အိမ်တစ်အိမ် မိသားစုတစ်စု၏ထိန်းသိမ်းသင့်သော ယိုပေါက်ကြီး ( ၆ ) ခု

အိမ်တစ်အိမ် မိသားစုတစ်စု၏ထိန်းသိမ်းသင့်သော ယိုပေါက်ကြီး ( ၆ ) ခု

မြတ်စွာဘုရား ဟောထားတာကတော့ လောကမှာ စီးပွားရေးပျက်ရာ ၊ ပစ္စည်းဥစ္စာတွေရဲ့ ယိုပေါက်ကြီး ၆ ခု ဆိုတာ ပစ္စည်းဥစ္စာဟာ ဘယ်တော့မှ မတည်မြဲတာကို ပြောတာပါ။

မြန်မာစကားပုံတစ်ခုရှိတယ် “ လူမိုက်နဲ့ငွေအတူမနေ ” တဲ့ ငွေရှိလည်း ရှိတဲ့ငွေတွေကို အကျိုးရှိရှိ အသုံးမချနိုင်လို့ ဖြုန်းသလိုဖြစ်ပြီး ကုန်သွားတာကို ပြောတာပါ။ ပစ္စည်းဥစ္စာ ရှိပြန်ရင်လည်း လက်ထဲမမြဲပဲ အလွယ်တကူပေါင်လိုက် ရောင်းလိုက်နဲ့နောက်ဆုံးမရွေးနိုင်ပဲ လက်ရှိကနေ လက်မဲ့ ဖြစ်သွားတတ်ပါတယ်။ မြတ်စွာဘုရားက ဘာကိုဟောသလဲဆိုရင်

နံပါတ် (၁) က အာလသျ – လူပျင်းနဲ့ဆိုရင် ငွေဟာ အတူမနေ ဘူးတဲ့။ ပျင်းရိလို့ရှိရင် ပျင်းတယ်ဆိုတာ ပူလွန်းတယ်၊ အေးလွန်းတယ်၊ မိုးချုပ်လွန်းတယ်၊ ဆာနေသေးတယ်၊ မစားရသေးဘူး၊ စားပြီးပြီ၊ ဗိုက်လေးတယ် ဆိုတဲ့အချက်တွေကို အကြောင်းပြပြီး အလုပ်မလုပ်ပဲနဲ့နေတာကို ပျင်းတယ်လို့ပြောတာ။အဲဒီလိုပျင်းရိမှုဟာလည်း ပစ္စည်းဥစ္စာရဲ့ယိုကျဖို့ရာ အပေါက်တစ်ခုပဲတဲ့။

နောက်နံပါတ် (၂) က တော့ ပမာဒတဲ့ အပျော်အပါးတွေဘက်ပဲ စိတ်ဝင်စားတယ်။ ကောင်းကျိုးချမ်းသာဖြစ်ဖို့ စိတ်မဝင်စားဘူး။ လုပ်ငန်းကိုလည်း စိတ်မဝင်စားဘူး။ အပျော်အပါးတွေကိုအမြဲတမ်း စိတ်ဝင် စားနေရင်လည်း ပျက်စီးနိုင်တယ်။

နံပါတ် (၃) က အနုဋ္ဌာန လုပ်ငန်းတစ်ခုကို လုပ်တဲ့အခါမှာ တက်တက်ကြွကြွ မရှိဘူး။ ဝတ်ကျေ တမ်းကျေ ပဲလုပ်တယ်၊ ဖြေးဖြေးဆေးဆေးပဲ။ သွက်သွက်လက်လက် လုပ်ရမယ့်ဟာကို သွက် သွက်လက်လက် မလုပ်ဘူး။ ပျင်းပျင်းရိရိလုပ်တယ်၊ အဲဒီလိုဟာမျိုး မဖြစ်ရဘူးတဲ့။ ကြိုးကြိုး စားစားလုပ်ရမယ်။ အဲဒီတော့ ပျင်းရိခြင်း ဟာလည်း ဥစ္စာရဲ့ ယိုပေါက်တစ်ခု။

နံပါတ် (၄) က ကာမဂုဏ် အာရုံတွေထဲမှာ စိတ်ကိုလွှတ်ထားပြီးတော့ပျော်ပါးခြင်းဟာလည်း ပစ္စည်းဥစ္စာရဲ့ယိုကျတဲ့ အပေါက်တစ်ခုတဲ့။

နံပါတ် (၅) က မစောင့်စည်းခြင်း၊ ကိုယ့်စိတ်ကိုလည်း အစောင့်စည်းဘူး။ ကာယကံဝစီကံကိုလည်း မထိန်းသိမ်းမစောင့်ရှောက်ဘူး။ ကိုယ်ကျင့် တရားကိုလည်း မထိန်းသိမ်း မစောင့်ရှောက်ဘူး။ အဲဒါဟာ စီးပွားရေး ယိုပေါက်တစ်ခုပဲ။

နံပါတ် (၆) က အအိပ်ကြူးခြင်း၊ ဘယ်တော့ဖြစ်ဖြစ် အိပ်တာပဲ။ အအိပ်များနေတယ်၊ အဲဒီဟာလည်းပဲ ပျက်စီးခြင်း အကြောင်းတစ်ခုပဲ ။ ခုနကပြောခဲ့တဲ့ အာလသျနဲ့တန္ဒီမှာ အာလသျပျင်းရိတယ်ဆိုတဲ့နေရာမှာ ဘာအလုပ်မှမလုပ်ဘဲနေတာမျိုး ၊တန္ဒီကျတော့ဖြစ်ပေါ်လာတဲ့ အချိန်ကိုရွှေ့တာ အမြဲတမ်းအချိန်ကို ရွှေ့ချင်တယ်။

စောသေးတယ် ၊ အချိန်ရွှေ့လိုက်တယ်။ ၈ နာရီလောက် အလုပ်လုပ်ရမှာကို မလုပ်သေးပါဘူး။ ၉ နာရီမှ လုပ်မယ်။ ၉ နာရီ ကျတော့လည်း ၁၀ နာရီကျမှာ သွားတော့မယ်။ ဒီလို အချိန်တွေကို ရွှေ့ရွှေ့ သွားတာမျိုးကို ဆိုလိုတယ်။ အဲဒီအပေါက် ၆ ပေါက်ကိုပိတ်နိုင်မှတဲ့ ။ မပိတ်နိုင်လို့ရှိရင် ပစ္စည်းဥစ္စာဟာ လူတွေနဲ့အတူ မရှိနိုင်ဘူးလို့ဒီလို မြတ်စွာဘုရားက ဟောတယ်။

အဲဒီလိုဟောတာတွေဟာ ကိုယ့်အတွက်ပစ္စုပ္ပန်ဘဝမှာ ကောင်းကျိုးရနိုင်သလို သံသရာအတွက်လည်း ကောင်းကျိုးရနိုင်တယ်။ မကောင်းတဲ့ အချက်အလက်တွေကို ရှောင်ပြီးတော့ ကောင်းတဲ့ အချက်အလက်တွေကို ကိုယ့်သန္တာန်မှာ ကျင့်ဆောင်ဖို့ အရေးကြီးတယ်။ယိုပေါက်ကြီးတွေပိတ်ပြီး စီးပွားလာဘ်လာဘတိုး တက်ကြပါစေ။ ( ပါချုပ်ဆရာတော်ဘုရားကြီး ရေးသားသော အခွင့်ကောင်းကိုယူ ဓမ္မစာအုပ်မှ ကူးယူဖော်ပြပါသည် ။ )

Add a Comment

Your email address will not be published. Required fields are marked *