ခင်များတို့CDMကနေ နောက်ဆုတ်မယ်ကြံတိုင်း သန်းချီတဲ့ဂျပန်တပ်ကြီးကို ပြည်သူ့အင်အားနဲ့ အနိုင်တိုက်ခဲ့တဲ့ ဗိုလ်ချုပ်ကိုသတိရပါ

ခင်များတို့CDMကနေ နောက်ဆုတ်မယ်ကြံတိုင်း သန်းချီတဲ့ဂျပန်တပ်ကြီးကို ပြည်သူ့အင်အားနဲ့ အနိုင်တိုက်ခဲ့တဲ့ ဗိုလ်ချုပ်ကိုသတိရပါ

ကျနော့်ဘဝမှာ အလေးစားဆုံး နိုင်ငံခေါင်းဆောင်ဟာ ” ဗိုလ်ချုပ်အောင်ဆန်းပါ ။ ဖက်ဆစ်ဂျပန်တွေကို တော်လှန်ချိန်မှာ မဖြစ်နိုင်ဘူးလို့ ထင်ရတဲ့တော်လှန်ရေးကို မဖြစ်ဖြစ်အောင် လုပ်ပြသွားခဲ့တယ် ။ အဲ့ဒီတုန်းကအခု CDM ထက် အများကြီး ခက်ခဲတယ်။ ဖြစ်နိုင်ခြေ နည်းတယ်။ အားလုံးအသတ်ခံရမယ့်အရေး။

ဂျပန်ကိုတော်လှန်ရတာဟာ ကိုယ်ပါရင် မိသားစုဝင်တွေ အသက်အန္တရာယ်ထိခိုက်မှာကိုပါ သေအောင်ကြောက်ရပါတယ်။ အခုခေတ်လိုအလုပ်ပြုတ်မှာလောက် ကြောက်ရတာမျိုးမဟုတ်ဘူး လက်သည်းခွံခွာပြီး မသေမရှင် နှိပ်စက်ခံရမယ့် အန္တရာယ်မျိုးအထိ တုန်နေအောင်ကြောက်ရတာ။

အဲ့ဒီအချိန်မှာ မြန်မာလူမျိုးတွေ ကြောက်ခဲ့သလားလို့ မေးရင် လုံးဝမကြောက်ခဲ့ပဲ တတိုင်းပြည်လုံး Facebook မရှိ ၊ အချိတ်အဆက်မရှိ၊ ဘာအင်တာနက်မှမရှိပဲ ဗိုလ်ချုပ်ရဲ့ စကားတစ်ခွန်းနဲ့ ညီညီညာညာ တော်လှန်ခဲ့ကြတာပါ။ ဖက်ဆစ်ငပု တော်လှန်ရေးကာလမှာ ဗိုလ်ချုပ်က ကိုယ်ယောင်ဖျောက်ပြီးပြည်သူတွေနဲ့အတူ ဝင်တိုက်ခဲ့ရတာပါ။

ဗိုလ်ချုပ်ဆီက ဘာသတင်းစကားမှ မကြားရလည်း ပြည်သူတွေက ကိုယ့်တာဝန်ကိုယ်ကျေအောင် အနီးစပ်ဆုံး ရန်သူကိုရှာပြီး ရရာလက်နှက်နဲ့ တိုက်ပွဲဝင်ခဲ့ပါတယ်။ အသေအချာ လေ့ကျင့်ပေးထားတဲ့ စစ်ရေးဝနေတဲ့ ဂျပန် တပ်ကြီးကိုတိုက်ရာမှာ ဘာစစါသင်တန်းမှ သေချာမတက်ခဲ့ရတဲ့ ပြည်သူတွေက စိတ်ဓာတ်အင်အားနဲ့ အနိုင်ဆက်တိုက်သွားတာပါ။

သူတို့မှာတစ်ခုပဲရှိတယ် ငပုတွေကို အမြစ်ပြတ်ချေမှုန်းမယ်။ ဒါမှဒီလို ဖက်ဆစ်စနစ်ဆိုးရန်က ကိုယ့်မိသားစုကို တကယ်ကာကွယ်နိုင်မယ် ။ ဒါပဲ။ ဂျပန်တော်လှန်ရေးအောင်မြင်ရခြင်းမှာ ပြည်ပအကူ အညီပါတယ်ဆိုပေမယ့် တကယ်တော်လှန်သွားတာက ပြည်တွင်းအားနဲ့ပါ။ ဂျပန်ငပုစစ်တပ်ကြီးဆိုတာ အသေအ ကျေ နောက်မဆုတ်ပဲ ကာမိကာဇဲတိုက်တဲ့ စစ်ဘီလူးတပ်၊ အရက်စက်အကြမ်းကြုတ်ဆုံး လူသတ်ဖို့ ဝန်မလေးတဲ့ စစ်တပ်မျိုး။

ဒါတောင် မြန်မာ့ပြည်သူလူထုရဲ့ ပျောက်ကြားတော်လှန်ရေးအောက်မှာ ကျရှုံးရပါတယ်။ ကြာတော့ စိတ်ဓာတ်မာတယ်ဆိုတဲ့ ဂျပန်ငပုတွေ သွေးပျက်လာပါတယ်။ ပြည်သူတွေရှီတဲ့ ရပ်ရွာတွေကို ရှောင်ကွင်းလာရပါတယ်။ ဂျပန်စစ်တပ်က စစ်တိုက်တဲ့ဗျူဟာ ကျွမ်းကျင်တာဟာ တောထဲတောင်ထဲမှာပါ ။ မြို့ထဲရွာထဲက ပြည်သူလူထုရဲ့ တော်လှန်ရေးကျတော့ သူတို့နယ်မဟုတ်လို့ အရေးမလှပါဘူး။ မြို့ထဲရွာထဲဆိုတာ ပြည်သူလူထုရဲ့နယ်ပါ။ စစ်တို့ရဲ့သဘောမှာ ကိုယ့်နယ် မြေမှာကိုယ်သာလေ့ရှိပါတယ်။

မြို့ထဲရွာထဲကိုဝင်တာနဲ့ ပြည်သူလူထုက စိတ်ဓာတ်ရေးရာအရကို သာပါတယ်။ပြည်သူကျောထောက်နောက်ခံ မရှိတဲ့တပ်က စိတ်ဓာတ်အလိုလိုကျပါတယ်။ နောက်တစ်ခု သိထားရမှာက ဂျပန်ခေတ်မှာ ဗိုလ်ချုပ်အောင်ဆန်းကို ဂျပန်ငပုတွေဖမ်းသွားပြီ ဆိုတဲ့သတင်းတွေ ပလူပျံအောင် နေ့တိုင်းထွက်ပါတယ်။

ပြည်သူလူထုဟာ ဗိုလ်ချုပ်ရှိရှိ မရှိရှိ အောင်ပွဲရအောင် တိုက်မယ်ဆိုတဲ့ စိတ်နဲ့ အနိုင်တိုက်ခဲ့တာပါ။ ထပ်ပြောပါမယ်။ ပြည်သူလူထုဟာ ဗိုလ်ချုပ်ရှိရှိမရှိရှိအောင်ပွဲရအောင် တိုက်မယ်ဆိုတဲ့စိတ်နဲ့ အနိုင်တိုက်ခဲ့တာပါ။ အဲ့လို စိတ်ပြတ်သားအောင် ဘာဆက်လုပ်ရမယ်ဆိုတာ ဗိုလ်ချုပ်က စစ်မထွက်ခင်အတိုဆုံးမှာကြားခဲ့ပါတယ်။

”ရဲဘော်တို့… အကျယ်ချဲ့ပြီး ရှည်ရှည် မပြောချင်ဘူး။ အခု စစ်မြေပြင် ကိုထွက်ရမယ်။ ဆင်းရဲမယ်၊ ငတ်မယ်၊ အခက်အခဲတွေ နဲ့ ရင်ဆိုင်ရမယ်။ဗ မာပီပီ ဗမာ့သွေးကိုပြပါ။ အထက် ဗိုလ်များရဲ့ အမိန့်ကို နာခံကြပါ။ အထက် ဗိုလ်တွေကလဲ သာတူညီမျှ ရဲဘော်စိတ်ထားပါ။ ရဲဘော်တို့ကို ကတိပေးထား တဲ့အတိုင်း ကျုပ်ကိုယ်တိုင် ရဲဘော်တို့နဲ့အတူ ချီတက်မယ်။ ဗမာ့ရန်သူကို ချေမှုန်းကြ။ အနီးကပ်ဆုံး ရန်သူကိုရှာပြီး တိုက်ကြ။ဒါပဲ…။”

၁၉၄၅ ခုနှစ် မတ်လ ၁၇ ရက်(စနေနေ့) နံနက်ပိုင်းမှာ ဗိုလ်ချုပ်အောင်ဆန်းပြောသွားခဲ့တဲ့ အတိုဆုံးနှင့် ရှင်းလင်းထိရောက်ဆုံး စစ်ထွက်မိန့်ခွန်းပါ။ကျနော်တို့မြန်မာပြည်သူပြည်သားတွေဟာ အဆိုးဝါးဆုံးစစ်တပ်ကြီးကိုတောင် အနိုင်တိုက်ခဲ့တဲ့ မြန်မာမျိုးဆက်တွေဟာ အသက်အန္တရာယ်မရှိတဲ့ CDM လောက်တော့ မြန်မာမှန်ရင်အနိုင်မတိုက်နိုင်စရာ အကြောင်းမရှိဘူးလို့မြင်ပါကြောင်း။

“ဓမ္မသည်အဓမ္မကိုအနိုင်ရစမြဲဖြစ်သည်။” ယနေ့ကျရောက်တဲ့ ဗိုလ်ချုပ်မွေးနေ့ ကို ဤစာစုဖြင့် ဂုဏ်ပြပါတယ်။ ဗိုလ်ချုပ်မြင်ချင်ခဲ့တဲ့ မြန်မာတွေ စည်းလုံးညီညွတ်မှု၊ အပင်ပန်းဆင်းရဲခံနိုင်မှုနဲ့ မျိုးဆက်သစ်တို့အတွက်စွန့်လွှတ်အနစ်နာခံနိုင်မှုတို့ကို ပြကြပါ။ ကြိုက်သလို Share ပါ၊ Copy ယူပါ Credit ပေးစရာမလိုပါ။

“သင့်မိသားစုအနာဂတ်ရေးအတွက် CDM မှာသာပါဝင်ကူညီပါ။” ဂျပန်တော်လှန်ရေးကိုမမီလိုက်ပေမယ့် CDM မှာပါဝင်ခြင်းဖြင့် သင့်မျိုးဆက်သစ်သားမြေးတွေကို  ပြန်ပြောစရာသူရဲကောင်းပုံပြင်တစ်ပုဒ်ရမှာပါ။ ” နောက်တစ်ခါနေဘယ်တော့ထွက်မလဲကျနော်ကြည့်နေပါတယ်။” “ခင်ဗျားတို့နောက်ဆုတ်မယ်ကြံတိုင်း ဂျပန်ငပုကို ဘယ်လိုအနိုင်တိုက်ခဲ့သလဲ မမေ့ပါနဲ့။” Source ; Richard Myo Thant

Add a Comment

Your email address will not be published. Required fields are marked *