ကိုဗစ်ပိုးတွေ့လူနာသုံးဦးထွက်ပြေး မောင်းနှင်လာသည့် ကုန်တင်ယာဉ်နှစ်စီးကို နောင်ချိုတွင်ဖမ်းမိခဲ့

ကိုဗစ်ပိုးတွေ့လူနာသုံးဦးထွက်ပြေး မောင်းနှင်လာသည့် ကုန်တင်ယာဉ်နှစ်စီးကို နောင်ချိုတွင်ဖမ်းမိခဲ့

မူဆယ်မြို့မှ မန္တလေးမြို့သို့ ကိုဗစ်ပိုးတွေ့လူနာ သုံးဦး ထွက်ပြေး မောင်းနှင်လာသည့် ကုန်တင်ယာဉ်နှစ်စီးကို အောက်တိုဘာလ ၁၇ ရက် ည ၁၀ နာရီအချိန်ခန့်က နောင်ချိုမြို့အဝင်တွင် တားဆီးကာ ဖမ်းဆီး ရမိခဲ့ကြောင်း နောင်ချိုမြို့အခြေစိုက် ပရဟိတအဖွဲ့တာဝန်ရှိသူတစ်ဦးက ပြောပါသည်။

မန္တလေးတိုင်း ဒေသကြီး၊ စဉ့်ကိုင်မြို့တွင် နေထိုင်သူ (၁၂) ဘီးကုန်တင်ယာဉ် ယာဉ်အမှတ် 9I/……ယာဉ် မောင်း၊ ယာဉ်လိုက် နှင့် 4H/…… ယာဉ်မောင်း သုံးဦးတို့သည် မူဆယ်မြို့နယ် ကျင်ဆန်း ကျော့ ကျန်းမာရေး စစ်ဆေးစခန်းတွင် ကျန်းမာရေး စစ်ဆေးခံပြီး အဖြေမရမီ မိမိတို့သဘောဖြင့် မူဆယ်မြို့မှ မန္တလေးမြို့သို့ မောင်းနှင် လာခဲ့ကြခြင်း ဖြစ်သည်။

“သူတို့က မူဆယ်အထွက် ကျင်ဆန်းကျော့ ကျန်းမာရေးစစ်ဆေးစခန်းမှာ Swab တွေယူတယ်။ အဖြေမ ပေါ်ခင်မှာ သူတို့က ကိုယ့်သဘောနဲ့ကိုယ် ကားမောင်းပြီးထွက်လာကြတယ်။ ထွက်လာပြီးနောက်ပိုင်း အဖြေရတဲ့အခါမှာ သက်ဆိုင်ရာက သူတို့က Positive တွေ့တယ်။

လိုက်ရှာတော့ မတွေ့တော့ အကြောင်းကြားပြီး နောက်ပိုင်းသူတို့ က ကျောက်မဲတိုးဂိတ်ကို ဖြတ်လာပြီလို့ သတင်းရပြီး နောက်ပိုင်းအထွေထွေ အုပ်ချုပ်ရေး ဦးစီးဌာနရယ်၊ ကျန်းမာရေး ဦးစီးဌာနရယ်၊ ပရဟိတအဖွဲ့တွေရယ်က သူတို့ဆီသွားပြီးတော့ PPEဝတ်ခိုင်းတယ် Quarantine ဝင်စေခဲ့ပါတယ်” ဟု ယင်းကပြောသည်။

လက်ရှိအချိန်တွင် အဆိုပါ ပိုးတွေ့လူနာ သုံးဦးအား နောင်ချိုမြို့နယ်ရှိ Quarantine Center သို့ပို့ဆောင်ထားပြီး ယင်းတို့၏ လက်ရှိ ကျန်းမာရေး အခြေအနေသည် ကောင်းမွန်လျက်ရှိကြောင်း ဖျားခြင်း၊ နာခြင်း၊ လည်ချောင်း နာခြင်းများ၊ ချောင်းဆိုးခြင်းများ မရှိ ကြောင်းလည်း သိရသည်။ Source ; Pyi Myanmar

Add a Comment

Your email address will not be published. Required fields are marked *