နိုဘယ်ဆုရှင် တစ်ဦးပြောပြတဲ့ ” ဘာကြောင့် အရှေ့တောင်အာရှ နိုင်ငံတွေကနေ နိုဗယ်ဆုရှင် မပေါ်ထွက်ရတာလဲ ” ဆိုတဲ့ မေးခွန်းရဲ့အဖြေ

နိုဘယ်ဆုရှင် တစ်ဦးပြောပြတဲ့ ” ဘာကြောင့် အရှေ့တောင်အာရှ နိုင်ငံတွေကနေ နိုဗယ်ဆုရှင် မပေါ်ထွက်ရတာလဲ ” ဆိုတဲ့ မေးခွန်းရဲ့အဖြေ

၂၀၀၈ ခုနှစ်လောက်က ထင်တယ်။ သိပ္ပံပညာနဲ့ နိုဘယ်ဆု ရတဲ့အမေရိကန် နိုင်ငံဖွား ဂျပန်လူမျိူး တစ်ယောက် စင်ကာပူကို ရောက်လာ ခဲ့ပါတယ်။ သူ့ကို စင်ကာပူ အစိုးရက စရိတ်အကုန်ခံပြီး ဖိတ်ကြား ခဲ့တာပါ။ သူ့ရဲ့ နိုဘယ်ဆု ရအောင် ဘယ်လို ကြိုးစားခဲ့ရတယ်ဆိုတဲ့ အကြောင်း စင်ကာပူ လူငယ်လေးတွေကို ပြောပြပေးဖို့ပါ။

သူ့ဟောပြောပွဲကို စင်ကာပူအစိုးရ တက္ကသိုလ်တစ်ခုဖြစ်တဲ့NUS တက္ကသိုလ်မှာ ပြုလုပ်ပါတယ်။ စင်ကာပူတက္ကသိုလ် ပေါင်းစုံက ဆ ရာ ၊ ဆရာမ၊ ကျောင်းသား၊ ကျောင်းသူတွေ တက်ရောက် နားထောင် ကြပါတယ်။

သူက ဟောပြောပြီးသွားတော့ မေးခွန်းမေးစရာရှိရင် မေးပါလို့ဖိတ် ခေါ်ပါတယ်။ ပရိသတ်က တစ်ယောက် တစ်ခွန်း မေးကြတယ်။ သူကလည်း ပြန်ဖြေပေး ပါတယ်။ ဆရာတစ်ယောက်က မေးခွန်းတစ်ခုကို အခုလို မေးလိုက် ပါတယ်။

” ကျွန်တော်တို့ စင်ကာပူ နိုင်ငံကရော သိပ္ပံပညာနဲ့ နိုဘယ်ဆု ရနိုင်ဖို့ အခွင့်အလမ်း ရှိပါသလား” တဲ့။ နိုဘယ်ဆုရှင်က ခုလို ပြန်ဖြေပါတယ် ။ ” မရှိပါဘူး။ စင်ကာပူနိုင်ငံမှ မဟုတ်ပါဘူး။ အရှေ့တောင်အာရှ နိုင်ငံတွေမှာ သိပ္ပံပညာနဲ့ နိုဘယ်ဆုရှင် ဘယ်လိုမှမပေါ်နိုင်ပါဘူး” တဲ့။

အိမ်ရှင် စင်ကာပူ နိုင်ငံသားတွေလည်း မျက်စိမျက်နှာ ပျက်ကုန်ကြတယ်။ နိုဘယ်ဆုရှင်က ထပ်ပြောပါတယ်။ ” ခုလိုပြောရတာ အရှေ့တောင်အာရှ နိုင်ငံတွေမှာ အများနဲ့မတူ တစ်မူထူးခြားတဲ့ ကလေးကို မြေတောင်မြှောက်ပေးတဲ့ အကျင့် မရှိလို့ပါ။

ကလေးတစ်ယောက်ဟာ စာသင်ခန်းထဲမှာ ဆရာကို ထူးထူးဆန်းဆန်း မေးခွန်းတွေ မေးမယ်။ သာမန်ကလေးတွေနဲ့ မတူတဲ့ အပြုအမူတွေ လုပ်နေတယ်ဆိုရင် ဒီကလေးကို တခြား ကျောင်းသားတွေနဲ့ တူအောင် နေခိုင်းမယ်။

ပြောမရရင် ပြစ်ဒဏ်ပေးပြီး ဦးချိုးကြတယ်။ ဥပမာတစ်ခုအနေနဲ့ပြောရရင် ကြမ်းခင်းမှာ ထောင်ထွက်နေတဲ့ သံချောင်းတွေ့ရင် ကြမ်းထဲ ပြန်ဝင်သွားအောင် ပြန်ရိုက်သွင်း ပေးလိုက်တယ်။ ဒါမှ တခြားသံချောင်းတွေနဲ့ ညီသွားအောင်ပေါ့ ” တဲ့။

သူက ဆက်ပြောပါတယ်။ သူငယ်ငယ်လေးတည်းက သူ့မိဘတွေနဲ့ အတူ လိုက်ပါရင်း အမေရိကန်နိုင်ငံကို ရောက်သွားတယ်။ အဲဒီမှာ ကျောင်းတက်ခဲ့တယ်။ အမေရိကန် ကျောင်းတွေမှာ မေးခွန်းတွေ ကြံကြံဖန်ဖန်မေးတဲ့ ကလေး၊ တခြားကလေးတွေနဲ့မတူဘဲထူး ခြားတဲ့ အပြုအမူတွေ လုပ်တတ်တဲ့ ကလေးမျိုး တွေ့ပြီဆိုရင်ဆရာ၊ ဆရာမတွေက IEP ( Individualized Education Plan) တစ်ကိုယ်ရည် ပညာရေး အစီအစဉ်ချမှတ်တဲ့အဖွဲ့ကိုအကြောင်းကြား ရတယ်။

အဲဒီအဖွဲ့က တာဝန်ရှိသူတွေဟာ ကျောင်းကို ရောက်လာတယ်။ စိတ်ပညာရှင် လည်းပါတယ်။ အဲဒီကလေးကို စောင့်ကြည့်တယ်။ စကားပြော ကြည့်တယ်။ တကယ်ပဲ ဒီကလေးမှာ ထူးချွန်နိုင်တဲ့ အရည်အချင်း ရှိနေတာတွေ့ရင် အထူး အစီအစဉ်တွေနဲ့ကလေးရဲ့ အ ရည်အချင်းကို မြှင့်တင် ပေးကြတယ်။

ထူးချွန်ပညာရှင် Genius တစ်ယောက်ဖြစ်လာအောင် မြေတောင်မြှောက် ပေးကြတယ် ။ ဒါကြောင့်လည်း ကမ္ဘာပေါ်မှာ နိုဘယ်ဆုရှင် အများဆုံးထွက်တာ အမေရိကန် နိုင်ငံကပါပဲလို့ ရှင်းပြသွားပါတယ်။ လေးစားစွာဖြင့် ခရက်ဒစ် ( ဗန်းမော်သိန်းဖေ။မျှဝေလိုသော အတွေးများ။ စာ – ၉၁ )