ဖခင်ဖြစ်သူဦးမိုးဒီမှာ ရောဂါအခံရှိတာကြောင့် စိတ်ပူတယ်လို့ သားဖြစ်သူ ကောင်းစံပြော

ဖခင်ဖြစ်သူဦးမိုးဒီမှာ ရောဂါအခံရှိတာကြောင့် စိတ်ပူတယ်လို့ သားဖြစ်သူ ကောင်းစံပြော

ဟာသ သရုပ်ဆောင် မိုးဒီဟာ လွန်ခဲ့တဲ့ ၄ ၊ ၅ ရက်ကတည်းက ကိုယ်အပူချိန် တက်လိုက်ကျလိုက် ဖြစ်နေတာကြောင့်COVID 19 ရောဂါပိုး ရှိ၊ မရှိ စစ်ဆေးချိန်မှာတော့ Positive အဖြေ ထွက်ရှိခဲ့တယ်လို့ မိုးဒီရဲ့ သားဖြစ်သူ သရုပ်ဆောင် ကောင်းစံက ဧရာဝတီကို ပြောပါတယ်။

“အဖေက ရောဂါအခံတွေ ရှိတယ်။ ၄၊ ၅ ရက်လောက် ဖျားတယ်။ ဆီးချိုတွေကျ၊ အမောလည်း ဖောက်တယ်။ ပထမစစ်တော့ ဆီးလမ်းကြောင်း ပိုးဝင်တာဆိုပြီး ပြန်လွှတ်လိုက်တယ်။ ဘယ်လိုပဲ ဆေး တွေသောက်သောက် ဖျားတာက မသက်သာဘူး။

ကိုယ်အပူချိန်က တက်လိုက်ကျလိုက် ဖြစ်နေတာနဲ့ မသက်သာလို့ အဆုတ် ဓာတ်မှန် ရိုက်ကြည့်တော့ အဆုတ်မှာ Spot တွေ့တယ် ။ ကိုဗစ် လက္ခဏာ သွားစစ်လိုက်ပါဆိုလို့ ဒီနေ့မှ သွားစစ်တာ။ ပိုး တွေ့တာနဲ့ ဧရာဝတီစင်တာမှာ ထားထားတာပါ”

“ သွားစစ်လိုက်တာ အဖေနဲ့ ကျနော့်ညီ သွားစစ်တာ။အဖေက ကိုဗစ် Positive ၊ ကျနော့် ညီက Negative ၊ ကျနော့် ညီက Negative ထွက်လို့ ပြန်ရတယ်။ အဖေ့ကိုတော့ ခေါ်ထားလိုက်တယ်။ ကျနော့် ညီနဲ့ အဖေနဲ့က အနီးကပ်မို့ ကျနော့် ညီတို့ကိုပဲ စစ်တာ။ အိမ်က လူတွေတော့ မစစ်ရဘူး။ အဖေကအခု ဧရာဝတီ စင်တာမှာပါ။ အောက်စီဂျင် ပေးထားတယ်လို့ ပြောတယ် ” လို့ မိုးဒီရဲ့ သားဖြစ်သူ ကောင်းစံက ပြောပါတယ်။

ရောဂါအခံရှိတဲ့ ဖခင်ကို စိတ်ပူတယ်ဆိုတဲ့ ကောင်းစံက ပရိသတ်တွေလည်း ဖခင်ရဲ့ အခြေအနေကို ကောင်းလာဖို့ ဆုတောင်းပေးကြဖို့ အခုလိုပဲ ဆိုပါတယ်။

“ အဖေက ရောဂါစုံတော့ စိုးရိမ်တယ်။ အသက် ကလည်း ကြီးပြီ။ သူ့မှာ ဖြစ်နေတဲ့ ရောဂါကလည်း စုံတော့ စိုးရိမ်နေပါတယ်။ စိတ်ကတော့ ပူတယ်။ ကျနော်တို့ကလည်း ပြန်ကောင်းဖို့ပဲ ဆုတောင်းနေပါတယ်။

ပရိသတ်တွေလည်း အဖေ့ အခြေအနေ ကောင်းလာဖို့ ဆုတောင်း ပေးကြပါဦးလို့ ပြောချင်ပါတယ်။ ကျနော်တို့လည်း အနားသွားနေလို့ မရဘူး။ အဖေ့ကိုဖုန်းဆက်ပြီးတော့ အားပေးစကား ပြောတယ် ” လို့ ကောင်းစံက ပြောပါတယ်။

ဟာသ သရုပ်ဆောင်၊ လူရွှင်တော်ကြီး မိုးဒီဟာ ဆီချို၊ သွေးတိုး၊ နှလုံး၊ ကျောက်ကပ် ရောဂါအခံရှိသူဖြစ်ပြီး လက်ရှိမှာတော့ ဧရာဝတီ ကိုဗစ် ကုသရေးစင်တာမှာ ဆေးကုသမှု ခံယူနေတယ်လို့ သိရပါတယ်။ Source ; ဧရာဝတီ

Add a Comment

Your email address will not be published. Required fields are marked *