တက္ကသိုလ်ဝင် စာမေးပွဲ မအောင်မြင်တဲ့ သူများအတွက် အထူးစိတ်မကောင်း ဖြစ်ရကြောင်း ပညာရေးဝန်ကြီးပြော

တက္ကသိုလ်ဝင် စာမေးပွဲ မအောင်မြင်တဲ့ သူများအတွက် အထူးစိတ်မကောင်း ဖြစ်ရကြောင်း ပညာရေးဝန်ကြီးပြော

တက္ကသိုလ်ဝင်တန်း စာမေးပွဲ ဖြေဆိုခဲ့ကြသူများအနက် ၆ သိန်းကျော် မအောင်မြင်မှုကြောင့် စာမေးပွဲမအောင်သူ များအတွက် စိတ်မကောင်း ဖြစ်ရကြောင်း ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားလိုက်သည်။

မကွေးတိုင်းဒေသကြီး ပညာရေးမှူးရုံး၌ သြဂုတ်လ ၉ ရက်နေ့တွင် ကျင်းပသည့် ခရိုင် ပညာရေးမှူးများ၊ ကျောင်းအုပ်ကြီးများနှင့် တွေ့ ဆုံပွဲတွင် ပညာရေး ၀န်ကြီးဌာန ပြည်ထောင်စု ၀န်ကြီး ဒေါက်တာမျိုးသိမ်းကြီးက ပြောကြားခဲ့သည်။

“ တက္ကသိုလ် ၀င်စာမေးပွဲ အောင်မြင်ကြတဲ့ ကျောင်းသားကျောင်းသူများ အတွက် ၀မ်းမြောက် ဂုဏ်ယူပါတယ်။ မအောင်မြင်တဲ့ သူများ အတွက်လည်း အထူးပဲ စိတ်မကောင်း ဖြစ်ရပါတယ်။ အကောင်းဆုံး ပြန်လည်ကြိုးစား လျှောက်လှမ်းနိုင်ရေးကို အထူးပဲ အားပေးပါတယ်။

ယခုနှစ်မှာ သက်မှတ်ချက်နဲ့ ကိုက်ညီသူများကို အခြေခံပညာ အထက်တန်း အဆင့် သင်ယူပြီးမြောက်ကြောင်း လက်မှတ်များထုတ် ပေးမှာ ဖြစ်ပြီးတော့ ဒီလက်မှတ်များနဲ့ သတ်မှတ်ထားတဲ့ နည်းပ ညာနဲ့ အသက်မွေး သင်တန်းများမှာ ဆည်းပူး သင်ယူနိုင်ဖို့နဲ့ အခွင့်အလမ်း ရရှိနိုင်ဖို့ ကြိုးပမ်း ဆောင်ရွက် ပေးကြရမှာ ဖြစ်ပါတယ် ’’ ဟု ၎င်းက ပြောသည်။

၂၀၂ဝ ပြည့်နှစ် တက္ကသိုလ်ဝင် စာမေးပွဲကို ၀င်ရောက် ဖြေဆိုသူ လူဦးရေ ၉၁၀၂၂၉ ဦး ရှိခဲ့ပြီး အောင်မြင်သူ ၂၉၁၇၉၈ ဦး ရှိခဲ့ကာ အောင်ချက် ၃၂.၀၆ ရာခိုင်နှုန်း ရှိကြောင်း သိရသည်။

“ စာမေးပွဲ စနစ်ကိုက မှားယွင်းတဲ့ လမ်းကြောင်းပဲ။ ဆိုလိုတာက ကျတဲ့ လူအတွက်ကိုသူက ပယ်ပစ် လိုက်သလို ဖြစ်သွားတာလေ။ အဲဒါကြောင့် ပညာရေးက အစဉ်သဖြင့် ပါးစပ်ကပြောတဲ့ လူတိုင်းသင်ယူနိုင်ရေး တတ်မြောက် နိုင်ရေးဆိုတာ ပါးစပ်ကပြောသလိုပဲဖြစ်နေတာလေ။ အတန်းကြီးလာတာနဲ့အမျှ အဲဒီ တက္ကသိုလ်ဝင်တန်းမှာ ပိုင်းဖြတ်လိုက်တဲ့ စနစ်ကြီးကိုကမှားနေတာလေ။

အဲဒါက ဘာလဲဆိုလို့ရှိရင် ဒဏ်ပေးလိုက်သလိုပဲ။ ကိုယ့် ကိုယ်ကိုယ် သတ်သေတာ မျိုးတွေ ဖြစ်လာတယ်။ ပညာဆို မလိုချင်တော့ဘူး။ စာဆို မမြင်ချင် တော့ဘူး။ ငါပညာ မတတ်လည်း ဖြစ်တယ်ဆိုတဲ့ အစွန်းရောက် အတွေးအခေါ် မျိုးတွေ ဖြစ်လာတာက အဲဒီတက္ကသိုလ် ၀င်တန်းစာ မေးပွဲစနစ်ကြီးကြောင့် ဖြစ်နေတာလေ။

အမှန်က လူ တစ်ဦးချင်းရဲ့ အရည်အသွေး အရည်အချင်း ရှိတယ်။ သူတို့ လိုချင်တဲ့ ဝါသနာနဲ့ ဖြစ်ချင်တာကို ဖော်ထုတ် ပေးရမှာလေ။ အခုတော့ ဘ၀ကို သတ်ပစ်လိုက်တာ ’’ ဟု တက္ကသိုလ် ဆရာများ သမဂ္ဂမှ အမှုဆောင် ဆရာ သန်းထိုက်အောင်က သုံးသပ် ပြောသည်။ Source ; PeopleMedia

Add a Comment

Your email address will not be published. Required fields are marked *