စိတ်ရင်းကောင်းတဲ့ ငါးရောင်းသူအမျိုးသမီးကြောင့် မိဘရင်ခွင်ဆီ ဘေးကင်းလုံခြုံစွာ ပြန်ရောက်ခဲ့တဲ့ ၁၂ နှစ်အရွယ် ကောင်မလေး

စိတ်ရင်းကောင်းတဲ့ ငါးရောင်းသူအမျိုးသမီးကြောင့် မိဘရင်ခွင်ဆီ ဘေးကင်းလုံခြုံစွာ ပြန်ရောက်ခဲ့တဲ့ ၁၂ နှစ်အရွယ် ကောင်မလေး

ညောင်အင်းကနေ ငါးရောင်းပြီး ပြန်လာတဲ့ဒေါ် … တစ်ယောက်လာဂမို့ တိုးဂိတ်နားက လမ်းဘေးမှာ ဆိုင်ကယ်တစ်စီးနဲ့ ရွာလည် နေတဲ့ ကလေးမလေး တစ်ယောက်ကို တွေ့ပါတယ်။ သူ့ကိုတစ်ခါမှ ဒီအရပ်မှာ မမြင်ဘူး။

အသက်ကလည်း မသကာရှိမှ (၁၂) နှစ်ဝန်းကျင်။ ရှေ့သွားမလို နောက်ပြန်မလိုနဲ့ ချီတုံချဖြစ်နေဟန်ကြောင့် သူမအနားသွား ပြီးမေးလိုက်ပါတယ်။ သမီး ဘယ်က လာတာလဲ ဘုရားကြီးက တဲ့။ ဘယ်သွားမှာလဲ ဆိုတော့ ရေရေ ရာရာ မဖြေနိုင်။

ဒီတော့ သေခြာအောင် ထပ်မေးလိုက်တယ် ။ ဘာဖြစ်လို့ထွက်လာတာလဲသမီး ဆိုတော့ အဒေါ်ဆူလို့တဲ့။ ခက်ပြီ ။ ခုခေတ်ကလေးတွေ ကတော့ ။ ဒေါ် … စဉ်းစားတယ် ။ ကိုယ်နဲ့မဆိုင်ဘူးဆိုပြီး အတိုင်း လွှတ်ပေးလိုက်ရင်တော့ ဒီကလေးမလေးအတွက် အန္တရာယ်က လက်တစ်ကမ်းမှာ။

အချိန်ကလည်းညမိုးချုပ်စ။ နေရာကလည်း မြို့အထွက်နား ။လူကလည်းပြတ်။ ကဲ,မထူးတော့ပါဘူး၊အဒေါ့်အိမ်လိုက်ခဲ့ဆိုပြီး ဒေါ် … က လယ်ထဲကသူ့အိမ်ဆီသူမကို ခေါ်သွားပါတော့တယ်။

ဘုရားကြီးနယ်မြေ ရဲစခန်းက ရဲအုပ်တင်ဌေးနဲ့နယ်ထိန်းအဖွဲ့ CC TV မှတ်တမ်းတွေ ပြန်ကြည့်ပြီး အလုပ်ရှုပ်နေကြပြီ။ ဘုရားကြီးမြို့ (၂) ရပ်ကွက် ၊ ဘူတာလမ်းက အသက် (၁၂) အရွယ်ကျောင်း သူလေးတစ်ဦး နေအိမ်ကနေဆိုင်ကယ်တစ်စီးနဲ့ဘယ်ပျောက်သွား မှန်း မသိတဲ့ကိစ္စ။

ဟော, CCTV မှတ်တမ်းမှာ သူမကို တွေ့ပါပြီ။ အချိန်က ညနေ ၅ နာရီ၊ ၄၅ မိနစ်မှာ ဘုရားကြီး DANKOဆီဆိုင်မှာ ဆီဝင်ဖြည့် နေတဲ့ အဲ့ကောင်မလေး ။ နောက် အဲ့ဆီဆိုင်ကနေ ပဲခူးဘက်မောင်းထွက်သွားပြီ။ နောက်တော့ …. နောက်တော့ ။

ဒေါ် … ဆီမှာ ဖုန်းမရှိ။ ဒါပေမဲ့ကံကောင်းတာက ကကောင်မလေးက သူ့အမေ ဖုန်းနံပါတ် မှတ်မိပေလို့။ ဒီတော့ ရွာထဲက ဖုန်းရှိသူတစ်ဦးထံ အကူအညီတောင်းပြီး ကောင်မလေးနဲ့ သူ့မိဘတွေကို ဖုန်းချင်းချိတ် ပေးလိုက်တယ်။

ဒီနေ့ ဘုရားကြီးနယ်မြေ ရဲစခန်းက နယ်ထိန်းအဖွဲ့နဲ့သူ့မိဘတွေချိန်းဆိုထားတဲ့ ပဲခူး လာဂမို့ တိုးဂိတ်နားမှာ ဆုံကြပြီ ။ သေကံမရောက် ၊ သက်မပျောက်ခဲ့တဲ့ သမီးလေး (သို့မဟုတ်) ထစ်ကနဲရှိဟိုသွားမယ် ဒီသွားမယ် လုပ်တက်ကြတဲ့ ခုခေတ် ခြေရှည်တက်ကြတဲ့စရိုက်ရှိသူ ဆယ်ကျော်သက် အရွယ်တွေထဲက သမီးလေး။

ဘာပစ္စည်းမှလည်း အပျောက် အရှ မရှိဘဲ အကောင်းပက တိပြန်တွေ့ရတဲ့ သမီးလေး။ ဆင်းရဲပေမယ့် စိတ်ရင်းကောင်းတဲ့ ငါးရောင်သည်လင်မယားနှစ်ဦးရဲ့စောင့်ရှောက်မှုအရိပ်အောက်မှာ အေးချမ်းစွာနဲ့ တစ်ညတာခိုနားခွင့် ရခဲ့ပြီး …………

အခုတော့ အဲ့ဒီခြေရှည်တဲ့ကောင်မလေးဟာ သူ့မိဘတွေရဲ့ရင်ခွင်ထဲ ကောင်းမွန်စွာ ပြန်လည်ရောက်ရှိသွားပါပြီ။ အနာဂတ်ကြယ်ပွင့်ကလေးများ ၊ တိမ်ညိုတိမ်မဲအန္တရာယ်တွေကနေလွတ် ကင်းပြီး ကောင်းစွာ ထွန်းလင်းတောက်ပနိုင်ကြပါစေ။ ခရက်ဒစ်

Add a Comment

Your email address will not be published. Required fields are marked *