ကမ္ဘောဒီးယားမှာ ၁၂ တန်းကျောင်းသား အားလုံးကို စာမေးပွဲအအောင်ပေး

ကမ္ဘောဒီးယားတွင် ကိုဗစ်ကြောင့် ၁၂တန်းကျောင်းသား အားလုံးကို စာမေးပွဲအအောင်ပေး

ကမ္ဘောဒီးယားနိုင်ငံ၏ ပညာရေး၊ လူငယ်နှင့် အားကစား ဝန်ကြီးဌာနသည် နိုင်ငံအတွင်း ကိုဗစ်-၁၉ ရောဂါ ကူးစက် ပျံ့နှံ့မှုနှင့် ပတ်သက်၍ စိုးရိမ်မှုမြင့်မားလာခြင်းကြောင့် ၂၀၂၁ခုနှစ် ဇန်နဝါရီ ၁၁ ရက်တွင် စာမေးပွဲဝင်ရောက်ဖြေဆိုမည့် ၁၂ တန်း ကျောင်းသားအားလုံးကို အလိုအလျောက် စာမေးပွဲအောင်မြင်သူများအဖြစ် သတ်မှတ်ရန် ဆုံးဖြတ်လိုက်သည်။

ထို့အပြင် ကမ္ဘောဒီးယား အစိုးရသည် ယခုနှစ် နိုဝင်ဘာ ၃၀ ရက်က စာမေးပွဲ ဝင်ရောက်ဖြေဆိုခဲ့သည့် ၉ တန်း ကျောင်းသား အားလုံးကိုလည်း စာမေးပွဲအလိုအလျောက် အောင်မြင်သူများအဖြစ် သတ်မှတ်ခဲ့ကြောင်း ဆင်ဟွာသတင်းဌာနမှ ယနေ့ကြေညာချက်အရ သိရသည်။

ဝန်ကြီးချုပ် ဆမ်ဒက်ဟွန်ဆန်၏ ယခုနှစ် ပညာသင်နှစ် အတွင်း အထက်တန်းနှင့် အလယ်တန်းကျောင်းသားများ၏ စာမေးပွဲအတွက် မြင့်မားသော ထောက်ခံချက်နှင့် အညီ ပညာရေး၊ လူငယ်နှင့်အားကစား ဝန်ကြီးဌာန အနေဖြင့်စာမေးပွဲဖြေဆိုရန် မှတ်ပုံတင်ထားသော ကျောင်းသားအားလုံးကို အောင်ချက်အဆင့်မပါဘဲ အလိုအလျောက် အောင်ခွင့်ပြုရန် ဆုံးဖြတ်ခဲ့ခြင်းဖြစ်ကြောင်း ပညာရေးဝန်ကြီး ဟန်ချွန်နာရွန်၏ လက်မှတ်ဖြင့် ထုတ်ပြန်သည့် ကြေညာချက်တစ်ရပ်တွင် ဖော်ပြထားသည်။

ကမ္ဘောဒီးယားနိုင်ငံ၌ ယခုနှစ် ပညာသင်နှစ်တွင် စာမေးပွဲဖြေဆိုမည့် အထက်တန်းကျောင်းသားပေါင်း ၁၂၁၁၀၈ ဦးခန့်ရှိပြီး အလယ်တန်းကျောင်းသားပေါင်း ၁၅၈၇၁၇ ဦးခန့်ရှိကြောင်း ပညာရေးဝန်ကြီးဌာန၏ ထုတ်ပြန်ချက်အရ သိရသည်။ ကမ္ဘောဒီးယား ကျန်းမာရေးဝန်ကြီးဌာန၏ ယမန်နေ့ ထုတ်ပြန်ချက်အရ မြို့တော် ဖနောင်ပင်နှင့် နိုင်ငံ၏တောင်ဘက် ကန်ဒါလ်ပြည်နယ်၌ လက်ရှိအချိန် အထိ ကိုဗစ်-၁၉ ရောဂါ ကူးစက်ခံရသူ ၄၁ ဦးထက်မနည်း ရှိကြောင်း သိရသည်။ source ;The Mirror

Add a Comment

Your email address will not be published. Required fields are marked *