ပြန်မအပ်မိသော မီးသတ်ဝတ်စုံလေး တစ်စုံအကြောင်း

မင်းတို့ရိုက်လုသွားတဲ့ ဆိုင်ကယ်လေးရဲ့ပိုင်ရှင်ဟာ တိုင်းပြည်အတွက်ပေးဆပ်နေတဲ့ မီးသတ်ဝန်ထမ်းတစ်ဦးဆိုတာ မင်းတို့သိပါစေ (သို့) ပြန်မအပ်မိသော မီးသတ်ဝတ်စုံလေး တစ်စုံအကြောင်း

ရွှေဘို-မန္တလေး လမ်းပေါ်ရှိ ဆားတောင်မြို့ မီးသတ်ဦးစီးဌာန အဆောက်အအုံနှင့် မလှမ်းမကမ်း အိမ်ကလေးတစ်လုံးအတွင်း ဝှီးချဲပေါ်တွင် လူငယ်လေးတစ်ယောက် ထိုင်နေပါသည်။ အသက်(၃၀)ပင် မပြည့်သေးသည့် ထိုလူငယ်သည် မျက်နှာသွင်ပြင် တည်ကြည်လေးနက်ပြီး သန်မာသောအသွင် ဆောင်နေပါသည်။ သို့သော် သူ၏ ခန္ဓာကိုယ်ကတော့ မသန်မာနိုင်တော့။ မလှုပ်မယှက် ဝှီးချဲလေးပေါ်တွင် ငြိမ်သက်နေရသည်။ ဝှီးချဲဘေးတွင်တော့ ဆီးအိတ်တစ်အိတ် တွဲထားရသည်။

ထိုလူငယ်လေးအမည်က ကိုထက်ပိုင်ဦးဟု အမည်ရပါသည်။ အသက်ကတော့ (၂၈) နှစ်သာ ရှိသေးသည်။ အသက်ကသာ ငယ်သော်လည်း ရာထူးတာဝန် မငယ်ခဲ့ပါ။ လက်ထောက်မီးသတ်ဦးစီးမှူးအဆင့်ထိ တာဝန်ထမ်း ဆောင်ခဲ့ဖူးသူဖြစ်သည်။ သို့သော် တစ်ချိန်ကဖြစ်သည်။ အခုတော့ သူ့မှာ ဘာရာထူး၊ ဘာနေရာမှ မရှိရှာတော့။ သူ့အတွက် တစ်ခုတည်းသောနေရာမှာ သူထိုင်နေ သည့် ဝှီးချဲလေးသာဖြစ်သည်။ သူ ဝှီးချဲလေးပေါ် ထိုင်နေရသည်မှာ ကြာချေပြီ။ တိတိကျကျဆိုရင်လျှင် သုံးနှစ်တင်းတင်း ပြည့်ခဲ့ပါ လေပြီ။

ကိုထက်ပိုင်ဦးက လက်ရှိနေထိုင်သည့် ဆားတောင်ရွာ ဇာတိဖြစ်သည်။ ဖခင်က ပညာရေးဝန်ထမ်း၊ မိခင်က ဈေးရောင်း သည်။ ညီအစ်ကိုသုံးယောက်ရှိပြီး ကိုထက်ပိုင်ဦးက အကြီးဆုံးဖြစ် သည်။ ကိုထက်ပိုင်ဦးတို့မိသားစုမှာ ဝန်ထမ်း မိသားစုမို့ ချောင်ချောင် လည်လည်မရှိခဲ့။ ဖခင်ကလည်း နယ်ဝေးဒေသတွေမှာ တာဝန် သွားရောက် ထမ်းဆောင်ရတာ တွေရှိသည်။ ကိုထက်ပိုင်ဦး ဆယ် တန်းတက်မည့်နှစ်မှာ မိခင်ကြီးက ကျန်းမာရေးမကောင်းကာ ဈေး မရောင်းနိုင်။

ကိုထက်ပိုင်ဦး ကျောင်းခေတ္တထွက်ကာ ရေခဲ ချောင်းရောင်းပြီး မိခင်ဆေးဖိုးနှင့် ညီငယ်လေးတွေအတွက် ကျောင်းစရိတ်ရှာသည်။ ဆယ်ကျော်သက်အရွယ်ကလေး ဖြစ်သော်လည်း ဈေးရောင်းရမှာကို သူ မရှက်မကြောက်ပါ။ ငယ်ငယ်ကတည်းကလည်း ဖရဲသီးစိတ်လည်း ရောင်းဖူးသည်။ ပြောင်းဖူးလည်း ရောင်းဖူးခဲ့လေသည်။ မိခင်ကြီး နေကောင်းသွားမှ ကျောင်းပြန်တက်ကာ ဆယ်တန်းဖြေပြီး ၂၀၁၀-၂၀၁၁ မှာ တက္ကသိုလ်ဝင်တန်း အောင်မြင်ခဲ့ပါသည်

တက္ကသိုလ်ဝင်တန်းအောင်တော့ အဝေးသင်တက်ကာ အလုပ်ကလေးတစ်ခုလုပ်ဖို့ပြင်သည်။ အဖေကကန့်ဘလူနယ်ဘက် တာဝန်ကျတော့ လိုက်နေရင်း ကျွန်းလှ မီးသတ်ဦးစီးဌာနမှာ ဝင်ဖို့ဖြစ်လာသည်။ အမေကလည်း မီးသတ်လုပ်ငန်းက ပရဟိတဆန်၍ သဘောကျသည်။ နောက်ဆုံး ကိုထက်ပိုင်ဦး မီးသတ်ထဲ ဝင်လိုက်သည်။ ၂၀၁၁ သြဂုတ် ၃ ရက်ကဖြစ်သည်။ သူ့အနေဖြင့်မီးသတ်ထဲ ဝင်သာဝင်လိုက်ရသည်၊ ဝါသနာပါလွန်း၍တော့ မဟုတ်။ အလုပ်အကိုင်တစ်ခုအ နေဖြင့် ဝင်ခဲ့လိုက်ခြင်းဖြစ်သည်။

သို့သော် မီးသတ်ထဲရောက် ပြီးနောက်ပိုင်း မီးသတ်လုပ်ငန်း တွေသည် ပရ ဟိတ ဆန်သည်ကို သိလာ၍ ကိုထက်ပိုင်ဦး မီးသတ်မှာ ပျော်လာသည်။ဘာပဲဖြစ်ဖြစ်သတိရပါဆိုသည့် မီးသတ်ဆောင် ပုဒ်ကို သဘောတွေ့လာသည်။ထို့ နောက် မီးသတ်တပ်သားလေး ထက်ပိုင်ဦးသည် မီးသတ်လုပ် ငန်းတွေကို စိတ်အားထက်သန်စွာ လုပ်ခဲ့ပါလေသည်။

မီးသတ်လုပ်ရင်း မီးကြီး လောင်သည့် ဖြစ်စဉ်တွေလည်း ကြုံခဲ့ရသည်။ ရေကြီးတာတွေ လည်း ကူရသည်။ လေအခါ၊မိုးအခါ လမ်းပေါ် သစ်ပင်တွေလဲ ပြိုလျှင်လည်း သူတို့မီးသတ်တွေ ပြေးကူရသည်။ ပင်ပန်းလိုက်သည်မှာ ပြောဖွယ်ရာမရှိ။ မီးသတ်သည် မပါမဖြစ်။ ကိုထက်ပိုင်ဦး ပျော်ပါသည်။

ကျွန်းလှကနေတစ်ဆင့် ချောင်းဦးကို ပြောင်းရသည်။ ၂၀၁၅ မှာ စာမေးပွဲဝင် ဖြေသည်။ ဒုရဲအုပ် သင်တန်းခြောက်လ၊ မီးသတ်အရာရှိသင်တန်း သုံးလ တက်ရသည်။ ၂၀၁၆ မှာ သူ မီးသတ်လက်ထောက်ဦးစီးမှူး ရာထူးတိုးမြှင့်ခြင်းခံခဲ့ရသည်။ သူမင်းဘူးကို ပြောင်းရသည်။ မင်းဘူးမှာ တစ်နှစ်နှင့်ရှစ်လ တာဝန်ထမ်းဆောင်ပြီး ဘုတလင်မြို့နယ်ကို ပြောင်းရသည်။ ဘုတလင်ရောက် ပြီး တော့ သူဘွဲ့လည်းရပြီးသလို အိမ်ထောင်လည်း ကျနေခဲ့ပြီဖြစ်သည်။ ရာထူးလေးလည်းရှိလာ၊ မိသားစုနှင့် ဘာနှင့်ဆိုတော့ ကိုထက်ပိုင်ဦးဘဝက ပျော်ရွှင်စရာပင်။ သို့သော် ထိုပျော်ရွှင်မှုတွေက ရေရှည်မခံခဲ့ပါ။

သူ့ဘဝကို ပြောင်းပြန်လှန်ပစ်ခဲ့သော ထိုနေ့ကိုဖြင့် ကိုထက်ပိုင်ဦး ဘယ်လို မှ မေ့လို့ရမည် မဟုတ်။ ထိုနေ့က ၂၀၁၆ ဒီဇင်ဘာ၃၁ ရက် ည၊ နှစ်သစ်ကူးညဖြစ် သည်။ ထိုညက ဘုတလင်ထွေ အုပ်ရုံးကနေ ညစာစားပွဲတစ်ခုကျင်းပရန်ရှိနေသည်။ ရပ်ကျေး အုပ်ချုပ်ရေးမှူးများ ရွေးချယ်ရာ တွင် ပါဝင်ကူညီခဲ့ကြသည့် အဖွဲ့အစည်းအသီးသီးအား ဂုဏ်ပြုကြ ခြင်းဖြစ်သည်။

ကိုထက်ပိုင်ဦးတို့ မီးသတ် ဦးစီးဌာနကိုလည်း တစ်ယောက် တက်ရောက်ပေးရန် ဖိတ်ကြားခံရသည်။ ဖြစ်ချင်တော့ ကိုထက်ပိုင် ဦး အထက်အရာရှိက မ အား၍ မင်းသွားတက်လိုက်တော့ဟု ပြောသည်။ သို့ဖြင့် ကိုထက်ပိုင်ဦး ညပိုင်းတွင် ထွေအုပ်ရုံး ညစာစားပွဲ တက်ခဲ့ပါသည်။

ညစာစားပွဲအပြန် ထိုညကမိုးလည်း နည်းနည်းရွာနေခဲ့သည်။ ည၉နာရီလောက်မှာ ပွဲသိမ်းပြီး ကိုထက်ပိုင်ဦး သူ့ဆိုင်ကယ်လေးဖြင့် ပြန်လာခဲ့သည်။ သို့ သော် ထွေအုပ်ရုံးကအပြန် သူဘာတွေဆက်ဖြစ်ခဲ့သည်ဆိုတာကိုတော့ သူကိုယ်တိုင်မသိတော့။ သူအရာအားလုံး ခေါင်းထဲမှာ လွတ်ထွက်သွားခဲ့သည်။သူရက် ပေါင်းများစွာ လွင့်မျောနေခဲ့သည်။ သူသတိရလာတော့ မန္တလေးဆေးရုံကြီးအထူးကြပ်မတ်ကုသဆောင်ထဲမှာ ရောက်နေခဲ့သည်။ ပြီးတော့ သူနိုးလာသည့်နေ့သည် ၂၀၁၇ ဇန်နဝါရီလပင် ကုန်ဆုံးတော့မည် ဖြစ်လေသည်။

မိသားစုဝင်တွေက ပြန်ပြောပြချက်အရ သူမေ့မြောနေသည်မှာ တစ်လနီးပါးပင် ကြာမြင့်ခဲ့ပြီတဲ့။ သူနောက်ဆုံးသတိရသည်က ထွေအုပ်ရုံးကနေပြန်လာခဲ့သည့် နှစ်ကူးညဖြစ်သည်။ နောက်တစ်နေ့ ၂၀၁၇ ဇန်နဝါရီ ၁ ရက်တွင် သူ့အား မုံရွာ-ဘုတလင် လမ်း ဘေးတစ်နေရာတွင် ဒဏ်ရာများစွာဖြင့် သတိလစ်မေ့ မြောနေသည်ကို တွေ့ခဲ့ရသည်တဲ့။ အရစ်ကျ စနစ်ဖြင့် ဝယ်ထားသော ငွေပင်မကျေသေးသည့် သူ၏စီးတော် ယာဉ် ဂျာလင်းဆိုင်ကယ်လေးမှာ ပျောက်ချင်းမလှ ပျောက်ဆုံးသွား ခဲ့သည်။ သူ အရိုက်ခံခဲ့ရခြင်းပင် ဖြစ်လေသည်။

အရိုက်ခံခဲ့ရသည့်ဒဏ်ရာ တွေကြောင့် သူခါးရိုးတွေလည်း ကျိုးသွားသည်။မိုးရေထဲပစ်ထား ခံရသဖြင့် အဆုတ်ထဲတွင်လည်း ရေတွေဝင်ခဲ့သည်။ ခါးအောက် ပိုင်း ဆီး၊ ဝမ်းနှင့် အာရုံခံစားမှုများလုံးဝမရှိတော့ဘဲ အောက်ပိုင်းတစ်ပိုင်းလုံး ဆုံးရှုံးခဲ့ရပါလေ သည်။ သူ ဆေးရုံမှာ သုံးလကြာကုသခဲ့ရပါသည်။ လေလမြောက် တွင် သူ့ဌာနက ဖုန်းဆက်သည်။ ယူနီဖောင်းများ ပြန်အပ်ရန်နှင့် အလုပ်မှ နုတ်ထွက်ပေးရန်တဲ့။ ကိုထက်ပိုင်ဦး ကျန်နေသည့်အပေါ်ပိုင်းပါ သေပြီး လူ့လောကက နေ ပျောက်ကွယ်သွားချင်စိတ်ပင် ပေါက်ခဲ့သည်။ သူချစ်သော အလုပ်ကနေ ထွက်ပေးရတော့မည် တဲ့။ သူအကြောက်အကန်ငြင်း ဆန်ခဲ့မိသေးသည်။ သို့သော် မရတော့။

သူမီးသတ်ဦးစီးဌာနကနေ နုတ်ထွက်ခဲ့ရပါသည်။ မန္တလေးတွင် သေကောင်ပေါင်းလဲ ဆေးကုသနေရသဖြင့် အမှုလည်း မဖွင့်နိုင်ခဲ့။ သူ ဆေးပင်စင်လေးများရမလား ကြိုးစားကြည့်သေးသည်။ သူ့လုပ်သက်က ရှစ်နှစ်မို့ ၁၀နှစ်မပြည့်သေး၍ မရပါတဲ့။ သူ စိတ်တွေထိခိုက်ခဲ့ရသည်။ ဌာနကနေအကျိုးတစ်စုံတစ်ရာ ပြန်မျှော်လင့် ၍တော့မဟုတ်ပါ။ သို့သော် အ ဆင်မပြေသည့် မိသားစုတစ်စုမှာ သားကြီးသြရသ သူကိုယ်တိုင်က မသန်စွမ်းဘဝ ရောက်ခဲ့ရပြီမို့ ဘဝကို ဘယ်လိုရှေ့ဆက်လျှောက်ရ မလဲတွေးကာ စိတ်တွေထိခိုက်ခဲ့ ရခြင်းဖြစ်သည်။

အိပ်ရာနှင့်ဝှီးချဲပေါ်တွင်သာ နေရသဖြင့် အိပ်ရာနာ အပူနာတွေလည်းဖြစ်သည် ။ မကြာခဏ ဆေးရုံတက် ကုသနေရသည်။ ငွေတွေလည်းကုန်သည်။ မိဘ နှင့် ညီတွေလည်း သူ့အပေါ်ကောင်းရှာသည်။ သူ့ဇနီးသည်လေးကတော့ သူဖြစ်ပြီး မကြာခင် သူ့မိဘတွေဘက် ပြန်သွားနေခဲ့သည်။ အိမ်ထောင်ရေးမှလည်း တစ်ခန်းရပ်သွားခဲ့ရသည်။

ဆေးကုသစရိတ်တွေအ တွက် ဌာနထောက်ပံ့မှုတွေ မရခဲ့သော်လည်းမိသားစုကတော့ အပြည့်အဝ တာဝန်ယူခဲ့ပါသည်။ ဂုဏ်သိက္ခာဖြင့် နေခဲ့သော ဖခင် ပညာရေး ဝန်ထမ်းကြီးမှာလည်း သူ့လုပ်ဖော်ကိုင်ဖက် ပညာရေး ဝန်ထမ်းတွေ၏ ဆေးကုသစရိတ်ကူ ညီမှုကို အားနာနာနှင့်ပင် လက်ခံခဲ့ ရသည်။ ကိုထက်ပိုင်ဦးနှင့် သင်တန်းတက်ခဲ့ကြသည့် မီးသတ်အရာရှိတွေကလည်း သူ့သတင်း ကြားသည်နှင့် စုပေါင်းကာ ဆေး ကုသစရိတ် ကူညီကြပါသည်။

သူနှင့်အတူ အပတ်စဉ်တစ်ခုတည်း အတူတက်ခဲ့ကြသည့် သူငယ်ချင်းတွေကတော့ အရာရှိ တွေဖြစ်နေပြီတဲ့။ နှစ်ပွင့်ဖြစ်သူ၊ သုံးပွင့်ဖြေရမည့် သူတွေနှင့်သူ့ မှာတော့ တစ်ပွင့်ဘဝနှင့် နိဂုံးချုပ်ခဲ့ ရသည်။ သူငယ်ချင်းတွေအတွက် ဝမ်းသာရသလို သူ့အတွက် အားငယ်ဝမ်းနည်းမှုတွေ ဖြစ်ပေါ်လာခဲ့ရသည်။

သူစိုးရိမ်သည်က မိဘတွေများမရှိတော့လျှင် သူ့ဘဝ ဘယ်လိုစခန်းသွားရပါ့မလဲဆိုသည့် အ နေအထားကို တွေးပူနေရခြင်းဖြစ်သည်။ ညီတွေကလည်းအချိန်တန် သူ့အိမ်ထောင်နှင့်သူ သူ့ မိသားစုနှင့်သူ ဖြစ်သွားလိမ့်မည်။‘‘အမေတို့ အသက်ရှိနေသေးသရွေ့တော့ ကျွန်တော် ရှင်သန်နေဦးမှာပါပဲ’’ဟု သူ တွေးမိသည်။ သူအကုန်လုံးမကောင်းတောင် ခြေထောက်လေး တစ်ချောင်း လောက် ကောင်းလိုက်လျှင် သူလုပ်စားကိုင်စား၍ ရဦးမည်ဟု တွေးမိခဲ့သေးသည်။ အခုတော့သူ့အတွက် ဆေးကုသကုန်ကျ စရိတ်တွေကများသဖြင့် မိသားစုမှာ အခက်အခဲတွေ ကြုံတွေ့နေရ သည်။

သူ့ကို ရိုက်နှက်ကာ ဆိုင်ကယ်ကိုလုပြီး လူကို မိုးရေထဲထား သွားခဲ့ကြသည့် သူတွေကိုလည်း သူ တော်တော်အံ့ဩခဲ့မိသည်။ ဆိုင်ကယ်လေး တစ်စီးအတွက် သူ့ဘဝတစ်ခုလုံး စတေးပေးခဲ့ရ သည်။ သူ့အနာဂတ်အိပ်မက်တွေ ရိုက်ချိုးဖျက်ဆီးခံခဲ့ရသည်။ လုပ် ရက်ကြပါပေ့။ သူညတွေလည်း မကြာခဏ အိပ်မက်မက်သည်။ သူယူနီဖောင်းအပြည့်အစုံနှင့် စခန်းထဲသွားလာနေသည်တဲ့။သို့ သော် ခြေထောက်မှာတော့ ကျိုးနေသည့်ပုံစံနှင့် သွားနေရသည်တဲ့။

သူနေသည့် နေအိမ်သည် ဆားတောင်မီးသတ်စခန်းနှင့် သိပ် မဝေးပါ။ အာဇာနည်နေ့လိုမျိုး ဥဩဆွဲသံကြားလိုက်ရလျှင် သူ ကြက်သီးတွေထလာခဲ့သည်။ လေမိုးကျလျှင် လမ်းပေါ်မှာ လဲပြိုကျနေသည့် သစ်ပင်တွေကို သူတို့မီးသတ် ရဲဘော်လေးတွေ မိုးထဲလေထဲ တပျော်တပါး ခုတ်ကြ၊ လှဲကြ၊ ရွှေ့ကြ၊ ပြောင်းခဲ့ကြတာတွေ သတိရသည်။ မီးသတ်ကားသံကြားလျှင် မီးသတ်ကားပေါ် ပြေးတက်ပြီး မီးသွားငြှိမ်းသတ်ခဲ့ရတာ တွေ မျက်လုံးထဲမြင်လာသည်။ ရေကြီးစဉ် အိမ်တွေ၊ လူတွေ ပြောင်းရွှေ့ပေးခဲ့တာတွေ ပြန်မြင်ယောင် လာသည်။ထို အရာတွေကို ပြန်ပြော၊ ပြန်တွေးမိတိုင်း ကိုထက်ပိုင်ဦး မျက်ရည်တွေ ပိုးပိုးပေါက် ပေါက် ကျလေသည်။

သူ့အိမ်မှာ မီးသတ်သင်တန်း တွေ တက်ခဲ့စဉ်က ဓာတ်ပုံတွေ၊ လက်မှတ်တွေ သူ အမြတ်တနိုး သိမ်းထားဆဲပင် ဖြစ်သည်။ နောက်ထပ် သိမ်းဆည်းထားတာ တစ်ခုလည်း ရှိနေပါသေးသည်။ ထိုအရာမှာ သူဝတ်ခဲ့သည့် မီးသတ်ဝတ်စုံပင်ဖြစ်သည်။ ဌာနကပြန်အပ်ခိုင်းသော်လည်း သူ ပြန် မအပ်ခဲ့ပါ။ ဒီဝတ်စုံလေးတော့ သူပိုင်ဆိုင်ခွင့်ရချင်ပါလေသည်။ ။ Source ; 7 Day

Tags:

Add a Comment

Your email address will not be published. Required fields are marked *