အမှိုက်တွေနဲ့ပြည့်နေတဲ့ ၉၉ မိုင် ရှည်လျားတဲ့မြစ်ကို သန့်ရှင်းစေခဲ့သူ

အမှိုက်တွေနဲ့ပြည့်နေတဲ့ ၉၉ မိုင် ရှည်လျားတဲ့မြစ်ကို သန့်ရှင်းစေခဲ့သူ

အိန္ဒိယနိုင်ငံ ပန်ဂျပ်ပြည်နယ်မှာ ကာလီဘီးန် ဆိုတဲ့ မြစ်ငယ်တစင်းရှိပြီး အလျားအားဖြင့် ၁၀၀ ဝန်းကျင်ခန့် ရှိပါတယ်။ ဒီမြစ်ဟာ အဲဒီဒေသမှာ နေထိုင်တဲ့ ဆစ်ခ်လူမျိုးတွေရဲ့ အလေးအမြတ်ထားရာ မြစ်တစင်းဖြစ်ပေမယ့် ဆယ်စုနှစ်ပေါင်းမျာစွာ ကြာမြင့်ပြီးတဲ့နောက်မှာတော့ ရေဆိုးတွေ အမှိုက်တွေပြည့်နေတဲ့ မြစ်တစင်း ဖြစ်လာပါ တော့တယ်။

အကြောင်းကတော့ ဒီမြစ်ငယ် တလျှောက်မှာရှိတဲ့ မြို့၆ မြို့ နဲ့ ရွာ ပေါင်း ၄၀ လောက်က အမှိုက်နဲ့ စွန့်ပစ်ပစ္စည်းတွေကို ဒီမြစ်ထဲမှာပဲ ပစ်လေ့ ရှိတာကြောင့်ပါ။ ဒီမြစ်ဟာ ခေတ်အဆက်ဆက် လူတွေရဲ့ စွန့်ပစ်မှုတွေနဲ့ စက်မှုလုပ်ငန်း စွန့်ပစ်မှုတွေကြောင့် ညစ်ညမ်းခဲ့ရပါတယ်။ ဒါအပြင် မြစ်တလျှောက်လုံးမှာ ဗေဒါပင်တွေပြည့်နှက် နေတာကြောင့် အမှိုက်များ ဗေဒါပင်များကြောင့် ကောင်းမွန်စွာ စီးဆင်းနိုင်ခြင်းမရှိပဲ မြစ်တချို့ အစိတ်အပိုင်းတွေဆိုရင် ရေလျာ့ကာ ခြောက်သွေ့ကုန်တဲ့ အခြေအနေတွေ ဖြစ်ခဲ့ရပါတယ်။

ညစ်ညမ်းတဲ့ ရေတွေကြောင့် ဒီပတ်ဝန်းကျင်မှာရှိတဲ့ စိုက်ပျိုးရေးလုပ်ငန်းတွေကို ထိခိုက်စေတဲ့အပြင် ရောဂါတွေလည်း ရလာခဲ့ပါတယ်။ ဒီလိုပဲ သန့်ရှင်းမယ့်သူ မရှိတဲ့ ဒီမြစ်ဟာ ၂၀၀၀ ခုနှစ် မှာတော့ စတင် ပြောင်းလဲခဲ့ပါတယ်။ ညစ်ပတ်ကာ အမှိုက်တွေ အပြည့်ဖြစ်နေတဲ့ ဒီမြစ်ကို Nirmala Sikh တယောက်ဖြစ်တဲ့ Balbir Singh Seechewal က တွေ့သွားရာမှ ပြောင်းလဲပစ်ဖို့ စိတ်ကူးမိခဲ့ပါတယ်။

ဒီလောက် ရှည်လျားတဲ့မြစ်ကို လူတယောက် တည်းအင်အားနဲ့ ပြောင်းပစ်ဖို့ဆိုတာ မဖြစ်နိုင်သလောက်ပါပဲ။ ဒါပေမယ့် Balbir Singh ကတော့ ဒီလိုတွေးမနေပဲ သူ့ရဲ့လက်နှစ်ဖက်နဲ့ မြစ်ထဲက အမှိုက်တွေကို စဆယ်ခဲ့ပါတယ်။ ခေါင်းဆောင်ဖြစ်သူ ကိုယ်တိုင်က ဒီလိုစလုပ်တဲ့အခါ Balbir Singhရဲ့နောက်လိုက်တွေက လည်း သူ့ဆရာကို ကူညီတဲ့အနေနဲ့ အမှိုက်တွေကို ဝိုင်းဆယ်ကြပါတော့တယ်။

သူတို့အဖွဲ့ဟာ ကိရိယာ အကူအညီတွေမပါပဲ လက်ချည်းသက်သက်နဲ့ပဲ အမှိုက်တွေကို ရက်ပေါင်းများစွာ ဆယ်ခဲ့ကြပါတယ်။ သူတို့ ဒီလို လုပ်နေတာကို မြင်ရပါများလာတဲ့အခါ ဒေသခံနေထိုင်သူ စေတနာ့ ဝန်ထမ်းတွေကလည်း သူတို့နဲ့ လာရောက်ပူးပေါင်းပြီး မြစ်သန့်ရှင်းလုပ်ငန်းမှာ ပါဝင်လာကြပါတယ်။

Balbir Singh ရဲ့ မနားမနေ ဦးဆောင် လှုပ်ရှားမှုအောက်မှာ ဒီဒေသက ရွာပေါင်း ၁၂ ရွာကလည်း ပါဝင်လာကြပါတယ်။ တချို့ က လူအင်အားကူညီပြီး တချို့ကတော့ သန့်ရှင်းရာမှာ ပိုမိုမြန်ဆန် စေဖို့ စက်ကိရိယာတွေကို ပံ့ပိုးကြပါတယ်။ သူတို့အဖွဲ့ဟာ မြစ်ကြောင်းတလျှောက်မှာ အမှိုက်တွေဗေဒါတွေကို ဆယ်ခြင်း နဲ့ ပြိုကျ နေတဲ့ မြစ်ကမ်းနဖူးတွေကို ပြန်လည်တည်ဆောက်ခြင်း စတာတွေကို လပေါင်းများစွာ ပြုလုပ်ခဲ့ကြပါတယ်။

ဒီလိုပြုလုပ်မှုတွေကြောင့် ကာလီဘီးန်မြစ်ဟာ အနည်းငယ် ပြန်လည် သန့်ရှင်းလာခဲ့ပါတယ်။ ဒါပေမယ့် မြစ်ကြောင်း တလျှောက်က တချို့နေထိုင်သူတွေကတော့ အမှိုက်တွေ အညစ်အကြေးတွေကို စွန့်ပစ်ဆဲဖြစ်ပြီး စက်ရုံတွေကလည်း ရေဆိုးတွေကို ဒီမြစ်ထဲပဲ စွန့်ပစ်လျက်ရှိတာကြောင့် သူတို့လုပ်သလောက် ခရီးမပေါက်ခဲ့ပါဘူး။

Balbir Singh ဟာ နယ်မြေအုပ်ချုပ်ရေး အစိုးရနဲ့ တာဝန်ရှိသူတွေကို သွားရောက်တွေ့ဆုံပြီး ဒီမြစ်ထဲကို အညစ်အကြေး အမှိုက်တွေ စွန့်ပစ်တာကို ကြေငြာချက်နဲ့ ရပ်တန့်ပေးဖို့ တောင်းဆိုခဲ့ပေမယ့် တာဝန်ရှိသူတွေရဲ့ ငြင်းပယ်ခြင်းကိုပဲ ခံခဲ့ရပါတယ်။ ဒီလိုငြင်းပယ်ခဲ့ပေမယ့် Balbir Singh ဟာ အားမလျှော့ခဲ့ပါဘူး။

မြစ်ကြောင်းတလျှောက်က မြို့တွေရွာတွေကို သွားပြီး မြစ်ထဲကို အမှိုက်တွေ စွန့်ပစ်တာဟာ ဘယ်လောက်ဆိုးဝါးကြောင်း ၊ နေထိုင်သူ တွေရဲ့ ကျန်းမာရေးကို ထိခိုက်စေကြောင်း ဟောပြောပွဲလှုပ်ရှားမှုတွေကို ပြုလုပ်ခဲ့ပါတယ်။ ဒီလိုပွဲတွေကို ခပ်စိတ်စိတ် လုပ်ပြီးတဲ့နောက်မှာတော့ လူအများစုဟာ လက်ခံလာကြပြီး မြစ်ထဲကို အမှိုက်စွန့်ပစ်တာတွေကို အတတ်နိုင်ဆုံး မလုပ်ကြတော့ပါဘူး။

ဒီလိုနဲ့ Balbir Singh ရဲ့မြစ်သန့်ရှင်းရေး ဦးဆောင်လှုပ်ရှားမှုမှာ စေတနာ့ ဝန်ထမ်းပေါင်း ၃၀၀၀ နီးပါး ပါဝင်လာခဲ့ပါတယ်။ နေ့ စဉ်ပုံမှန် မြစ်သန့်ရှင်းရေးကို လုပ်ကြပြီး ၃ နှစ်ခွဲ အကြာမှာတော့ အရင်က အမှိုက်ရေဆိုး အပြည့်နဲ့ မြစ်တစင်းဟာ လှပသန့်ရှင်းတဲ့ မြစ်တစင်းအဖြစ် သို့ ပြောင်းလဲသွားပါတော့တယ်။

သူတို့အဖွဲ့ဟာ မြစ်ကိုသန့်ရှင်းစေရုံသာမက မြစ်ကမ်းပါးတလျှောက်မှာ ပန်းပင် ၊ သစ်ပင်တွေကိုစိုက်ခြင်း ၊ ရေချိုးဆိပ်တွေတည်ဆောက်ခြင်း ၊ အုတ်လမ်းတွေ ခင်းပေးခြင်းတွေကိုပါ ဖန်တီးပေးခဲ့ကြပါတယ်။ မြစ်ကို သန့်ရှင်းစေခြင်းအားဖြင့် ဒီပတ်ဝန်းကျင်ဒေသရဲ့ ရေနဲ့ဆိုင်တဲ့ အခက်အခဲတွေကို ဖြေရှင်းပြီးဖြစ်စေခဲ့ပါတယ်။

 

သူ့ရဲ့လှုပ်ရှားမှုကို အစပိုင်းမှာ သတိမထားမိကြပေမယ့် တဖြည်းဖြည်း မီဒီယာတွေကနေတဆင့် နိုင်ငံတကာအထိ ပျံနှံ့သွားခဲ့သလို အဲဒီအချိန်က အိန္ဒိယသမ္မတကြီးဖြစ်တဲ့ ဒေါက်တာအေပီဂျေအဗ္ဗဒူကလာမ် ရဲ့ ခေါ်ယူတွေ့ဆုံချီးမွမ်းခြင်းကိုပါ ခံခဲ့ရပါတယ်။ ၂၀၀၈ ခုနှစ်မှာတော့ တိုင်းမ်မဂ္ဂဇင်းရဲ့ ပတ်ဝန်းကျင်သူရဲကောင်း Hero of Environment အဖြစ် သတ်မှတ်ခံရသလို ၂၀၁၇ ခုနှစ်မှာတော့ နိုင်ငံရဲ့ Padma Shri ဆုတွေကိုပါ ချီးမြှင့်ခြင်းခံခဲ့ရပါတယ်။ Crd ; သုတဇုန်

Add a Comment

Your email address will not be published. Required fields are marked *