၁၉၈၈ ခုနှစ်က မြင်းခြံခရီးစဉ်တွင် အမေစုစီးခဲ့သည့် လှည်းယာဉ်ကိုလေလံတင် ရောင်းချမည်

၁၉၈၈ ခုနှစ်က မြင်းခြံခရီးစဉ်တွင် အမေစုစီးခဲ့သည့် လှည်းယာဉ်ကိုလေလံတင် ရောင်းချမည်

ဒေါ်အောင်ဆန်းစုကြည်သည် ၁၉၈၈ ခုနှစ်က မြင်းခြံမြို့ကို ပထမဆုံးအကြိမ်အဖြစ် လာရောက်စဉ်မှာ စီးနင်းခဲ့တဲ့ လှည်းယာဉ်ကိုပိုင်ရှင်ဖြစ်သူက လေလံတင်ရောင်းချဖို့ စီစဉ်ထားတယ်လို့ သိရပါတယ်။

ဒေါ်အောင်ဆန်းစုကြည် စီးနင်းခဲ့တဲ့လှည်းယာဉ်ကို အောက်တိုဘာ (၁၆) ရက်နေ့မှာပြုလုပ်မယ့် အမျိုးသားဒီမိုကရေစီ အဖွဲ့ချုပ်အောင်နိုင်ရေး မြင်းခြံမြို့နယ် ပြည်သူများဝန်းရံပွဲမှာ ပြသပြီး လေလံတင် ရောင်းချသွားမှာ ဖြစ်ကြောင်းသိရပါတယ်။

“ ပိုင်ရှင်ဖြစ်သူက အဲဒါလေးကို ပြည်သူဝန်းရံပွဲမှာ ပြသပြီးတော့ စိတ်ဝင်စားတဲ့သူရှိလာရင် လေလံတင် ရောင်းချင်တာပေ့ါ။ ရလာတဲ့ငွေကြေးကို မြင်းခြံ NLD အဆောက်အဦးဆောက်လုပ်တဲ့နေရာမှာ အသုံးပြုချင်တယ်ဆိုပြီး ကမ်းလှမ်းလာတာရှိပါတယ်။ “ လို့ ဆိုပါတယ်။

လွန်ခဲ့သော ၁၉၈၈ ခုနှစ် နိုဝင်ဘာလ (၃) ရက်နေ့တွင် ဒေါ်အောင်ဆန်းစုကြည်က ပခုက္ကူ- ရေစကြိုမြို့ကနေ စည်းရုံးရေးဆင်းပြီးတဲ့ နောက် သင်္ဘောနဲ့ လာပြီး မြင်းခြံဆိပ်ကမ်းကို လာရောက်စဉ် အဆိုပါ လှည်းယာဉ်ကိုစီးနင်းအသုံးပြုခဲ့တာဖြစ်တယ်လို့ မြင်းခြံခရိုင်NLD ပါတီနာယက ဦးဌေးဝင်းက ပြောပြပါတယ်။

အဆိုပါ လှည်းယာဉ်ပိုင်ရှင် မြင်းခြံဒေသ ဦးကျော်မြင့်ဆိုသူက ဒေါ်အောင်ဆန်းစုကြည်စီးနင်းခဲ့တဲ့ လှည်းယာဉ်ဆိုပြီး အခုချိန်ထိ သိမ်းဆည်းထားခဲ့တာဖြစ်တယ်လို့လည်း သိရပါတယ်။

“ အဲဒီအချိန်တုန်းက လမ်းပန်းဆက်သွယ်ရေး မကောင်းတော့ လှည်းယာဉ်နဲ့ ဆိပ်ကမ်းကိုသွားကြိုတယ်။ အမေစုက အဲဒီလှည်းယာဉ်နဲ့ မြင်းခြံမြို့ကို လာတာပေါ့နော်။ အဲဒါကိုပိုင်ရှင်ဖြစ်သူက လွန်ခဲ့တဲ့(၃) နှစ်ကတည်းက သူသိမ်းထားပါတယ်ဆိုပြီး ပြောပြထားတာပါ။ ကျွန်တော်ကလည်း ဒါလေးသိမ်းထားပေးပါဆိုတော့ သူ့ကို သေချာပြောခဲ့တာပေါ့။ အခုတော့ သူကပြည်သူကို ချပြချင်တော့ ဝန်းရံပွဲမှာ ပြသဖို့ စီစဉ်တာပါ။” လို့ ဦးဌေးဝင်းက ဆိုပါတယ်။

ဒေါ်အောင်ဆန်းစုကြည် စီးနင်းခဲ့တဲ့ လှည်းယာဉ်ကိုတော့ အောက်တိုဘာ (၁၆) ရက်နေ့မှာကျင်းပမယ့် အမျိုးသားဒီမိုကရေစီအဖွဲ့ချုပ်အောင်နိုင်ရေး ဝန်းရံထောက်ခံပွဲမှာ မြင်းခြံမြို့နယ်ကို လှည့်ပတ်ပြသသွားမယ်လို့လည်းသိရပါတယ်။

(၃၂) နှစ် ကြာမြင့်နေပြီဖြစ်တဲ့ လှည်းယာဉ်ကတော့ အခုချိန်မှာတော့ ဘီးချို့ယွင်းချက်တွေတော့ ရှိနေတာကြောင့် သွားလို့ရအောင် တော့ ဝင်ရိုးတွေပြန်ပြင်ထားပြီး ကျန်တဲ့အပိုင်းတွေက ဒေါ်အောင်ဆန်းစုကြည် အသုံးပြုခဲ့တဲ့ ပကတိုင်းအတိုင်းရှိနေသေးတယ်လို့လည်း ဦးဌေးဝင်းက ဆိုပါတယ်။ ဒေါ်အောင်ဆန်းစုကြည်ဟာ လူထုခေါင်းဆောင်အဖြစ် နဲ့ (၁၉၈၈) ခုနှစ်မှာတစ်ကြိမ် ၊ (၁၉၉၇) ခုနှစ်မှာ တစ်ကြိမ် မြင်းခြံမြို့ကို လာရောက်ခဲ့ဖူးတယ်လို့လည်း သိရပါတယ်။ Crd : DUWUN

Add a Comment

Your email address will not be published. Required fields are marked *