အမေဇုံတောနက်အတွင်း၌ လွန်ခဲ့သောနှစ်ပေါင်း တစ်သောင်းကျော်ခန့်က ရှေးဟောင်းဂူအောင်းလူတွေရဲ့ နံရံဆေးပန်ချီတွေကို မိုင်နဲ့ ချီကာတွေ့ရှိ

အမေဇုံတောနက်အတွင်း၌ လွန်ခဲ့သောနှစ်ပေါင်း တစ်သောင်းကျော်ခန့်က ရှေးဟောင်းဂူအောင်းလူတွေရဲ့ နံရံဆေးပန်ချီတွေကို မိုင်နဲ့ ချီကာတွေ့ရှိ

သမိုင်းတစ်ခုမှာ အရေးပါအရာရောက်တဲ့ ရှာဖွေတွေ့ရှိမှုအဖြစ် အ မေဇုံတောအတွင်းမှာ ရှေးခေတ် လူသားတွေ ရေးဆွဲခဲ့တဲ့ ကျောက်နံရံဆေးရေး ပန်းချီတွေကို သိပ္ပံပညာရှင်တွေက ရှာဖွေတွေ့ရှိ ခဲ့ပါတယ် ။ ထူးခြားချက် ကတော့ ဆေးရေပန်းချီ နံရံကြီးရဲ့အရှည်ဟာ (၈) မိုင်အထိ ဖြစ်ပြီး၊ လွန်ခဲ့တဲ့နှစ်ပေါင်း တစ်သောင်းကျော်က ရေးခဲ့တဲ့ ပန်းချီတွေကို အကောင်း ပကတိအတိုင်း တွေ့ရတာ ဖြစ်ပါတယ် ။

တိတိကျကျဆိုရလျင် ဒီပန်းချီတွေဟာ လွန်ခဲ့တဲ့ နှစ်ပေါင်း ၁၂၅၀၀ က ဖြစ်ပါတယ်။ တွေ့ရှိတဲ့ နေရာကတော့ ကိုလံဘီယာပိုင်နက် အမေဇုံ တောနက်ကြီးထဲ အဝင်အပါဖြစ်တဲ့ မိုးသစ်တောကြီးထဲမှာပါ။ ဒီတွေ့ရှိမှုကြောင့် သမိုင်းဦး လူသားတွေဟာ ဘယ်မှာစတင် အခြေတည်ခဲ့တယ်ဆိုတဲ့ ကနဦး ယူဆချက်တွေကိုတောင် ပြောင်းပြန် လှန်နိုင်စွမ်း ရှိနေပါတယ်။

ရေးဆွဲထားတဲ့ ပန်းချီတွေထဲမှာ ကွယ်ပျောက်မျိုးသုဉ်း သွားပြီဖြစ်တဲ့ သားရိုင်း တိရစ္ဆာန်တွေရဲ့ ပုံတွေလည်း ပါဝင်နေတယ်လို့ သိရပါတယ်။ ဆွဲထားတဲ့ ပန်းချီတွေထဲမှာ ရေခဲခေတ်က လက်ကျန် သတ္တဝါတွေထဲမှာ Mastodon လို့ခေါ်တဲ့ ဆင်ကြီးမျိုးနွယ်တွေ Palaeolama လို့ခေါ်တဲ့ ကုလားအုတ်ရဲ့ အစောပိုင်း မျိုးနွယ် တွေရဲ့ ပုံတွေလည်း ပါဝင်ပါတယ်။

တချို့သော ပန်းချီ လက်ရာတွေဟာ လက်ရာမြောက်လွန်းပြီး၊ သမိုင်းဦးခေတ်က ကြီးနိုင်ငယ်ညှဉ်း ဝါဒအပြင် စုပေါင်း အမဲလိုက်ခြင်း တွေနဲ့ အိမ်ယာတည်ထောင်ခြင်း၊ စိုက်ပျိုးရေး လုပ်ငန်း အစောပိုင်းနဲ့ ထိုခေတ် ထိုအခါက လူသားတွေရဲ့ အကြောက် တရားတွေ၊ ယင်းကို အခြေခံ ဖြစ်ပေါ်လာတဲ့ ကိုးကွယ် ယုံကြည်မှု၊ အကြီး အကဲတွေကို လေးစားမှု တွေကအစ လေ့လာခွင့် ရခဲ့ပါတယ်။

လက်ရှိအချိန်မှာတော့ ကောက်ချက် အသစ်တွေ ထွက်ပေါ်လာခဲ့ပြီး၊ အမေဇုံသစ်တောထဲမှာ ယနေ့တိုင် ရှိနေတဲ့ လူရိုင်း မျိုးနွယ်စုတွေဟာ ဆိုက်ဘေးရီယား မျိုးနွယ်တွေထဲက ကမ္ဘာ့ပထမဆုံး ရွှေ့ပြောင်းလုပ်သားတွေရဲ့ လက်ကျန်အနွယ်တွေလို့ ယူဆရပြီး ၎င်းတို့ ဟာ သမိုင်းဦးခေတ် ဘီရင်ဂီယာနယ်ကို ဖြတ်သန်းကာ ဒီနေရာ အဝန်းအဝိုင်းမှာ အခြေချနေထိုင် ခဲ့ပုံရပါတယ်။

ဒါက လွန်ခဲ့တဲ့ နှစ်ပေါင်း (၁၇၀၀၀) ခန့်ကပါ ။ ရေခဲခေတ်က ဒီနေရာတွေဟာ နှင်းထူထူ၊ တောင်တန်း အသွယ်သွယ် ရှိခဲ့ပုံပါ။ ဒါကြောင့် တချို့နေရာ တော်တော်များများဟာ လူသူ အရောက် အပေါက် အခုအချိန်ထိ မရှိသေးဘဲ၊ ဒီအချက်ကပင်လျှင် ရွှေ့ပြောင်း အခြေချသူတွေ တောင်မှမြောက်မှတစ်ဖွဲ့ချင်းဆီ ကွဲကုန်ကြတယ်လို့ ယူဆရပါတယ်။ ဒါပေမယ့် အခုအချိန်ထိတော့ ဒီပန်းချီတွေကို ဘယ်မျိုးနွယ်စုက ဆွဲခဲ့တာလည်းဆိုတာ အဖြေမရှာ နိုင်သေးပါဘူး။

သေချာတာတစ်ခုကတော့ ဒီလောက် ရှည်လျှားထွေပြားတဲ့ ပန်းချီလက်ရာတွေကို လူနည်းစုတစ်စုက ရေးဆွဲခဲ့တာ မဖြစ်နိုင်ဘဲ၊ မျိုးရိုးလိုက်၊ အသက်အရွယ် အလိုက် အစုအဖွဲ့ သဘောနဲ့ တစ်နေ့ တစ်မျိုး ရေးခဲ့ကြပုံရပါတယ်။ နောက်ပြီး ဒီနယ်မြေအဝန်းအဝိုင်းမှာ နေထိုင်ခဲ့တဲ့ လူဦးရေဟာ ထင်မှတ်မထားလောက်အောင် များလိမ့်မယ်လို့ ယူဆရပါတယ်။

ပညာရှင်တချို့တော့ Kayapo လူမျိုးစုရဲ့ မူလအရင်းခံ မျိုးနွယ်တွေက ဒီပန်းချီတွေကို ဖန်တီးခဲ့ပုံ ရကြောင်း၊ Kayapo မျိုးနွယ်စုဟာ လူဦးရေ (၈၆၀၀) ဝန်းကျင် လောက်သာ ရှိခဲ့ပါတယ်။ နောက်ပြီး အမေဇုံ ဒေသခံ လူရိုင်းမျိုးနွယ်တွေဟာ သူတို့ရဲ့ရိုးရာယဉ်ကျေးမှု ထုံးတမ်းတွေ၊ အလေ့အထတွေကို သဘာဝတရားကြီးက မဖျက် ဆီးခင်အထိ ရေးခြစ် မှတ်တမ်းတင်တဲ့ အလေ့ အထတွေ ရှိခဲ့ဟန် မတူပါဘူး။ သို့သော်လည်း ဒီအချက်က ယူဆချက် သက်သက်သာ ဖြစ်ပါတယ်။

ဒီပန်းချီတွေကို မတွေ့ခင်က ဒီဒေသမှာ အစောဆုံး ရှာဖွေတွေ့ရှိမှုအဖြစ် လွန်ခဲ့တဲ့ နှစ်ပေါင်း (၁၅၀၀) လောက်က ရှေးလူမျိုးတွေ အသုံးပြုခဲ့တဲ့ ကြွေထည်တွေ၊ မြေခွက်တွေ၊ လှံနဲ့ မြားခေါင်းတွေ သာဖြစ်ပါတယ်။အခုအချိန်ထိတော့ ဒီကိစ္စနဲ့ပတ်သက်ပြီး သုတေသန စာတမ်းမျိုး မရှိသေးဘဲ၊ ဒီအတွက် ပညာရှင်တွေ အချိန်ပေးရဦးမှာ ဖြစ်ပါတယ်။ ခရက်ဒစ်

Add a Comment

Your email address will not be published. Required fields are marked *