မြန်မာနိုင်ငံတွင် ပထမဦးဆုံး နေရောင်ခြည်သုံး ရေပေါ်ဓာတ်အားပေးစက်ရုံများ တည်ဆောက်တော့မည်

မြန်မာနိုင်ငံတွင် ပထမဦးဆုံး နေရောင်ခြည်သုံး ရေပေါ်ဓာတ်အားပေးစက်ရုံများ တည်ဆောက်တော့မည်

မြန်မာနိုင်ငံတွင် ပထမဦးဆုံး နေရောင်ခြည်သုံး ရေပေါ်ဓာတ်အား ပေးစက်ရုံများကို လက်ရှိရေအားလျှပ်စစ်စက်ရုံများတွင် တည်ဆောက်မည်ဟု လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောသည်။

နှစ်စဉ်တိုးတက်သုံးစွဲလာသည့် လျှပ်စစ်ဓာတ်အားကို တည်ငြိမ်စွာဖြန့်ဖြုးပေးနိုင်ရန် အရင်းအမြစ်မျိုးစုံ ပါဝင်ထုတ်လုပ်နိုင်ရေး ဝန်ကြီးဌာန၏ ကြိုးပမ်းချက်ဖြစ်သည်ဟု ဝန်ကြီးကဆိုသည်။ ပထမဆုံးစက်ရုံကို နေပြည်တော်တွင် စတင်မည်ဟု သိရသည်။

‘‘ မကြာမီကာလမှာတော့ ရေအားလျှပ်စစ် စက်ရုံတွေမှာ Floating Solar Power Plant တွေ တည်ဆောက်ပြီး Hydro – Solar Hybrid စနစ်နဲ့ဓာတ်အား ပိုမိုထုတ်လုပ်နိုင်ဖို့ စီစဉ်နေပါ တယ် ’’ ဟု ပြည်ထောင်စုဝန်ကြီး ဦးဝင်းခိုင်က ပြောသည်။

နေရောင်ခြည်သုံး ရေပေါ်ဓာတ်အားပေး စက်ရုံဆိုသည်မှာ ရေကန်၊ ပင်လယ် (သို့မဟုတ်) ရေအားလျှပ်စစ် ထုတ်လုပ်သည့် ရေလှောင်ကန်များ၏ ရေမျက်နှာ ပြင်ပေါ်တွင် နေရောင်ခြည်သုံး ဓာတ်အားပေး စက်ရုံများကို တည်ဆောက်ထားခြင်း ဖြစ်သည်။ထိုနည်းစနစ်သည် ၂၀၁၆ ကစတင်ပြီး အလျင်အမြန်တိုးတက်လာသော ပြန်လည်ပြည့်ဖြိုး မြဲစွမ်းအင်စီမံကိန်း ဖြစ်သည်။

လက်ရှိတွင်ကမ္ဘာပေါ်၌ စက်ရုံ၂၀ခန့်ရှိပြီး စုစုပေါင်း မဂ္ဂါဝပ် ၁,၁၀၀ ကျော် ထုတ်လုပ်နေသည်။ ထိုစီမံကိန်း အမျိုးအစားသည် မြေပြင်တွင်တည်ဆောက်သည့် နေရောင်ခြည်သုံးစက်ရုံများထက် ကုန်ကျစရိတ် ၂၀ ရာ ခိုင်နှုန်းမှ ၂၅ ရာခိုင်နှုန်းအထိ ဈေးနှုန်းသက်သာသည်ဟု ကမ္ဘာ့ ပြန်လည်ပြည့်ဖြိုးမြဲစွမ်းအင်အသင်းက ဆိုထားသည်။

နေရောင်ခြည်စွမ်းအင်သုံး ဓာတ်အားပေးစက်ရုံ ၂၉ ရုံတို့မှ ၁,၀၃၀ မဂ္ဂါဝပ်အား လာမည့်နွေရာသီအမီထုတ်လုပ်နိုင်ရန် စီမံဆောင်ရွက် လျက်ရှိသည်ဟု ဝန်ကြီးကဆိုသည်။ ထို့အပြင် ရေအားလျှပ်စစ်စီမံကိန်းအသစ်များကိုလည်း ဆောင်ရွက်နေသည်ဟု ဝန်ကြီးကဆိုသည်။

လက်ရှိ တစ်နိုင်ငံလုံးတွင် ရေအားလျှပ်စစ် ဓာတ်အားပေးစက်ရုံ၂၈ ရုံမှ စက်တပ်ဆင်အင်အား ၃၂၂၅ မဂ္ဂါဝပ်ဖြင့် နေ့စဉ်ပျမ်းမျှ၂,၆၀၀ မဂ္ဂါဝပ်နာရီ ထုတ်လုပ်နေသည်။ ၂၀၁၆ ခုနှစ်တွင် အရင်းအမြစ်ပေါင်းစုံမှ နေ့စဉ် ၄၈,၀၀၀ မဂ္ဂါဝပ်နာရီ ထုတ်ပေးခဲ့ပြီးယခုအခါ နေ့ စဉ် ၆၅,၀၀၀ မဂ္ဂါဝပ်နာရီခန့် ထုတ်လုပ်နေ သည်။ Source ; 7 Day News

Add a Comment

Your email address will not be published. Required fields are marked *