အမေရိကန်ဒေါ်လာ ( ၁၈ ဒသမ ၁ ) သန်းခန့် တန်ဖိုးရှိ ဆေးဘက်ဆိုင်ရာ ပစ္စည်းကိရိယာများ ဂျပန်နိုင်ငံမှ ထောက်ပံ့

အမေရိကန်ဒေါ်လာ ၁၈.၁ သန်းခန့် တန်ဖိုးရှိ ဆေးဘက်ဆိုင်ရာ ပစ္စည်းကိရိယာများ ဂျပန်နိုင်ငံမှ ထောက်ပံ့

ဂျပန်နိုင်ငံ အစိုးရက မြန်မာနိုင်ငံ အစိုးရထံသို့ အမေရိကန်ဒေါ်လာ ၁၈.၁ သန်းခန့် တန်ဖိုးရှိ ဆေးဘက်ဆိုင်ရာ ပစ္စည်းကိရိယာများ ထောက်ပံ့ ခဲ့ကြောင်း မြန်မာနိုင်ငံဆိုင်ရာ ဂျပန်သံရုံးက သတင်းထုတ်ပြန် ထားပါတယ်။

ဂျပန်ယန်း ၂ ဘီလီယံ ( အမေရိကန်ဒေါ်လာ ၁၈.၁ သန်းခန့် ) တန်ဖိုးရှိသော COVID-19 ရောဂါ ကာကွယ် ထိန်းချုပ်ရေး အတွက် အထောက်အပံ့စီမံကိန်းအတွက် ဝယ်ယူထားသည့် ဆေးဘက်ဆိုင်ရာ ပစ္စည်းကိရိယာများကို သယ်ဆောင်လာသည့် လေယာဉ်သည့် ရန်ကုန် အပြည်ပြည်ဆိုင်ရာ လေဆိပ်သို့ သြဂုတ်လ ၁၅ ရက်နေ့တွင် ပထမအကြိမ် ရောက်ရှိခဲ့ပါတယ်။

ယခုတစ်ခေါက် လွှဲပြောင်းပေးအပ်သည့် ဆေးဘက်ဆိုင်ရာ ပစ္စည်းကိရိယာများသည် ICU Beds၊ Syringe pump နှင့် Suction pump ၁၀ စုံစီဖြစ်ပြီး လွှဲပြောင်းပေးအပ်ပွဲ အခမ်းအနားကို ပြည်ထောင်စုသမ္မတ မြန်မာနိုင်ငံဆိုင်ရာ ဂျပန်သံအမတ် Mr. MARUYAMA Ichiro နှင့် ကျန်းမာရေးနှင့် အားက စားဝန်ကြီးဌာန ဆေးသုတေသနဦးစီးဌာန ညွှန်ကြားရေးမှူးချုပ် ပါမောက္ခ ဒေါက်တာဇော်သန်းထွန်းတို့ တက်ရောက်ခဲ့ကြပါတယ်။

ဂျပန်နိုင်ငံ အစိုးရအနေဖြင့် မြန်မာနိုင်ငံ အစိုးရနှင့် နိုင်ငံသားများသည် COVID-19 ရောဂါကာကွယ် ထိန်းချုပ်ရေး စီမံချက်ကို ကြိုးစား၍ ပုံမှန် အကောင်အထည် ဖော်ဆောင်ရွက် လျက်ရှိသည်ကို တွေ့မြင်ရသည့်အတွက် အလွန် နှစ်သက်အားရလျက်ရှိပြီး ယခုကဲ့သို့သော မြန်မာနိုင်ငံ အစိုးရ၏ ကြိုးပမ်း အားထုတ်မှုများကို ပံ့ပိုးကူ ညီရန်အတွက် Radiography systems၊ ICU beds၊ Bedside/Central monitors စသည့် ဆေးဘက်ဆိုင်ရာပစ္စည်းကိရိယာ များကို မြန်မာနိုင်ငံတွင်းရှိ ဆေးရုံများနှင့် ဓာတ်ခွဲခန်း များသို့ ပေးအပ်သွားမည် ဖြစ်ကြောင်း မြန်မာနိုင်ငံဆိုင်ရာ ဂျပန်သံရုံး၏ ထုတ်ပြန်ချက်၌ ဖော်ပြထားပါတယ်။

ဂျပန်နိုင်ငံအစိုးရအနေဖြင့် COVID-19 ရောဂါကာကွယ်ထိန်းချုပ်ရေးအတွက် သာမက မြန်မာနိုင်ငံ၏ နိုင်ငံတည်ဆောက်ရေးနှင့် မြန်မာနိုင်ငံသူနိုင်ငံသားများအတွက် ကဏ္ဍ အသီးသီးတွင် ပံ့ပိုးကူညီမှုများကိုပါ ဆက်လက်၍ အစွမ်းကုန် ဆောင်ရွက်သွား မည်ဖြစ်ကြောင်း ရုံး၏ ထုတ်ပြန်ချက်၌ ဖော်ပြထားပါတယ်။ Source ; PeopleMedia

Add a Comment

Your email address will not be published. Required fields are marked *