သားတွေကိုလွမ်းတဲ့အကြောင်း ရေးသားလိုက်တဲ့ ဒါရိုက်တာ ကိုပေါက်

သားတွေကိုလွမ်းတဲ့ အကြောင်းရေးသားလိုက်တဲ့ ဒါရိုက်တာကိုပေါက်

အနုပညာရှင်တွေကို တပ်မတော်က ပုဒ်မ ၅၀၅-က နဲ့ အမှုဖွင့်ထားတဲ့ ထဲမှာ ဒါရိုက်တာ ကိုပေါက်လည်း ပါဝင်ခဲ့ပါတယ်။ အခု အချိန်မှာတော့ ကိုပေါက်က ခေတ္တ၀ရမ်းပြေးအနေနဲ့ သားတွေကိုလွမ်းနေတဲ့ အကြောင်း ဖေဖော်ဝါရီလ ၂၀ ရက်က သူရဲ့ လူမှုကွန်ရက် စာမျက်နှာကနေ ရေးသားလာခဲ့တာပါ။

“ သားရေ ဖေဖေလွမ်းလို့။ ဒီအချိန်ဆို သားတွေကိုအိပ်ယာကနှိုး မျက်နှာသစ်သွားတိုက် သနပ်ခါးလူးပေးပြီး မနက်စာ ပက်ဒီရှုးဝါး နှစ်ခွက် ဖျော်ပေးနေကြ ။ ဒီအချိန်ဆို သားငယ်လေးရဲ့ ILBC Online Class သင်တဲ့အချိန် သူ့ဘေးမှာထိုင်ပြီး သားငယ်နဲ့အတူတူ သူငယ်တန်းစာတွေ ကျွန်တော်ပြန်သင်နေကြ။

You Tube အရမ်းကြည့်တဲ့ ကိုကြီးသော်ကို အော်ရ၊ ဟစ်ရနဲ့ သားအဖ နှစ်ယောက် ရေအတူတူ ချိုးနေကြ။ သားငယ်လေးက သူဆော့နေတဲ့Lego အရုပ် ကလေးတွေ ပူးနေလို့ ဒါလေးခွားပေးပါလား ပါပါးလို့ လာပြောနေကြ။ သားသားတို့ကြိုက်တဲ့ ပေါင်မုန့်ကြက်ဥကြော် စားတဲ့အချိန်စားပွဲမှာ အေအေးဆေးဆေး ထိုင်မစားပဲ ဆော့ရင်း ကစားရင်း စားနေလို့ ငြိမ်ငြိမ်စားဖို့ ကျွန်တော် အသံကြီးနဲ့ အော်ဟစ်နေကြ။

လမ်းမပေါ် သားသားတို့ စက်ဘီး ထွက်စီးရင် ကျွန်တော် ဘေးကနေ ပြေးလိုက် ပေးနေကြ ။ ဒီအချိန်ဆို ကုတင်ပေါ်မှာ သားနှစ်ယောက်နဲ့ အတူ စမတ်ဒေါင်း ချနေကြ။ သားငယ်လေးရဲ့ ဗိုက်ကိုလှန်ပြီး မုတ်ဆိပ်နဲ့ပွတ်ရင် သူအရမ်း အူတတ်လို့ တော်ပါတော့ ပါပါးရယ် အရှုံးပေးပါတယ် ပြောနေကြ။

ညအိပ်ခါနီးတိုင်း ဒီနေ့ပါပါးနဲ့ ဘယ်သူအိပ်မှာလဲ လို့မေးရင် ညီအစ်ကို နှစ်ယောက် ဗိုလ် ၊ ကျား၊ သေနတ် စွဲနေကြ။ သား နှစ်ယောက်ကို ကျွန်တော် လွမ်းနေကြ။ သားရေ ဖေဖေ လွမ်းတယ်။ ကိုပေါက် ( ခေတ္တ ၀ရမ်းပြေး )” လို့ လူမှုကွန်ရက် စာမျက်နှာကနေ ရေးသားထားတာပါ။ Source ; Pyi Myanmar

Add a Comment

Your email address will not be published. Required fields are marked *