” တောင်ပန်းပါတယ်ဗျာ ဆန်ဖိုးမရှိလို့ပါ ” လို့ စာရေးခဲ့ပြီး မိုးညှင်းဒီဂရီကောလိပ်ရှိ အသုံးအဆောင် ပစ္စည်းများကို ခိုးယူသွား

” တောင်ပန်းပါတယ်ဗျာ ဆန်ဖိုးမရှိလို့ပါ ” လို့ စာရေးခဲ့ပြီး မိုးညှင်း ဒီဂရီကောလိပ်ရှိ အသုံးအဆောင် ပစ္စည်းများကို ခိုးယူသွား

ကချင်ပြည်နယ် မိုးညှင်းမြို့ ရွာသစ်ကုန်း ကျေးရွာအုပ်စု ထန်းတစ်ပင် ကျေးရွာရှိ မိုးညှင်းဒီဂရီ ကောလိပ်ကျောင်း စံပယ်ဆောင် အတွင်းထားရှိသော အသုံးအဆောင်ပစ္စည်း (၇) မျိုး ခိုးယူခံရသဖြင့် မိုးညှင်း မြို့မရဲစခန်းမှာ အမှုဖွင့်လှစ် ထားကြောင်း သိရှိရသည်။

သြဂုတ်လ ၂၁ ရက်နေ့ ညနေ (၅) နာရီအချိန် ခန့်တွင် မိုးညှင်း ဒီဂရီကောလိပ် စံပယ်ဆောင်မှ အသုံးအဆောင် ပစ္စည်းများပျောက်ဆုံးနေကြောင်းသိရသဖြင့် တာဝန်ရှိသူများက စစ်ဆေးရာ အဆောင်တွင်းရှိ ၄၀ လက်မ အရွယ်ရှိ SONY FLAT တီဗွီ (၁) လုံး (တန်ဘိုး ၃၅၀၀၀၀ ကျပ်) ၊Pro Audio တံဆိပ်ပါ ဆောင်းဘောက်နှင့် မိုက်တွဲလျက် (တန်ဘိုး ၁၀၀၀၀၀ ကျပ်) ၊

VIDA အမျိုးအစား မြက်ရိတ်စက် (၁) လုံး (တန်ဘိုး ၁၂၀၀၀၀ ကျပ်) ၊ ထိုင်းနိုင်ငံထုတ် ဒယ်နီ (၁) လုံး (တန်ဘိုး ၃၀၀၀၀ ကျပ်) ၊ Hair Dryer (၂) ခု (တန်ဘိုး ၃၀၀၀၀ ကျပ်)၊ လျှပ်စစ် ရေ နွေးအိုး (၂) လုံး (တန်ဘိုး ၆၀၀၀၀)၊ လျှပ်စစ် ကြက်ဥပြုပ်အိုး (၂) လုံး (တန်ဘိုး ၁၀၀၀၀) ၊ စုစုပေါင်း အသုံးအဆောင်ပစ္စည်း (၇) မျိုး ဖြစ်ပြီး တန်ဘိုးငွေ စုစုဆပါင်း ၆၄၆၀၀၀ ရှိ ပစ္စည်းများ ပျောက်ဆုံး ခဲ့ခြင်းဖြစ်ကြောင်း သိရသည်။

ထို့အပြင် ယင်းအဆောင်ခန်းရှိ White Board ပေါ်တွင် “ တောင်ပံဘာတယ်ဗျ ဆံဖိုးမရှိလို့ ခိုးသွားတာပါဗျာ ခွင့်လွှတ်ပေးပါဗျာ ” ဟူသော စာတန်းနှင့် “ စံပယ်ဆောင် ခွင့်လွှတ်ပါဗျာ ” ဟူသောစာသားများ တွေ့ရှိရကြောင်း သိရသည်။

ထို့ကြောင့် မိုးညှင်း ဒီဂရီကောလိပ် နယ်မြေ အင်္ဂျင်နီယာ ဋ္ဌာနမှ ဒုတိယကြီးကြပ်ရေးမှုး ဦးစံကျော်ဟိန်းက တရားလိုပြုလုပ်၍ သြဂုတ်လ ၂၂ ရက်နေ့ ညနေက အမှုဖွင့်လှစ်ခဲ့ရာ မိုးညှင်းမြို့မ ရဲစခန်းမှ (ပ) ၁၁၂/၂၀၂၀ ပုဒ်မ ၃၈၀ ဖြင့် အမှုရေးဖွင့်ကာ ခိုးယူသွားသူကို အမြန်ဆုံး ဖမ်းဆီးရမိရေးအတွက် စုံစမ်းရှာဖွေ လျက်ရှိကြောင်းသိရှိရသည်။ ခရက်ဒစ်

Add a Comment

Your email address will not be published. Required fields are marked *