မန္တလေးတိုင်းတွင် ရခိုင်ပြန် ၁၁၂ ဦးပါဝင် အသွားအလာကန့်သတ် စောင့်ကြည့်ထားသူ တစ်ထောင် ကျော်ရှိ

မန္တလေးတိုင်းတွင် ရခိုင်ပြန် ၁၁၂ ဦးပါဝင် အသွားအလာ ကန့်သတ်စောင့်ကြည့်ထားသူ တစ်ထောင် ကျော်ရှိ

မန္တလေးတိုင်း ဒေသကြီးအတွင်း၌ (Facility Quarantin) အသွားအလာ ကန့်သတ်စောင့်ကြည့်သူ တစ်ထောင်ကျော် ရှိနေပြီး ရခိုင်ပြည်နယ်မှ ဝင်ရောက်လာသူ ၁၁၂ ဦးပါဝင်ကြောင်း မန္တလေးတိုင်း ဒေသကြီး ကျန်းမာရေးနှင့် ကုသရေးဦးစီးဌာနက သိရသည်။

တစ်တိုင်းလုံးအနေဖြင့် သြဂုတ်လ ၂၅ ရက်ထိ (Facility Quarantin) အသွားအလာ ကန့်သတ်စောင့် ကြည့်သူ ၁၀၅၂ ဦး ရှိနေသေးသည့်အပြင် ၂၁ ရက်ပြည့်ပြီးသူ ၂၆၇၂၂ ဦးရှိကြောင်း မန္တလေးတိုင်းဒေသ ကြီးအစိုးရအဖွဲ့၏ ထုတ်ပြန်ချက်များအရ သိရသည်။

“ အားလုံးရဲ့ အခြေအနေကတော့ အခုညနေထိတော့ အဖြေမထွက်သေးပါဘူး ” ဟု မန္တလေးတိုင်း ဒေသကြီး ကျန်းမာရေးနှင့် ကုသရေးဦးစီးဌာန တိုင်းဦးစီးမှုး ဒေါက်တာသန်းသန်းမြင့်က ပြောသည်။

ယခုအခါ ရခိုင်ပြည်နယ်အတွင်း COVID-19 ရောဂါ ကူးစက်ဖြစ်ပွားမှု မြင့်တက်နေသည့်အတွက် ရခိုင်ပြည်နယ်မှမန္တလေးသို့လာ ရောက်သူများအား Quarantine (၂၁) ရက် ထားရှိရန်နှင့် ဓာတ်ခွဲနမူနာ ရယူ စစ်ဆေးရန် မန္တလေးတိုင်း အစိုးရအဖွဲ့က သြဂုတ်လ (၂၁) ရက်မှ စတင် ညွှန်ကြားခဲ့ခြင်းဖြစ်သည်။

” ရခိုင်ပြန်တွေထဲက ၇၉ ဦးဓာတ်ခွဲနမူနာ ယူထားပြီးပါပြီ၊ သံဃာဆေးရုံက ၃၈ ယောက် ယူထားပြီးပါပြီ၊ အားလုံးရဲ့ အဖြေကတော့ မထွက်သေးပါဘူး၊ ၃၈ ယောက်ထဲက ၂၉ ယောက်ကတော့ Negative ( ရောဂါပိုးကင်းစင်) အဖြေ ထွက်ထားပါတယ်၊ ဒီနေ့ည အဖြေထွက်မှာ တွေရှိပါသေးတယ်”ဟု ဒေါက်တာသန်းသန်းမြင့်က ဆက်လက်ပြောသည်။

မန္တလေးခရိုင် အတွင်းသို့ ဝင်ရောက်လာသူများကို ချမ်းမြသာစည်မြို့နယ်ရှိ ကန်တော်ကြီး ဇီဝိတ သံဃာ့ ဆေးရုံကြီးတွင် Facility Quarantine (အသွားအလာ ကန့်သတ်စောင့်ကြည့်) ပြုလုပ်ထားပြီး အားလုံး ပိုးမတွေ့ အဖြေထွက်ရှိလျှင်လည်း ၂၁ ရက်ပြည့်သည်ထိ အဝင်တစ်ခါ အထွက်တစ်ခါစစ်ဆေး သွားမည်ဖြစ်ကြောင်း သိရသည်။

“ တိုင်းအတွင်း ပြန်ရောက်လာတဲ့ ပြည်တော်ပြန်တွေနဲ့ ပြည်တွင်းခရီးသွားတွေကို Facility Quarantine ပြုလုပ်ခိုင်းထားပါတယ်၊ယာဉ်လိုင်းက ကားဆရာတွေနဲ့ စစ်တွေဘက်က ပြန်လာတဲ့ သူတွေပေါ့၊ အားလုံး ကို ၂၁ ရက် Quarantine ဝင်ခိုင်းပြီးတော့ သူတို့ကို ဓါတ်ခွဲနမူနာ ရယူပြီး စစ်ဆေးနေပါတယ်” ဟု မန္တလေး တိုင်းဒေသကြီး Coronavirus Disease 2019 (COVID-19) ရောဂါဆိုင်ရာ ထိန်းချုပ်ရေးနှင့် အရေးပေါ် တုံ့ပြန်ရေးကော်မတီ ဥက္ကဋ္ဌ၊ မန္တလေးတိုင်းဒေသကြီးအစိုးရဖွဲ့၊ ရှမ်းတိုင်းရင်းသားရေး ရာဝန်ကြီးဦးစိုင်းပန်း ဆိုင်ကပြောသည်။

ယခုအခါ မန္တလေးတိုင်းဒေသကြီးအတွင်း သြဂုတ်လ ၂၅ ရက်အထိ စာရင်းများအရ ခရိုင် ၇ ခု၌ အသွား အလာ ကန့်သတ်စောင့်ကြည့်ခြင်း (Facility Quarantin)နေရာ ၄၆၃ နေရာတွင် ၁၀၅၂ ဦး ရှိကြောင်းသိရ သည်။

Facility Quarantine ပြုလုပ်ရာ မြင်းခြံခရိုင်တွင် နေရာ ၁၃၉ နေရာ၊ လက်ရှိ ၄၄ ဦး၊ ၂၁ရက်ပြည့် ၃၉၀၃ ဦးရှိပြီး မန္တလေးခရိုင်သည်(Facility Quarantin)ပြုလုပ်ထားသူအများဆုံးဖြစ်ပြီး နေရာ ၁၈ နေရာ၊ လက်ရှိ ၃၉၇ ဦး၊ ၂၁ရက်ပြည့်ပြီးသူ ၂၈၆ ဦးထိ ရှိကြောင်း သိရသည်။

ခရိုင် ၇ ခု၏ စာရင်းများအရ မန္တလေးခရိုင်တွင် နေရာ ၁၈ နေရာ၊ ၃၉၇ ဦး၊ ပြင်ဦးလွင်ခရိုင်တွင် နေရာ ၃၃ နေရာ၊ ၃၆၉ ဦး၊ ကျောက်ဆည်ခရိုင်တွင် နေရာ ၇၃ နေရာ၊ ၈၅ ဦး၊ မြင်းခြံ ခရိုင်တွင် နေရာ ၁၃၉ နေရာ၊ ၄၄ ဦး၊ မိတ္ထီလာခရိုင်တွင် နေရာ ၁၀၃ နေရာ၊ ၉၇ ဦး၊ ရမည်းသင်းခရိုင်တွင် နေရာ ၃၈ နေရာ၊ ၇ ဦး၊ ညောင်ဦးခရိုင် နေရာ ၅၉ နေရာ၊ ၅၃ ဦး တို့ဖြစ်ကြောင်း သိရသည်။

မန္တလေးတိုင်း အတွင်းရှိ စောင့်ကြည့်လူနာ၊ သံသယ လူနာများကို ထားရှိသည့် Facility Quarantine များမှ ပိုးမတွေ့လူနာများကို သတ်မှတ်ရက် ပြည့်သည်နှင့် အဆုတ်ဓာတ်မှန်ကောင်းမွန်မှုနှင့် အနည်းဆုံး ၄၈ နာရီ အဖျားကင်းစင်နေပါက နေရပ်များသို့ ပြန်ခွင့် ပြုထားကြောင်း သိရသည်။ Source ; Pyi Myanmar

Add a Comment

Your email address will not be published. Required fields are marked *