ရန်ကုန်လေဆိပ်မှာ ဆန္ဒပြခံရတဲ့ Project K ဘက်ကနေ ရပ်တည်လိုက်တဲ့ မောင်မောင်အေး

ရန်ကုန်လေဆိပ်မှာ ဆန္ဒပြခံရတဲ့ Project K ဘက်ကနေ ရပ်တည်လိုက်တဲ့ မောင်မောင်အေး

Asia Song Festival 2020 မှာ ပါဝင်ဖျော်ဖြေခဲ့ပြီး အောက်တိုဘာ ၁၃ ရက်နေ့က ပြန်လည်ရောက်ရှိခဲ့တဲ့ Project K အဖွဲ့ကို လေဆိပ်နားမှာ ဆန္ဒလာပြခဲ့ကြပါတယ်။ Project K အဖွဲ့ ဟာ ဖျော်ဖြေစဉ်မှာ ရွှေတိဂုံစေတီပုံရိပ်ကို နင်းခဲ့တဲ့အတွက်ကြောင့် မကျေနပ်ကြတဲ့အတွက် အခုလို ဆန္ဒပြခဲ့ကြတာဖြစ်ပါတယ်။ ဒီလိုဆန္ဒပြမှုတွေနဲ့ ပတ်သက်ပြီး မောင်မောင်အေးက Project K ဘက်က ရပ်တည်ပြီး အခုလို ရေးသားခဲ့ပါတယ်။

ဘုရားသူခိုး ထောင်ထွက် ကြေးစားလူသတ်ကောင် ကိုကျတော့ လွတ်မြောက်ပါစေကြောင်း ဘုရားမှာ ဆုတောင်းပေးရတာနဲ့….ကယ်တင်ရှင် သူရဲကောင်းအဖြစ် ငါတို့သည်ကြည်လင်းများသာ ဆိုတဲ့ပရိုဖိုင်းတွေ ချိန်းကြရတာနဲ့….သူ့ပုံပါတဲ့ အင်္ကျီတောင်ရိုက်ပြီး ဝတ်လိုက် ကြသေးတာနော်။

ဘုရားပေါင်းများစွာကို လက်ချိုးပူဇော်ထားခဲ့ကြတော့လည်း သားတို့ သမီးတို့ အဲ့နေ့က ကျောင်းမတက်တဲ့ ရုပ်တွေနဲ့။ ရွှေဝါရောင်အရေးအခင်းမှာ ဘုန်းကြီးကျောင်းတွေထဲ အထိဝင်ပြီး နံပါတ်တုတ်ဆွမ်းကပ်ခဲ့ကြတာတို့ … လယ်တီသိမ် ဘူဒိုဇာနဲ့ အဖြိုခံရတာတို့… လက်ပန်းတောင်းတောင် မှာ မီးလောင်ဗုံးကြောင့် ဆရာတော်တွေ တကိုယ်လုံး မီးသင့်ခဲ့ရတာတွေက အမေရိကားမှာပဲ ဖြစ်ခဲ့လို့ ကိုယ်နဲ့မဆိုင်သလိုလို။

အခု Project K အဖွဲ့ရဲ့ ရည်ရွယ်ချက် လုံးဝမရှိခဲ့သော …ဘယ်လိုနည်းနဲ့မှ ဒါမျိုးနင်းပြကြမယ်ဟေ့ ဆိုပြီး ကြံစည်ရဲကြမှာမဟုတ်ဆိုတာ အသက်ကြေးတောင် လောင်းရဲသလို ပိုက်ဆံတွေတောင်း သလောက်ပုံပေးမယ် .. အခုလို ဘုရားပုံထိုးပြီး နင်းပြကြလို့ ခိုင်းရင်တောင် ကျိန်းသေ ငြင်းကြမဲ့ကလေးတွေ …. သူတို့တယောက်ချင်းစီရဲ့ လိမ္မာယဉ်ကျေးတဲ့ နေထိုင်ပြောဆိုဆက်ဆံမှုတွေ …သူတို့တယောက်ချင်းစီရဲ့ FB account တွေမှာ ဘာသာရေးစော်ကားဖို့မပြောနဲ့…hate speech တွေတောင် မရှိခဲ့တာတွေက သူတို့ရဲ့ရပ်တည်မှုတွေကို ဖော်ပြနေခဲ့တာ။

တဖွဲ့လုံးလည်း သေသေချာချာ တိုင်းသိပြည်သိတောင်းပန်ပြီးသွားပြီ။ သူတို့ကိုယ်တိုင် စင်ပေါ်မှာ ဘယ်လိုမှ မသိနိုင်လိုက်တဲ့ အမှားတခု…(သင်ခန်းစာယူစရာဆိုလို့ နောက်ဆို full rehearsal လုပ်ပြီးတာနဲ့ မန်နေဂျာကနေပြီး ဖျော်ဖြေမှုအစအဆုံးကိုVideo ပြန်ကြည့်ရင်း အသေးစိတ်ထောင့်ပေါင်းစုံကနေ final ပြန်စစ်ဆေးရမယ်။ ပြီးရင် တကယ့်ပွဲမှာ အဲ့အတိုင်းပဲ နောက်ခံပြသမှု – မီး – အသံ အကုန် ဖြစ်ရမယ် ဆိုတဲ့ သတိကပ်နေပေးနိုင်တဲ့သူကို ခေါ်သွားရမဲ့ သင်ခန်းစာ )

ဒါကို သေချာရှင်းပြ တောင်းပန်နေခဲ့တာတောင် အခဲမကျေနိုင်ဘဲ မန့်တွေမှာ မအေ နှမတွေ မွှန်ထူနေအောင်ဆဲပြီး သတ်ပစ်ဖို့တွေပါ ကြိမ်းမောင်းကြတဲ့ ကီးဘုတ်ဖိုက်တာတွေ… သူ့အသက်ကိုရန်ရှာတာတောင် ခွင့်လွှတ်ပေးတော်မူတဲ့ ဗုဒ္ဓရဲ့ တရားတော်ကို လက်ကိုင်ထားကြသူတွေဆိုပြီး လေဆိပ်မှာ အဖွဲ့ရဲ့ စာလုံးပေါင်းတောင်မှန်အောင် မပေါင်းနိုင်ရှာဘဲ ဆန့်ကျင်ကြ .. ကန့်ကွက်ကြ.. တိုင်းပြည်ကတောင် နှင်ထုတ်ချင်ကြသတဲ့။

ခွင့်လွှတ်တတ်ကြပုံများ…ပုံတွေကြည့်ပြီး မျက်လုံးအဝိုင်းသားဖြစ်ရတယ်။ သည်းခံခြင်း နားလည်ခွင့်လွှတ်ခြင်း နဲ့ နူးညံ့ကြင်နာသနားတတ်ခြင်းဆိုတဲ့အရာတွေဟာ သင်ယူ ကျင့်ကြံ ပွားများစရာ မဟုတ်ဘူးလား… ဆိုတာ အဲ့လို အပူဒေါသတွေအုံကြွတဲ့အခါတွေမှာ ပါပါလာတတ်တဲ့ ဘုရားသားတော်တွေကိုလည်း သေချာမေးကြည့်ချင်တော့တယ်။

အမှောင်တကာ့ အမှောင်ဆုံးထဲမှာ ဉာဏ်ပညာ နဲ့ ချစ်ခြင်းတရား အမှောင်ဖုံးခံရမှာ အကြောက်ဆုံးမို့လို့ အမှောင်ထဲက သူတွေလာဆဲကြမှာ သိသိကြီးနဲ့ ဒီပို့စ်ကို ရေးပါတယ်။ ဟိုလူဖျက်မှာ စိုးလို့ ဒီလူ လာဖျက်မှာကြောက်လို့ ဆိုတဲ့သူတွေအနေနဲ့ ဘယ်သူမှ လာဖျက်လို့ မရနိုင်တဲ့ ကိုယ့်နှလုံးသားထဲမှာ ဘုရားတည်နိုင်ကြသူတွေ ဖြစ်ကြပါစေသား။

Add a Comment

Your email address will not be published. Required fields are marked *