သတ်မှတ်အလုပ် အချိန်ပိုထက် ပိုစေခိုင်းသည့် အလုပ်ရှင်များအား အရေးယူမည်

သတ်မှတ်အလုပ် အချိန်ပိုထက်ပိုစေခိုင်းသည့် အလုပ်ရှင်များအား အရေးယူမည်

သတ်မှတ်အလုပ် အချိန်ပိုထက် ပိုစေခိုင်းသည့် အလုပ်ရှင်များအား အရေးယူမည်ဟု အလုပ်ရုံနှင့် အလုပ်သမား ဥပဒေ စစ်ဆေးရေးဦး စီးဌာန ညွှန်ကြားရေးမှူး ချုပ် ဦးညွန့်ဝင်းက ပြောကြားသည်။

ရန်ကုန်တိုင်း ဒေသကြီးအတွင်း ပြန်လည်ဖွင့်လှစ် လည်ပတ်နေသည့် စက်ရုံ၊ အလုပ်ရုံ အချို့မှာ အချိန်ပို အဆမတန် ခေါ်ယူစေ ခိုင်းမှုများ ရှိနေသဖြင့် ဖြေရှင်းဆောင်ရွက်ပေးရန် အောက်တိုဘာ ၂၃ ရက်က ပြုလုပ်သည့် အလုပ်သမား၊ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန တာဝန်ရှိသူများနှင့် အလုပ်သမား အဖွဲ့ချုပ်များ Zoom Meeting အစည်းအဝေးတွင် အလုပ်သမား ကိုယ်စားလှယ်များ၏ တောင်းဆိုမှုကို ဦးညွန့်ဝင်းက ဖြေကြားခဲ့ခြင်း ဖြစ်သည်။

စက်ရုံ အလုပ်ရုံနှင့် အလုပ်ဌာနများအား တစ်ပတ်လျှင် နာရီ ၂၀ထက်ပို၍ အချိန်ပိုစေခိုင်းခြင်း မပြုလုပ်ရန် အလုပ်ရုံနှင့်အလုပ် သမားဥပဒေစစ်ဆေးရေးဦးစီးဌာ နက ညွှန်ကြားထားပြီး အချိန်ပို စေခိုင်းမည်ဆိုပါကလည်း သက်ဆိုင်ရာ မြို့နယ် အလုပ်သမားရုံးများထံ ကနဦး ခွင့်ပြုချက် တောင်းခံရန် သတ်မှတ်ထားကြောင်း ၎င်းက ဆိုသည်။

‘‘ သတ်မှတ်ချက် နာရီထက် ပိုမို လုပ်ဆောင်မှုများ ရှိရင် သတင်းပေးပို့ကြပါ။ တာဝန်ရှိသူများ သွားရောက်ပြီး ဥပဒေနဲ့အညီ စစ်ဆေး အရေးယူ ဆောင်ရွက်ပေး သွားပါမယ်’’ ဟု ဦးညွန့်ဝင်းက ပြောသည်။

စက်ရုံ၊ အလုပ်ရုံအချို့မှာ COVID-19 ကာကွယ်ထိန်းချုပ် ရေးအတွက် စက်တင်ဘာ ၂၄ ရက်မှ အောက်တိုဘာ ၁၂ ရက်အထိ ပိတ်သိမ်းခဲ့ရခြင်းဖြစ်သည်။

ရက်ရှည်ပိတ်ထားရခြင်း ကြောင့် ပြန်လည်ဖွင့်လှစ်ရာတွင် အထည် အော်ဒါများ အချိန်မီပြီးစီးစေရန် သတ်မှတ်အချိန်ပိုနာရီ ထက် ပိုမိုစေခိုင်းမှုများ ရှိခဲ့ခြင်းဖြစ်ကြောင်း အလုပ်သမား ကိုယ်စားလှယ်အချို့က ဆိုသည်။

‘‘ အလုပ်ချိန်တွေ အများကြီး ဆင်းနေရတဲ့ အလုပ်သမားတွေ အတွက် ကျန်းမာရေးက စိုးရိမ်ရ တယ်။ အလုပ်ရှင်တွေဘက်က အခက်အခဲတွေ ရှိတာလည်း နားလည်ပါတယ်။ ကပ်ရောဂါကာလ ဖြစ် နေတော့ ပိုပြီးသတိထားဖို့ လို တာပေါ့ ’’ ဟု အထည်ချုပ် အလုပ် သမားခေါင်းဆောင် မသီတာဝင်း က ပြောသည်။ ခရက်ဒစ်

Add a Comment

Your email address will not be published. Required fields are marked *