ရွှေတိဂုံကုန်းတော်ပေါ်မှာ နှစ်ပေါင်း ၁၀၀ ကျော်ရှိနေခဲ့တဲ့ သင်္ချိုင်းတစ်ခုအကြောင်း

ရွှေတိဂုံကုန်းတော်ပေါ်မှာ နှစ်ပေါင်း ၁၀၀ ကျော်ရှိနေခဲ့တဲ့ သင်္ချိုင်းတစ်ခုအကြောင်း

“ ရွှေတိဂုံ” မြန်မာနိုင်ငံသူနိုင်ငံသားတို့ရဲ့ အထွတ်အမြတ်ထားရာနေရာ၊ မြန်မာကိုကမ္ဘာက သိစေခဲ့တဲ့ နေရာတစ်ခု၊ ဒီလိုနေရာတစ်ခုဟာ တစ်ချိန်က မြန်မာလူမျိုးတို့ရဲ့စက်ဆုပ်ရွံရှာဖွယ်လို့ သတ်မှတ်ခဲ့တဲ့ သင်္ချိုင်းနယ်မြေတစ်ခုဖြစ်ခဲ့တယ်လို့ပြောလိုက်ရင် စာဖတ်သူတို့စိတ် အနှောက်အယှက်ဖြစ်သွားမလားတော့မသိပါ။ ဒါပေမဲ့ဟုတ်ပါတယ်၊ ရွှေတိဂုံကုန်းတော်ဟာ တစ်ချိန်က သင်္ချိုင်းတစ်ခုဖြစ်ခဲ့ဖူးပါတယ်။

အတိတ်ကိုပြန်ကောက်ရရင် ၁၈၂၄ ခုနှစ် ဒီဇင်ဘာလ ၁ ရက်နေ့ ပထမအင်္ဂလိပ်- မြန်မာစစ်ပွဲကာလ ရန်ကုန်စစ်မျက်နှာမှာ မြန်မာတွေရဲ့သူရဲကောင်းကြီးဖြစ်ဦးဖြစ်တဲ့ စစ်သူကြီး သတိုးသုဓမ္မမဟာဗန္ဒုလဦးဆောင်တဲ့မြန်မာတပ်တွေနဲ့ ဗိုလ်ချုပ်ကြီးဆာအာချီဘော်ကင်းဘဲလ်ရဲ့ ဗြိတိသျှတပ်တွေ ပထမဦးဆုံးအကြိမ်နဲ့ အပြင်းထန်ဆုံးတိုက်ခိုက်ခဲ့တဲ့စစ်မျက်နှာတစ်ခု အကြောင်းကိုပြန်လည်ေ ပြောပြရမှာပါ။

အဲ့ဒါကတော့ ရွှေတိဂုံတိုက်ပွဲပါပဲ၊ အဲ့ဒိနေ့မတိုင်ခင်က စစ်သူကြီးမဟာဗန္ဒုလဟာ အနောက်ဘက်စစ်မျက်နှာဖြစ်တဲ့ ရခိုင်မှာ အင်္ဂလိပ်တွေကိုအောင်ပွဲဆင်နေခဲ့ပြီး ရန်ကုန်ကိုရုတ်တရက်သိမ်းပိုက်လိုက်တဲ့ ဗြိတိသျှတပ်တွေကြောင့် ရန်ကုန်ကို အပြင်းအထန်ချီတက်လာခဲ့ပြီး ရန်ကုန်ကိုသိမ်းပိုက်ထားတဲ့ ဗြိတိသျှတပ်တွေကိုရင်ဆိုင်ဖို့ အစီအစဉ်တွေရေးဆွဲနေခဲ့ပြီး ဗြိတိသျှတို့ဘက်ကလဲ နာမည်ကျော်မဟာဗန္ဒုလကိုရင်ဆိုင်ဖို့ ရွှေတိဂုံတပ်ကို အင်အားဖြည့်တင်းနေတဲ့အချိန်ပါ။

ဒီလိုနဲ့ ၁၈၂၄ ခုနှစ် ဒီဇင်ဘာလ ၁ ရက်နေ့ နံနက်ပိုင်းမှာတော့ မြန်မာတပ်တွေဟာ ရွှေတိဂုံဘုရားကုန်းတော်ရဲ့ မြောက်ဘက်မုခ်မှာ တပ်စွဲထားတဲ့ အင်္ဂလိပ်တပ်ကို ရင်ဆိုင်ဖို့ မျက်နှာချင်းဆိုင်တပ်စွဲထားလိုက်ပါတယ်။ ဒီဇင်ဘာလ ၂ ရက်နေ့နဲ့ ၃ ရက်နေ့တွေမှာ မြန်မာတပ်တွေရဲ့တပ်မှူး ဗိုလ်ချုပ်မဟာမင်းလှရာဇာဦးဆောင်တဲ့ မြန်မာတပ်တွေဟာရွှေတိဂုံ ကုန်းတော်ကိုသိမ်းပိုက်နိုင်ဖို့ သမိုင်းဝင်တိုက်ပွဲကြီးကို စတင်ဆင်နွဲပါတော့တယ်။

အဲ့ဒိတိုက်ပွဲကတော့ မြန်မာသမိုင်းနဲ့ ဗြိတိသျှတို့ရဲ့သမိုင်းစာမျက်နှာတွေမှာ အကျယ်တဝင့်ရေးထိုးခဲ့ကြတဲ့ သွေးဆေးကန်တိုက်ပွဲကြီးပဲဖြစ်ပါတယ်။ ဒီဇင်ဘာလ ၅ ရက်နေ့မှာတော့ ဗိုလ်မှူးဆေးနဲ့ ဗိုလ်မှူးဝေါလ်ကားတို့ဟာ ဗြိတိသျှစစ်သည်အင်အား ၁၅၀၀ ခန့်ကိုဦးဆောင်ပြီး သွေးဆေးကန် အထိသိမ်းပိုက်ထားတဲ့ မြန်မာတပ်တွေကို ရုတ်တရက်ဝင်ရောက်တိုက်ခိုက်ခဲ့ပါတော့တယ်။

ဒီတိုက်ပွဲမှာ ဗြိတိသျှတပ်ခေါင်းဆောင် ဗိုလ်မှူးဝေါလ်ကား (Major Walker) အပါအဝင် အရာရှိ ၃ ဦးနှင့် တပ်သား ၂၄ ယောက်ကျဆုံးပြီး အရာရှိ၁၁ဦးနှင့် စစ်သား ၃၀၀ ခန့် ဒဏ်ရာရခဲ့တယ်လို့ ဗြိတိသျှဘက်ကမှတ်တမ်းတွေကဆိုပါတယ်။ ဒီဇင်ဘာလ ၇ ရက်နေ့မှာတော့ သွေးဆေးကန်မှာ တပ်စွဲထားတဲ့ မြန်မာတပ်တွေဟာ ကန်ဘဲ့ကိုဆုတ်ခွာခဲ့ပါတယ်။

ဒီဇင်ဘာလ ၁၅ ရက်နေ့မှာတော့ ရွှေတိဂုံကုန်းတော်ပေါ်က ဗြိတိသျှတပ်တွေဟာ ကုက္ကိုင်းမှာတပ်စွဲထားတဲ့ မြန်မာတပ်တွေကို ရုတ်တရက် ဝင်ရောက်တိုက်ခိုက်ခဲ့ပေမဲ့ တောတွင်းမှာတပ်စွဲထားတဲ့ မြန်မာတပ်တွေရဲ့နှစ်ဖက်ညှပ်တိုက်ခိုက်ခဲ့မှု့ကြောင့် အရှုံးနဲ့ရင်ဆိုင်ခဲ့ရပြန်ပါတယ်။ မြန်မာတပ်တွေဟာ အင်္ဂလိပ် တွေနဲ့ ဘတစ်ပြန်ကျားတစ်ပြန်ရင်ဆိုင်တိုက်ခိုက်နိုင်ခဲ့ပေမဲ့လည်း လက်နက်ချင်းမမျှတာကြောင့် ရေရှည်စစ်ပွဲမှာရင်ဆိုင်နိုင်ခြင်းမရှိဘဲ ၁၈၂၅ ခုနှစ် ဖေဖော်ဝါရီလ ၆ ရက်နေ့မှာတော့ ရန်ကုန်စစ်မျက်နှာကနေ ဓနုဖြူကိုဆုတ်ခွာခဲ့ရပါတယ်။

ရန်ကုန်တိုက်ပွဲကိုရှုံးနိမ့်ပြီးသွားတဲ့နောက်မှာတော့ မြန်မာတွေဟာ နိုင်ငံရဲ့အထွတ် အမြတ်ထားရာ ရွှေတိဂုံကုန်းတော်ကို ၁၈၂၆ ခုနှစ် ဒီဇင်ဘာလ ၉ ရက်နေ့ ပထမ အင်္ဂလိပ်- မြန်မာစစ်ပွဲ စစ်လျော်ကြေးပေးပြီးနောက်မှာမှ အင်္ဂလိပ်လက်ကနေ ပြန်လည်လွှဲပြောင်းရယူခဲ့ ရပါတယ်။ ဒါပေမဲ့ ဒါဟာအပြီးအပိုင်တော့မဟုတ်သေးပါဘူး ဒုတိယစစ်ပွဲ၊ တတိယစစ်ပွဲတွေကို ထပ်မံရှုံးနိမ့်ပြီးတဲ့နောက်မှာတော့ ဗြိတိသျှတွေဟာ ရန်ကုန်တစ်မြို့လုံးကို အထက်စီးကနေ မြင်နိုင်တဲ့ရွှေတိဂုံကုန်းတော်ကို ခံတပ်ကြီးအဖြစ်တည်ဆောက်တပ်စွဲခဲ့ကြပါတယ်။

ခံတပ်တည်ပြီးလူတွေတင်နေခဲ့တာမဟုတ်ပါဘူး ရွှေတိဂုံကုန်းတော်ပေါ်မှာ သင်္ချိုင်းတစ်ခု ကိုပါတည်ဆောက်ခဲ့ပါသေးတယ်။ အဲ့ဒိသင်္ချိုင်းကတော့ အင်္ဂလိပ်- မြန်မာစစ်ပွဲမှာကျဆုံးခဲ့တဲ့ ဗြိတိသျှစစ်သည်တွေရဲ့စစ်သင်္ချိုင်းဖြစ်ပြီး ဒီစစ်သင်္ချိုင်းမှာမြုတ်နှံထားခဲ့တဲ့ထင်ရှားတဲ့သူတွေ ကတော့ အမှတ် ၁၈ ဘုရင့်အိုင်းရစ်တပ်မှ ဒုဗိုလ်အာရ်ဒူရန်(Lt.R Doran)၊ အမှတ် ၈ မဒရပ် ခြေမြန်တပ်မှာ ဂျေအမ်တေလာ (J,M Taylor)နဲ့ ဝင်ချက်စတာသင်္ဘောမှ ကပ္ပတိန်စီဂျီလော့ (Captain C.G Locke)တို့ဖြစ်ပြီး ၎င်းတို့ကိုမြုတ်နှံထားတဲ့နေရာကတော့ ရွှေတိဂုံဘုရား အရှေ့မြောက်ထောင့် (တနင်္ဂနွေထောင့်)မှာပဲဖြစ်ပါတယ်။

ဒီလိုနဲ့နှစ်တွေကြာလာပြီးတဲ့နောက်မှာတော့ ခေတ်ပညာတွေတတ်လာပြီး မျက်စိပွင့် နားပွင့်ဖြစ်လာတဲ့ မြန်မာတွေဟာ ၁၉၁၉ ခုနှစ်အရောက်မှာတော့ ရွှေတိဂုံဘုရားပေါ်မှာ တပ်စွဲထားတဲ့ဗြိတိသျှတပ်ကို ဘုရာကုန်းတော်ပေါ်ကဖယ်ရှားပေးဖို့ အပြင်းအထန်တောင်းဆို လာကြတဲ့အပြင် ဘုရားပေါ်မှာဖိနပ်စီးတာကို ကန့်ကွက်ခဲ့ကြပြီး ၁၉၂၀ ခုနှစ် ကျောင်းသားသပိတ်ကြီးအုံကြွလာခဲ့ပါတယ်။

၁၉၂၉ ခုနှစ် ဇန်နဝါရီလ ၂၂ရက်နေ့ရောက်မှ ရွှေတိဂုံဘုရားကုန်းတော်ပေါ်မှတပ်စွဲထားတဲ့ ဗြိတိသျှတပ်တွေဟာ ကုန်းတော်ပေါ်က စစ်သင်္ချိုင်း ကို စစ်အခမ်းအနားကျင်းပကာ ကန်တော်မင်အင်္ဂလိပ်သင်္ချိုင်းကိုရွှေပြောင်းပေးခဲ့ပြီး ၁၉၂၉ ခုနှစ် နိုဝင်ဘာလ ၂၇ ရက်နေ့မှာတော့ ရွှေတိဂုံဘုရားကုန်းတော်ပေါ်မှာတပ်စွဲထားတဲ့ ဗြိတိသျှစစ်တပ်ဟာ ကုန်းတော်ပေါ်ကပြန်လည်ဆုတ်ခွာသွားခဲ့တာပဲဖြစ်ပါတယ်။

ဒါကြောင့် ဗြိတိသျှတွေဟာ ရွှေတိဂုံဘုရားကုန်းတော်ကို ၁၈၂၄ ခုနှစ်ကနေ ၁၉၂၉ ခုနှစ်အထိ နှစ်ပေါင်း ၁၀၀ ကျော် ခံတပ်ကောသင်္ချိုင်းပါ ပြုလုပ်ပြီးတပ်စွဲခဲ့တာပဲဖြစ်ပါတယ်။ မှတ်ချက်။ ပုံမှာ ဒုဗိုလ်ဂျိုးဆက်မောလ် (Lit. Joseph More) ရေးဆွဲခဲ့သည့် ပထမအင်္ဂလိပ်မြန်မာ စစ်ကာလ ရွှေတိဂုံဘုရားရင်ပြင် ပန်းချီကားဖြစ်ပါသည်။ မူရင်းရေးသားသူဆရာအားလေးစားစွာcrdပေးပါတယ် ။

Add a Comment

Your email address will not be published. Required fields are marked *