ကိုဗစ်ရောဂါပိုး ကင်းစင်သွားပေမယ့် ဆေးရုံတက်ပြီး ဆေးကုသမှု ခံယူရဦးမယ့် ဦးမိုးဒီ

ကိုဗစ်ရောဂါပိုး ကင်းစင်သွားပေမယ့် ဆေးရုံတက်ပြီး ဆေးကုသမှု ခံယူရဦးမယ့် ဦးမိုးဒီ

လူရွှင်တော်ကြီး ဦးမိုးဒီကတော့ ကိုဗစ်ရောဂါ ကင်းစင်သွားပေမယ့် ဆေးရုံတက်ပြီး ဆေးကုသမှုခံယူရဦးမယ် ဆိုပြီးတော့ သူ့ရဲ့ကျန်းမာရေးအခြေအနေကို ပြောပြလာပါတယ်။ ပရိသတ်တွေကို ဟာဒယရွှင်ဆေး အမြဲတိုက်ကျွေးလေ့ရှိတဲ့ လူရွှင်တော်ကြီး ဦးမိုးဒီကတော့ ကိုဗစ်ရောဂါ ကူးစက်ခံခဲ့ရတာကြောင့် ဧရာဝတီ ကွာရန်တင်းစင်တာမှာ ဆေးကုသမှု ခံယူနေတာဖြစ်ပါတယ်။

ဒီဇင်ဘာလ (၁၂) ရက်နေ့ ဆိုရင်တော့ ကွာရန်တင်းကနေ အိမ်ပြန်ရမှာဖြစ်ပေမယ့် သူ့ရဲ့ကျန်းမာရေး အခြေအနေအရ SSC ဆေး ရုံမှာ ဆေးကုသမှု ခံယူသွားရမယ်လို့ သိရပါတယ်။

“ ဘဘ အခု ကွာရန်တင်း ဝင်နေရတာ (၂၁) ရက် ရှိပါပြီ။ ဒီနေ့တော့ ဘဘရဲ့ ကျန်းမာရေးနဲ့ပတ်သက်ပြီး ဧရာဝတီ စင်တာမှာရှိတဲ့ ဆရာဝန်ကြီးတွေ ပါမောက္ခကြီးတွေနဲ့ ဆွေးနွေးကြတော့ မနက်ဖြန်ကို ကွာရန်တင်း ထွက်တဲ့။ ပြီးရင်ဒီကနေပြီးတော့ ရောဂါပိုး ကင်းစင် စစ်ဆေးပြီးကြောင်း လက်မှတ် ထုတ်ပေးမယ်။ အဲဒီ လက်မှတ်နဲ့ SSC ဆေးရုံကို ဆက်တက် ရမှာပါ။

နဂိုကတည်းက ဘဘမှာ နှလုံးသွေးကြောကျဉ်းတာတွေရှိတယ်။ ကျောက်ကပ် အားနည်းတာလည်း ရှိတယ်၊ သည်းခြေ ကျောက်တည်တာ၊ အသည်းမှာ အဆီဖုံးတာ ဒီရောဂါတွေရှိတဲ့အတွက် SSC မှာ ဘဘက ဆေးရုံ ဆက်တက်ရဖို့ ရှိတယ်။ သူတို့ ဆေးရုံမှာထားပြီး ဆေးကု ပေးမလား၊

ဒါမှမဟုတ် အိမ်မှာပဲ အပြင်လူနာအဖြစ် ကုပေးမလားဆိုတာ သေချာ မသိသေးဘူး။ ဘဘကို လောလောဆယ် တစ်ပတ်စာ ဆေး ပေးထားတယ်။ အဲဒီဆေးတွေ ကုန်မှ ဆေးရုံတက်ခိုင်းမလား လည်း သေချာ မသိဘူး” လို့ ဦးမိုးဒီက ပြောပြလာပါတယ်။

ဦးမိုးဒီရဲ့ ကျန်းမာရေး အခြေအနေကို သိတဲ့ ပရိသတ်တွေ ကလည်း ကျန်းမာရေးပြန်ကောင်းလာဖို့ လူမှုကွန်ယက် စာမျက်နှာတွေပေါ်မှာ ဆုတောင်းစကားတွေ ပြောထားကြပါတယ်။ ဆေးဖိုးဝါးခတွေလည်း ကူညီ ထောက်ပံ့ပေးကြတယ်လို့ ဦးမိုးဒီက ပြောပါတယ်။

” ဘဘကို ပရိသတ်တွေကစိုးရိမ်လား မစိုးရိမ်လားဆိုတာ ဆေးဖိုးဝါးခတွေလည်း ထောက်ပံ့ပေးကြတယ်။ ဂရုစိုက်ဖို့ကိုလည်း အရမ်းမှာကြတယ်။ ကျန်းမာရေးလည်း ပြန်ကောင်းချင်ပြီ။ပြီးရင် ဘဘလည်း အငြိမ့်လေး (၂) ခု၊ (၃) ခုလောက် ရိုက်ဖို့ရှိတယ်။ ရင်ထဲမှာ ရှိတဲ့ ခံစားချက်တွေနဲ့ ပြည်သူရဲ့ အချစ်ကို ရယူချင်သေးတယ်။ ဒါလေးတော့ ရိုက်ခွင့်ပေးစေချင်ပါတယ်”လို့လည်း ဆက်လက် ပြောပြ လာပါတယ်။

ဦးမိုးဒီကိုတော့ လူရွှင်တော် တစ်ယောက်အဖြစ် အငြိမ့်၊ ပြဇာတ် တွေကနေတဆင့် ပရိသတ်တွေ စတင် အားပေးခဲ့ကြတာပါ။ အဲဒီနောက် ဇာတ်ကားတွေလည်း ရိုက်ကူးလာခဲ့ရပါတယ်။ တီဗီကြော်ငြာ တွေလည်း အများကြီး ရိုက်ကူးထားသူ တစ်ယောက်ပါ။

သူ့ရဲ့ အနုပညာ သက်တမ်းကလည်း နှစ်ပေါင်း ၄၀ ကျော် ရှိပြီဖြစ်ပါတယ်။ သားဖြစ်သူကောင်းစံကလည်း အနုပညာလောကမှာ လူရွှင်တော် တစ်ယောက်အဖြစ်သာမက ဟာသ သရုပ်ဆောင် အနေနဲ့ ပါ ဇာတ်ကားတွေ ရိုက်ကူးနေတာကို တွေ့ရပါတယ်။ Source ; Duwun

Add a Comment

Your email address will not be published. Required fields are marked *