စစ်ကိုင်းတိုင်း ဟုမ္မလင်းရှိ ပထမဆုံး ကိုဗစ်လူနာ ဆေးရုံဆင်းခွင့်ရ

စစ်ကိုင်းတိုင်း ဟုမ္မလင်းရှိ ပထမဆုံး ကိုဗစ်လူနာ ဆေးရုံဆင်းခွင့်ရ

စစ်ကိုင်းတိုင်း အထက်ပိုင်း ဟုမ္မလင်းမြို့ရှိ ပထမဆုံး ကိုဗစ်လူနာအမျိုးသမီးမှာ ယနေ့ဆေးရုံဆင်းပြီဖြစ်သည်။ အဆိုပါ အမျိုးသမီးသည် ကလေးဝမြို့နယ် နှောပင်ကျေးရွာ ဇာတိဖြစ်ပြီး ရန်ကုန်တိုင်း တာမွေမြို့နယ် မှ စက်တင်ဘာ ၁၁ ရက်နေ့တွင် ပြန်လာခြင်းဖြစ်သည်။

၎င်းသည် ဟုမ္မလင်းမြို့နယ် နမ့်တောကျေးရွာသို့ ရောက်ရှိခဲ့ပြီး ၁၂ ရက်နေ့က ရောက်ခဲ့ပြီး ကွာရတင်း ဝင်နေရာ ဓာတ်ခွဲစစ်ဆေးစဉ် ပိုးတွေ့ခဲ့ခြင်း ဖြစ်သည်။

” ခုတော့ ကျန်းမာရေး ကောင်းသွားလို့ သူ့ကိုဆေးရုံကနေ ဆင်းခွင့် ပေးလိုက်ပါပြီ ၊ သူ့နေအိမ်မှာတော့ ၇ ရက် အိမ်ကွာရတင်း နေရအုံးမှာပါ ” ဟု ဆေးရုံအုပ် ဒေါက်တာ ဝင်းနိုင်ထွန်းက ပြောသည်။

၎င်း ပိုးတွေ့လူနာ အမျိုးသမီးအား ကုသမှုပေးခဲ့သော ကျန်းမာရေးဝန်ထမ်း သုံးဦးအား ဓာတ်ခွဲနမူနာ ယူစစ်ဆေးထားရာ အဖြေမရသေးမီ သီတဂူ စက္ခုဒါနဆေးရုံ၌ စောင့်ကြည့်သွားမည်ဟု ဆိုသည်။

ဟုမ္မလင်းမြို့နယ် တွင် အမှတ် ၁ အထက်တန်းကျောင်း ကွာရတင်းစင်တာ၌ စောင့်ကြည့်ခံထားရသူ ဖောင်းပြင်ပိုးတွေ့လူနာနှင့် ထိ တွေ့ဆက်စပ်ခဲ့သူ ၃ ဦးအပါအဝင် အသွားအလာ ကန့်သတ်ခံ ထားရသူ ၁၂ ဦးတို့မှာ ယမန်နေ့က ပိုးမတွေ့အဖြေ ထွက်ရှိခဲ့သည်။

ဟုမ္မလင်းမြို့နယ်တွင် ကွာရတင်းဝင်နေသူ စုစုပေါင်း ၁၈ ဦးရှိပြီးမောင်းခမ်းကျေးရွာတွင် ၂ ဦး ၊ နောင်ပိုအောင် ကျေးရွာတွင် ၂ ဦး နှင့် အမှတ် ၁ အထက်တန်းကျောင်း ကွာရတင်းစင်တာတွင် ၁၄ ဦးရှိသည်။ MonywaGazette

Add a Comment

Your email address will not be published. Required fields are marked *