၂၀၂၁ ခုနှစ် ဒုတိယသုံးလပတ်အတွင်း မြန်မာနိုင်ငံရှိ လူဦးရေ၏ (၃) ရာခိုင်နှုန်းအတွက် ကိုဗစ်ကာကွယ်ဆေး ရရှိမည်

၂၀၂၁ ခုနှစ် ဒုတိယသုံးလပတ်အတွင်း မြန်မာနိုင်ငံရှိ လူဦးရေ၏ (၃) ရာခိုင်နှုန်းအတွက် ကိုဗစ်ကာကွယ်ဆေး ရရှိမည်

၂၀၂၁ ခုနှစ် ဒုတိယ သုံးလ ပတ်ထဲမှာ မြန်မာနိုင်ငံကို COVID – 19 ကာကွယ်ဆေး (၃) ရာခိုင်နှုန်း စတင် ရောက်ရှိဖို့ ရှိတယ်လို့ ကမ္ဘာ့ ကျန်းမာရေးအဖွဲ့၊ အရှေ့တောင် အာရှဒေသကြီး အဖွဲ့ဝင်၊ မြန်မာနိုင်ငံရဲ့ ကာကွယ်ဆေးဆိုင်ရာ နည်းပညာအကြံပေးအဖွဲ့ဝင် ပါမောက္ခ ဒေါက်တာစောဝင်းက ပြောပါတယ်။

ဒီဇင်ဘာ (၅) ရက်က ပြုလုပ်ခဲ့တဲ့ မြန်မာနိုင်ငံ ဆရာဝန်အသင်း (ဗဟို) ရဲ့ Challenges of Time & Scale ဟောပြော ဆွေးနွေးပွဲမှာထည့်သွင်းပြောခဲ့ တာပါ။ ” COVAX Facility ပေါ့ ဒါကတော့ ကာကွယ်ဆေးထုတ်တဲ့ ကုမ္ပဏီတွေလည်း အများကြီးပါတယ်။ နိုင်ငံတွေလည်း အများကြီးပါတယ် ။ ပေးမယ့် နိုင်ငံတွေလည်း အများကြီးပါတယ်။

အဲဒီ့ အရတော့ သူတို့ ခန့်မှန်းချက်က ၂၀၂၁ ခုနှစ် ပထမ သုံးလပတ်မှာ သူတို့လိုအပ်တဲ့ မှတ်ပုံတင်ခြင်း လုပ်ငန်းစဉ်တွေ ဆိုင်ရာနဲ့ ပတ်သက်တဲ့ Assessment တွေ လုပ်မယ်။

ပြီးရင်ဒုတိယ သုံးလပတ်မှာ ကျွန်တော်တို့ဆီကို (၃) ရာခိုင်နှုန်းစပြီးတော့ ရောက်ဖို့ ရှိပါတယ်။ နောက်နှစ်ကုန်တဲ့ အထိဆိုရင် ၁၇ရာခိုင်နှုန်း ထပ်ပြီးရမယ်ပေါ့ ” လို့ပါမောက္ခ ဒေါက်တာစောဝင်းက ပြောပါတယ်။

မြန်မာနိုင်ငံရဲ့လူဦးရေ (၃) ရာခိုင်နှုန်းအတွက် ၂၀၂၁ခုနှစ် ဒုတိယ သုံးလပတ်မှာ စတင်ရရှိမှာဖြစ်ပြီး နှစ်ကုန်တဲ့အချိန် မှာ (၁၇) ရာခိုင်နှုန်း ထပ်မံရောက်ရှိမှာ ဖြစ်ပါတယ်။

COVID-19 ဟာ မမြင်ရတဲ့ ရောဂါပိုးတစ်ခုဖြစ်တဲ့အတွက် ကာကွယ်ဆေးမရ ခင်အချိန်တွေမှာ အမြဲတမ်းသတိနဲ့ နေထိုင်ဖို့လိုအပ်တယ်လို့ မြန်မာနိုင်ငံ ဆရာဝန်အသင်း၊ ယခင်ဥက္ကဌ၊ COVID-19 သွေးရည်ကုထုံးကုသရေး အကြံပေးအဖွဲ့ ဥက္ကဋ္ဌ ပါမောက္ခဒေါက်တာ ရဲမြက သတိပေးပြောကြားသွား ပါတယ်။

” ကျွန်တော်တို့က မမြင်ရတဲ့ ရောဂါပိုးတစ်ခုကို ကာကွယ်ဖို့က ကိုယ့်ဟာနဲ့ကိုယ် အမြဲတမ်းသတိနဲ့ နေမှသာလျှင်ရမယ်။ သတိကိုလျှော့လို့မရဘူး။ အမှုမဲ့အမှတ် မဲ့ဖြစ်တာလေးနဲ့ တင်ကူးနိုင်တယ် ” လို့ ပါမောက္ခ ဒေါက်တာရဲမြက ပြောပါတယ်။

မြန်မာနိုင်ငံဟာ COVID-19 ကာကွယ်ဆေးရရှိဖို့နည်းလမ်းသုံးမျိုးရှိပြီး ပထမနည်းလမ်းမှာ COVAX Facilityမှ အခမဲ့(သို့မဟုတ်) ဈေးနှုန်းသက်သာစွာနဲ့ ရရှိတာ၊ ဒုတိယနည်းလမ်းကတော့ အစိုးရအချင်းချင်း ဆက်သွယ် ဝယ်ယူတာ၊

တတိယ နည်းလမ်းကတော့ ကာကွယ်ဆေးထုတ်လုပ်တဲ့ ကုမ္ပဏီ တွေက တစ်ဆင့် ပုဂ္ဂလိက ဝယ်ယူတာတွေ ဆောင်ရွက်နိုင်မှာဖြစ်တယ်လို့ ပါမောက္ခ ဒေါက်တာစောဝင်းက ပြောပါတယ်။ Source ; One News Myanmar

Tags:

Add a Comment

Your email address will not be published. Required fields are marked *