ယနေ့ခောတ်မှာ သိပ်မတွေ့ရတော့တဲ့ ရှားပါးဇာတ်ပိုစတာ ရေးနည်းဖြင့် ရေးဆွဲထားတဲ့ အမေစုရဲ့ ပုံတူပန်းချီကား

ယနေ့ခောတ်မှာ သိပ်မတွေ့ရတော့တဲ့ ရှားပါးဇာတ်ပိုစတာ ရေးနည်းဖြင့် ရေးဆွဲထားတဲ့ အမေစုရဲ့ ပုံတူပန်းချီကား

တချိန်က ခေတ်စားခဲ့ပြီး ခုကာလမှာ တွေ့ရနည်းလာပြီဖြစ်တဲ့ ရှားပါး ဇာတ်ပိုစတာ ရေးနည်းနဲ့ ရေးဆွဲထားတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပုံတူ ပိုစတာ ပန်းချီကားဟာ အင်တာနက် လူမှုကွန်ရက် စာမျက်နှာတွေပေါ် ရေပန်းစားနေပါတယ်။ဒီပိုစတာ ပုံတူပန်းချီကိုတော့ လင်္ကာဒီပ အနုပညာ အင်အားစုမှ ပန်းချီ အနုပညာရှင်တွေက ဖန်တီးရေးဖွဲ့ ခဲ့ကြတာ ဖြစ်ပါတယ်။

ဒီလို ရေးဖွဲ့ပုံကိုတော့ ပြီးခဲ့တဲ့ ဇူလိုင်လ ၂၆ ရက်နေ့က ရေးဖွဲ့ရာမှာ ပါဝင်သူ တယောက်ဖြစ်တဲ့ ပန်းချီအနုပညာရှင် အောင်ကျော်ထွန်းက ဖေ့စ်ဘွတ်ခ်ပေါ်မှတဆင့် လိုက်ဖ်လွှင့် ပြသခဲ့တာဖြစ်ကာ ဒီကနေ့မှာတော့ အဆုံးသတ်နိုင်ခဲ့ပြီ ဖြစ်ပါတယ်။

ကြီးမားတဲ့ ပိုစတာပန်းချီတွေကို တချိန်ကတော့ ရုပ်ရှင်ရုံတွေ၊ ဇာတ်ပွဲတွေရဲ့ ရှေ့ မှာ ခမ်းခမ်းနားနား ထားရှိအသုံးပြုခဲ့ကြပြီး ဒီကနေ့ခေတ်မှာတော့ တိုးတက်မြင့်မား လာတဲ့ နည်းပညာတွေကြောင့် အသုံးပြုမှုတွေ မတွေ့ရသလောက် နည်းပါးလာခဲ့ပြီ ဖြစ် ပါတယ်။

ဒီလို ဖန်တီးရေးဖွဲ့ရာမှာတော့ ကျော်ကြားတဲ့ ရုပ်ရှင် မင်းသား မင်းသမီး၊ ဇာတ်မင်း သားတွေရဲ့ ရုပ်လုံးကြွ ပုံတူတွေကို အဖွဲ့လိုက်အ နေနဲ့ အလျားပေ ၁၀၀ အနံပေ၂၀ လောက်ထိ ကြီးမားတဲ့ ပိုစတာ တွေနဲ့အတူ ပန်းချီ ပညာရှင်တွေဟာ ရုပ်ရှင်၊ ဇာတ်သဘင် ရွှေခေတ် တခေတ်အနေနဲ့ ရှင်သန်ခဲ့ကြဖူး ပါတယ်။

ခုတခါမှာတော့ ဒီရေးဖွဲ့ဟန်နဲ့ နိုင်ငံတော် အတိုင်ပင်ခံပုဂ္ဂိုလ် ပုံတူဖန်တီးမှုကို တကျော့ပြန် လေ့လာနိုင်မှာဖြစ်ကာ ဒီပုံကို ဘယ်သူမဆို လွတ်လပ်စွာ ယူသုံးခွင့်ရှိကြောင်းလည်း ပန်းချီဆရာ အောင်ကျော်ထွန်းက သူ့ရဲ့ ဖေ့စ်ဘွတ်ခ် အင်တာနက် လူမှုကွန်ရက် ပေါ်မှတဆင့် ခုလိုရေးသား ဖော်ပြထားခဲ့တာကို တွေ့ရပါတယ်။

“ Poster ရေးတယ်ဆိုတာ အများနဲ့ အုပ်စုဖွဲ့ ရေးရတာမျိုးပါ … လက်ာဒီပ အနုပညာ အင်အားစုမှ ရေးဖြစ်တဲ့ အမေစုရဲ့ ပုံလေးအပြီးသတ်ပါပြီ … မည်သူမဆို လွတ်လပ်စွာယူသုံးခွင့်ပြုသည် … ပုံအကြည် လိုချင်ပါက Viber ကပို့ပေးသည်။ 09 – 798231802 ကို Hi ပါ” လို့ ရေးသား ဖော်ပြထားပါတယ်။Source ; DVB

Tags:

Add a Comment

Your email address will not be published. Required fields are marked *