မြန်မာသီလရှင်တွေဟာ ဘယ်တုန်းကတည်းက စတင်ရှိခဲ့တာလဲ

မြန်မာသီလရှင်တွေ ဘယ်တုန်းကတည်းက စတင်ရှိခဲ့တာလဲ

မြန်မာနိုင်ငံမှာ သီလရှင်လို့ခေါ်တဲ့ အမျိုးသမီးသာသနာ့ ဝန်ထမ်းတွေကို ပန်း ရောင်ကိုယ်ရုံတွေနဲ့ တွဲပြီးလူသိများပါတယ် ။ သီလရှင်တွေဟာ သံဃာဦးရေရဲ့ ၁ဝ ပုံ တပုံ ခန့်ရှိပြီး ခြောက်သောင်းခန့်ရှိတယ်လို့လည်း စာရင်းတွေ အရသိရပါတယ်။ ၁၉၆၁ က သီလရှင် တစ်သောင်း မပြည့်ခဲ့ရာက အနှစ် ၅ဝ ကျော်မှာ သောင်းချီ တိုးတက်လာတာဖြစ်ပါတယ်။ ဒီသီလရှင်တွေ သာသနာသမိုင်းတလျှောက်လုံး မြန်မာပြည်မှာ ပေါ်ထွန်းခဲ့သလာ ဆိုတာကတော့ သေချာ မသိရပါဘူး။

ဆရာတော် ရဝေထွန်းရဲ့ ဘိက္ခုသာသနာနှင့် သီလရှင် သမိုင်း စာအုပ်အရ မင်းတုန်းမင်းခေတ်မှာ နန်းတွင်းက သမီးတော်တွေကို စာချပေးတဲ့ သီလရှင်ဆရာကြီး မယ်ကင်းနဲ့ မယ်နတ်ပေးတို့ အထင်အရှား ရှိနေပြီဖြစ်ပါတယ် ။မယ်ကင်းဟာ ဝိနည်းမှာထင်ရှားတဲ့ ရှမ်းကလေးကျွန်း ဆရာတော်ရဲ့ နှမဖြစ်ပြီး ဗန်းမော် ဆရာတော်ကြီးနဲ့ စာချိုးဘက်ဆိုပြီး စာပေမှာ လူသိ များပါတယ်။

ထွဋ်ခေါင်မှာ သီလချော

မယ်ကင်းကို ထွဋ်ခေါင်ဆရာတော်က သီလရှင်တွေကို သီလရှင်ပြုပေးပြီးသီလရှင်အစ ထွဋ်ခေါင်ကလို့ ဆိုရိုးရှိခဲ့ပေမယ့် အဲဒီမတိုင်ခင် ကတည်းက သီလရှင် အကြောင်း အထောက်အထားတွေ တွေ့ရတယ်လို့လည်း သမိုင်းသုတေသီ ဆရာတော်ရွှေကိုင်းသားက ရေးသားပါတယ်။ သီတင်းသုံး ယောက်ျား မိန်းမတွေကို အင်းဝဘုရင်တွေက လှူလေ့ရှိတယ်လို့လည်း လောကဗျူဟာအင်ရုံ စာတမ်းမှာ ဖော်ပြပါတယ်။

ဒီစာတမ်းဟာ အင်းဝ နန်းတွင်းဆောင်တာတွေကို ကုန်းဘောင်မင်းတွေကို ရှင်းပြတဲ့ ကျမ်းပါ ။ ၁၇၈၆ ခုရေး မောင်းထောင် သာသနာပိုင် ဆရာတော်ရဲ့ အမေးတော်ပုံ အဖြေကျမ်းမှာတော့ တောင်လေးလုံး ဆရာတော်ရဲ့ နှမနဲ့ သီတင်းသုံးတစုဟာ အဝတ်နီသစ်ခေါက်ကို ဆိုးပြီးဝတ်တယ်လို့ဆိုပါတယ်။ ကမ္ဘောဒီးယားနဲ့ ထိုင်းမှာလိုပဲ ကိုယ်ရုံဖြူနဲ့ သီလရှင်တွေလည်း မြန်မာပြည်မှာ ရှိခဲ့ပါတယ်။

သီလရှင်ကို သီတင်းသုံး ၊ သီတင်းသည် စသဖြင့် အမျိုးမျိုး ခေါ်ခဲ့ပြီး မြိတ် ထားဝယ် ဘက်မှာတော့ မိရှင်လို့ ခေါ်ကြောင်း အညာသူများ ပင်လယ်သွား စာအုပ်မှာ လူထု ဒေါ်အမာက ရေးသားပါတယ် ။ ရခိုင်မှာတော့ သူတော်မ ခေါ်တယ် ဆိုပါတယ်။ သီတင်းသည် ယောက်ျားတွေကို ဖိုးသူတော်နဲ့ အမျိုးသမီးတွေကို ဖွားသီလရှင် ခေါ်တဲ့ အလေ့လည်းရှိပါတယ်။ အဲဒီခေတ်ကသီလရှင်တွေ ဟာ ဘုန်းကြီးတွေလိုပဲ ဆွမ်းခံတတ်ကြပြီး ကိုရင်တွေ နောက်ကနေ ဆွမ်းအုပ်နဲ့ ဆွမ်းခံတာလို့လည်း သိရ ပါတယ်။

နန်းတွင်းက သီလရှင်များ

မယ်ကင်းတပည့်တွေထဲက မင်းတုန်းမင်းရဲ့ သမီးတော်တွေထဲက ပင်တိုင်စံ စလင်းစုဘုရားဟာ သီပေါမင်း နန်းတက်ပြီးနောက် သီလရှင်ဘဝ ကူး ပြောင်းသွားပါတယ်။နောက် သီပေါမင်းရဲ့ မိဖုရား ခေါင်ကြီးတပါး ဖြစ်တဲ့ စုဘုရားကြီးဟာလည်း အိန္ဒိယ က ပြန်လာပြီးနောက် မင်းကွန်းမှာ သီလရှင်ဝတ်နဲ့ အရိုးထုတ်သွားပါတယ်။

သီပေါမင်းမယ်တော် လောင်းရှည်မိဘုရားက သီလရှင် ဝတ်ခွင့်တောင်းပေမယ့် မင်းတုန်းမင်းက ခွင့်မပေးဘူး လို့လည်း ဆိုပါတယ်။မင်းတုန်းမင်း နတ်ရွာစံပြီးနောက် ကျန်ရစ်တဲ့ စိန်တုံးမိဖုရားကိုတော့ အသက်ဘေးက လွတ်အောင် သင်္ဂဇာဆရာတော်က မော်လမြိုင် ခေါ် သွားခဲ့ပါတယ်။ အဲဒီမှာ ကျောင်းကြီးဆောက်လှူပြီး သီလရှင်ဘဝနဲ့ နေသွားခဲ့တာပါ။

နောက် မင်းတုန်းမင်း သမီးတော်တပါးဖြစ်တဲ့ မြောင်လှ မင်းသမီးလည်း မင်းကွန်းမှာ သီလရှင်ဘဝနဲ့ ကွယ်လွန် သွားပြီး မင်းသမီးချောင်လို့ အခုတိုင် ကျန်ရစ်ပါတယ်။ စစ်ကိုင်း မင်းကွန်းတောင်ရိုးတွေမှာ အစောဆုံးပေါ်တဲ့ သီလရှင်ချောင်တွေက ဂူတလုံး၊ ဂူကလေး၊ သစ်ဆိမ့်၊ ဂူနီ စတဲ့ချောင်တွေပါ။သီလရှင်နေတဲ့ အဆောက် အအုံတွေကို ဇရပ်လို့ ခေါ်လေ့ရှိပါတယ်။

ပါတော်မူခါစက သီလရှင်ဝတ်တဲ့ အမျိုးသမီးတွေ အတွက် မိဘဆီက ခွင့်ပြုချက်ရဖို့ ခက်လို့ အိမ်က ထွက်ပြေးပြီး ဝတ်ရတဲ့အကြောင်းကို သီလရှင် ဆရာကြီးတွေရဲ့ ဘဝမှတ်တမ်းတွေမှာ ဖော်ပြထား ပါတယ်။သားယောက်ျားတွေ သာသနာ့ဘောင် ဝင်တာ ကို အားပေးတတ်ပေမယ့် သီလရှင်ရာသက်ပန်ဝတ်တာ ကို မကြည်ဖြူတဲ့အကြောင်း ဝတ္ထုတွေကိုလည်း ဂျာနယ်ကျော်မမလေး၊ မိုးမိုး အင်းလျား စတဲ့ မြန်မာ စာရေးဆရာမတွေက လွတ်လပ်ရေးရပြီးနောက် ရေးသားခဲ့ကြပါတယ်။ ဒီလို သီလရှင်အဖြစ်နဲ့ ရဟန်းတော်တွေကို စာပေ ပို့ချခဲ့တဲ့ ဆရာကြီးတွေလည်း ပေါ်ထွက်ခဲ့ပါတယ်။

သာသနာ့မိခင်ကြီး

ဒီထဲမှာ တိပိဋကဓရ မင်းကွန်းဆရာတော်ကြီးက သာသနာ့မိခင်ကြီး လို့ သတ်မှတ်ခေါ်ဆိုခဲ့တဲ့ အိမ်ကြီး ချောင်ဆရာကြီး ဒေါ်ဓမ္မစာရီဟာ ထင်ရှားပါတယ်။ သစ္စဝါဒီဋီကာ ကျမ်းပြု ဒေါ်ဓမ္မစာရီဟာ ဆရာတော် လောင်းလျာကို ငယ်စဉ်ကတည်းက ပြုစု စောင့်ရှောက် လာပြီး သွန်သင်ဆုံးမ လာခဲ့ တာပါ။

ဒါကြောင့် နာမည်ကြီး ဆရာတော်တွေသာ ဟောပြော ခွင့်ရတဲ့ မလွန်ဆန်လှူအသင်းတရားပွဲမျိုးမှာ ဓမ္မကထိက အဖြစ် ဒေါ်ဓမ္မစာရီ ဟောခွင့်ရခဲ့ပါတယ်။ အဲဒီခေတ်က ဆရာတော်ကြီးတွေ အချင်းချင်းတောင် မယ်ဓမ္မစာရီဆီ စာဝါလိုက်ဖူးပြီလားလို့ မေးတတ်ကြ ကြောင်း သိရပါတယ်။ရန်ကုန် ဒေါ်ဉာဏစာရီ စာသင် တိုက်က ဆရာကြီး ဒေါ်ဉာဏစာရီလည်း အမျိုးသမီး ငယ်လေးတွေကို တရားပြ ဆုံးမရာမှာ ထင်ရှားခဲ့ ပါတယ်။

ဒါကြောင့် အရင်က အိမ်က မကြည်ဖြူဘဲ သီလရှင် ဝတ်တဲ့ခေတ်ကနေ သားရှင်ပြုအလှူတွေမှာ သမီး သီလရှင်ဝတ်တာတွေလည်း ၂ဝ ရာစု နောက်ပိုင်းမှာ တွေ့လာရပါတယ်။ဒါပေမဲ့ သီလရှင်တွေကို လှူဒါန်း ရာမှာတော့ ရဟန်းတော်များနဲ့မတူဘဲ လျှော့ပေါ့ လှူတာတွေက ရှိနေဆဲ ဖြစ်ပါတယ်။ ဒါကြောင့် ဆွမ်း ကွမ်းရှားပါးတဲ့ အညာက သီလရှင်တွေကို ဒို့ဆီလိုက်ခဲ့ ဆိုပြီး မြိတ်က သီလရှင် ဆရာကြီးတပါးက ခေါ်ကြောင်း လူထုဒေါ်အမာက ရေးသားခဲ့ပါတယ်။

နောက်ပိုင်းမှာတော့ မိဘမဲ့မိန်းကလေးတွေကို ကြည့်ရှု စောင့်ရှောက်ရတဲ့ အလုပ်ကိုလည်း ဆရာကြီးတွေ တာဝန်ယူလာရပါတယ်။မန္တလေး အေးရိပ်မွန် စာသင်တိုက်က မိဘမဲ့မိန်းကလေးတွေ အကြောင်း ရိုက်ကူးထားတဲ့ ကြည်ပြာ ဇာတ်ကားဟာ ထင်ရှား ပါတယ်။စစ်ဘေးစစ်ရှောင်နဲ့ အကြောင်း အမျိုးမျိုး ကြောင့် မိဘမဲ့ဖြစ်ရတဲ့ ကလေးတွေအတွက် အစိုးရက အပြည့်အဝတာဝန် မယူနိုင်တဲ့အတွက် သာသနာဘက် က တာဝန်ယူတဲ့ ကျောင်းတွေပေါ်လာတာ ဖြစ်ပါတယ်။

အစဉ်အလာအရ မြန်မာသီလရှင်တွေကို လောကီ ကိစ္စတွေနဲ့ မပတ်သက်ဘဲ အေးဆေးတည်ငြိမ်တယ် လို့ ပြည်ပ ပညာရှင်တွေက ယူဆခဲ့ကြပေမယ့် နိုင်ငံရေး လှုပ်ရှားမှုတွေမှာ သီလရှင်တွေ ပတ်သက်မှုတွေ ရှိခဲ့ ပါတယ်။၂ဝဝ၇ ရွှေဝါရောင်လှုပ်ရှားမှုမှာ သံဃာတော်တွေ နဲ့အတူ သီလရှင်တွေလည်းပါဝင်ဆန္ဒ ပြလို့ ထိန်းသိမ်းခံရတာတွေ ရှိခဲ့ပါတယ်။နောက် မဘသ လှုပ်ရှားမှုမှာလည်း မျိုးစောင့်ဥပဒေတွေ ပြဋ္ဌာန်းဖို့ တောင်းဆိုတဲ့အထဲမှာ သီလရှင်တွေ ပါဝင်ပါတယ်။

ဒေါ်အောင်ဆန်းစုကြည်ရဲ့ မန္တလေးခရီးမှာစောင့်ကြို နှုတ်ဆက်တဲ့ သီလရှင်တွေရှိသလို သူ အကျဉ်းက လွတ်ပြီးနောက် ဆွမ်းလောင်းပွဲမှာလည်း သီလရှင်တွေ ကြွရောက် အလှူခံခဲ့ကြပါတယ်။

လွတ်လပ်ရေး မရခင်က အရှင်အာဒိစ္စဝံသကို ဘိက္ခုနီ သာသနာပြန်ထူထောင်ဖို့ ကြိုးစားသူအဖြစ် လူသိများ ခဲ့ပေမယ့် စစ်ပြီးခေတ်မှာ ဇေတဝန် ဆရာတော်က ဘိက္ခုနီ ပြန်ပေါ်သင့်ကြောင်း ကျမ်းပြုခဲ့တာကို လူသိ နည်းပါတယ်။၁၉၇ဝ ကျော်မှာတော့ တရားပြ မြန်မာ အမျိုးသမီးတယောက်က ဘိက္ခုနီပြုခွင့် တောင်းတဲ့စာ ကို အစိုးရနဲ့ဆရာတော် အပါး ၂ဝ ဆီကို ပို့ခဲ့တယ်လို့ဂျာမန်ပညာရှင် ဒေါက်တာ လိုတာမိုဆာက ရေး ပါတယ်။

ခုချိန်မှာ ရဟန်းမ ပြုတဲ့ မြန်မာအမျိုးသမီးတွေ ပြည်ပမှာ အနည်းအပါးရှိနေပြီ ဖြစ်ပေမယ့် ပြည်တွင်းမှာတော့ ခွင့်မပြုသေးပါဘူး။ဒါပေမဲ့လည်း မြန်မာပြည်ရဲ့ သာသနာ ပုံရိပ်အဖြစ် သီလရှင်တွေကို ရဟန်းတော်တွေ၊ စေတီ ပုထိုးနဲ့ ကျောင်း ကန် ဇရပ်တွေနဲ့ဆက်ပြီး တွဲသိနေကြ မှာ ဖြစ်ပါတယ် ။Crd to Oraginal

Tags:

Add a Comment

Your email address will not be published. Required fields are marked *