ဆန်မကောင်းသည့်တိုင် ထမင်းကောင်းထွက်အောင် ချက်နည်း

ဆန်မကောင်းသည့်တိုင် ထမင်းကောင်းထွက်အောင် ချက်နည်း

ကျမတို့ အိမ်ရှင်မ / အိမ်ရှင်ထီးများအတွက် အသုံးဝင်မဲ့လက်တွေ့ အသုံးချနိုင်တဲ့ ဗဟုသုတပါ။

အိမ်ရှင် မ/ ထီးများအတွက် ထမင်းချက်ရာတွင် အရသာ သာမက ကျန်းမာရေး အဟာရဓါတ်တွေပါ မဆုံးရှုံးစေမည့် နည်းလမ်းလဲ လွယ်ကူစေမည့် ထမင်းချက်ခြင်း၏ လျှို့ဝှက်ချက်များကို စုစည်း ဖော်ပြ ပေးလိုက်ပါသည်။

၁ ။ ရှာလကာရည်

ထမင်းချက်ရာတွင် ရှာလကာရည် တစ်စက် နှစ်စက် ထည့်ပေးရုံဖြင့် ထမင်းရဲ့ အနံ့အရသာကို ပိုမိုထင်ပေါ် မွှေးပျံ့စေသည့် အပြင် ရာသီဥတု အလွန်ပူပြင်း၍ ထမင်းသိုးခြင်းကို ကာကွယ်ပေးနိုင်ပါတယ်။

၂ ။ ဘီယာ

ဆန်ဟောင်းများ အထားကြာသွားပြီး ချက်ပြုတ်ရာမှာ အနံ့ အရ သာက ဆန်သစ်လောက် မကောင်းတဲ့အချိန်မှာ စိတ်ပူစရာ မလိုပါဘူး။ ဆန်ဟောင်း ချက်ချိန်မှာ ဘီယာ အနည်းငယ်သာ ထည့်ပေးလိုက်ပါ။ ပေါ်ဆန်းမွှေးပမာ မွှေးပျံ့တဲ့ ထမင်းကို ရရှိမှာ ဖြစ်ပါတယ် ။

၃ ။ မြေပဲဆီ

ထမင်းချက်ရာမှာ ဆားအနည်းငယ်နဲ့ မြေပဲဆီ အနည်းငယ် ထည့်ပြီး မွှေပေးလိုက်ပါ။ ဆန်ဖွာခြင်း မရှိပဲ ခံတွင်းကို တွေ့စေမဲ့ ထမင်း ရရှိမှာပါ။

၎ ။ ဆား

လက်ကျန်ထမင်းကို ပြန်နွေးရာတွင် ဆားအနည်းငယ် ထည့်ပေးခြင်းအားဖြင့် အနံ့ဆိုးများကို ပျောက်စေမည့်အပြင် ထမင်းကိုလည်း နူးညံ့စေမှာ ဖြစ်ပါတယ်။

၅ ။ ဆန်အရက်၊ အရက်ဖြူ

ထမင်းကြော်ရာတွင် အရက်သုံးလေးစက် အနည်းငယ် ထည့်ကြော် ပေးပါက နတ်သုဒ္ဓါပမာ ထမင်း အရသာကို ရရှိစေမှာ ဖြစ်ပါတယ်။ အကယ်၍ ထမင်းကျက်တဝက် မကျက်တဝက်အခြေနေမျိုးနဲ့တွေ့ ကြုံနေပါက ဆန်အရက် ဇွန်း ၂ ဇွန်းစာ ထည့်ပြီး နွေးပေးခြင်းဖြင့် ထမင်းကို လုံးဝကျက်စေမှာ ဖြစ်ပါတယ်။

၆ ။ ရေကျက်အေး

ထမင်းချက်ရာတွင် ရေကျက်အေးဖြင့် ချက်ပေးပါက ဆန်မှာပါဝင်တဲ့ ဗီတာမင် B1 ဓါတ်ကို အပြည့်အဝ ရရှိစေမှာ ဖြစ်ပါတယ်။

၇ ။ ကြက်သွန်မြိတ်

ထမင်းတူးသွားပါက ထမင်းကြားထဲကို ကြက်သွန်မြိတ် တစ်ပင်ကို ထည့်ပြီး ခဏဖုံးအုပ် ထားပေးလိုက်ပါ။ တူးနံ့များ ယူပစ်သလို ပျောက်သွား စေမှာဖြစ်ပါတယ်။

၈ ။ လက်ဖက်ရည်ကြမ်း

ရေနွေးကြမ်းကို ထမင်းချက်ရာမှာ ထည့်ပြီး သာမာန်အတိုင်း ထမင်းချက်ပါ ။ ရရှိလာတဲ့ ထမင်းက အနံ့အရသာကို ပြည့်စုံစေယုံသာမက အဟာရလည်း အလွန် ဖြစ်စေပါတယ်။

၉ ။ သံလွင်ဆီ

ထမင်းချက်ရာတွင် သံလွင်ဆီ အနည်းငယ် ထည့်ပေးပါက ဆန်ထဲရှိ သကြားဓါတ် တိုးမြင့်မှု့ကို ထိန်းချုပ် နိုင်စေသည့်အပြင် အစာအိမ်ကိုလည်း ဥပါဒ်မဖြစ်စေပါဘူး။ဆီးချိုသမားများအတွက် အထူးသင့်တော်ပါတယ်။ ကျမ၏ Fri များ အရသာပြည့်ဝတဲ့ မိသားစု ထမင်းဝိုင်းလေး ဖြစ်ကြပါစေ။ ခရစ်ဒစ်

Add a Comment

Your email address will not be published. Required fields are marked *