှိပါသည်။ ကရင်လူမျိုးသည် စိတ်ထားဖြူစင်သန့်ရှင်းပြီး၊ ကံတရားအပေါ် သက်ဝင်ယုံကြည်အားကိုးသော လူမျိုးတမျိုး ဖြစ်သည်နှင့်အညီ အစဉ်သဖြင့် ကံကောင်းအကြောင်းလှစေရန်နှင့် မကောင်းသည့်အကြောင်းတရားများ ကြုံတွေ့ ခံစားရခြင်းမျိုး မရှိစေရန်အတွက် မိဘဘိုးဘွားများမှ မေတ္တာပို့သ ဆုတောင်း ပထနာ ပြုပေးခြင်းလည်းဖြစ်ပါသည်။

အချုပ်အားဖြင့် ဆိုရပါလျှင် ကရင်အမျိုးသားထုအတွင်း စည်းလုံးညီညွတ်စွာဖြင့် နေထိုင် လှုပ်ရှားခြင်း၊ကောင်းမြတ်သည့် ကိုယ်ကျင့်တရား နှင့်ပြည့်စုံရန် အားထုတ်ကြိုးပမ်းစေခြင်း၊ မိမိ၏အမျိုးသားရေးစိတ်ဓါတ်များ ယဉ်ကျေးမှုအမွေအနှစ်များ တိုးတက်ပွားများ ရှင်သန်နိုးကြား စေခြင်းများကို ပြည်လည်လှစ်ဟနိုးဆွပေးသည့် ကရင့်ရိုးရာ ဝါခေါင်လ ချည်ဖြူဖွဲ့ မင်္ဂလာပွဲတော်ကို အစဉ်အလာမပျက် နှစ်စဉ်နှစ်တိုင်း ကျင်းပလုပ်ဆောင်ခြင်းဖြစ်ပါသည်။

ကရင့်ရိုးရာဝါခေါင်လ ချည်ဖြူဖွဲ့မင်္ဂလာပွဲတော်သည် တောင်ပေါ်၊ မြေပြန့် ကရင်တစ်မျိုးသားလုံး၏ မင်္ဂလာရှိသောနေ့ကြီးတနေ့ ဖြစ်ပါသည်။ ဤကဲ့သို့ ကရင်မိဘဘိုးဘွားများ၏ တစ်ခုတည်း သော ရိုးရာအမွေအနှစ်ကြီးဖြစ်ပြီး ကရင်အမျိုးသား အားလုံး၏ စည်းလုံးညီညွတ်ရေးကို တည်ဆောက်ပေးခဲ့သော နေ့ကြီးတနေ့ လည်းဖြစ်ပါသည်။

ကရင့်ရိုးရာဝါခေါင်လ ချည်ဖြူဖွဲ့မင်္ဂလာပွဲတော်သည် ဝါခေါင် လဆန်း ၁ ရက်မှ ၁၅ ရက် လပြည့်နေ့အထိ နှစ်စဉ် ကျင်းပ လုပ်ဆောင်ခဲ့ကြပြီး လမည့် ကရင့်သက္ကရာဇ် ၂၇၄၈ ခုနှစ်၊ ဝါခေါင်လဆန်း ၁၅ ရက် လပြည့်နေ့တွင် ပြည်တွင်း၊ ပြည်ပမှ ကရင်အမျိုးသားများ ဝါခေါင်လချည်ဖြူဖွဲ့မင်္ဂလာပွဲတော်အား စည်ကားသိုက်မြိုက်စွာကျင်းပလုပ်ဆောင်မည်ဖြစ်ပါသည်။ Crd ; (ဖားစည်သံမှ ကူးယူတင်ပြထားသည်) MSM

Add a Comment

Your email address will not be published. Required fields are marked *