၂၀၁၁ ဂရိဆန္ဒပြပွဲများတွင် လူထုဘက်က ရပ်တည်ပေးခဲ့ပြီး ကမ္ဘာကျော်ခဲ့တဲ့ ခွေးလေး လူကာနီကိုစ်

၂၀၁၁ ဂရိဆန္ဒပြပွဲများတွင် လူထုဘက်က ရပ်တည်ပေးခဲ့ပြီး ကမ္ဘာကျော်ခဲ့တဲ့ ခွေးလေး လူကာနီကိုစ်

လွန်ခဲ့တဲ့ ၁၀ နှစ်၊ ၂၀၁၁ တုန်းက ဂရိနိုင်ငံမှာ လူထုအုံကြွမှုကြီး ဖြစ်ခဲ့ပါတယ်။ နိုင်ငံရဲ့စီးပွားရေး ချွတ်ခြုံကျလာမှုကြောင့် နိုင်ငံခြားချေးငွေများနှင့်အတူ ပြည်တွင်း အလုပ်အကိုင် အခွင့်အရေးများ နည်းပါးလာခြင်း၊ အခွန်နှုန်းထားများ အဆမတန် မြင့်တက်လာခြင်း၊ ကုန်ဈေးနှုန်းများ တက်လာခြင်းစတဲ့အကြောင်းအရာများကြောင့် ဂရိပြည်သူတွေ လမ်းပေါ်ထွက်ခဲ့ ကြပါတော့တယ်။အ ဆိုပါ ဆန္ဒပြပွဲများသည် ၅.၅.၂၀၁၀ မှ ၁၈.၁၀.၂၀၁၂ အထိ ဂရိနိုင်ငံ အနှံ့အပြားမှာ ဖြစ်ပွားခဲ့တာဖြစ်ပါတယ်။

ထူးခြားချက်အနေနှင့် အေသင်မြို့ရဲ့ လမ်းမတွေထက်က ဆန္ဒပြပွဲတွေမှာ လူသားများသာမက လမ်းဘေးခွေးလေးတစ်ကောင်လည်း ပါဝင်နေတာကို မီဒီယာများက သတိထားမိလာခဲ့ကြပါတယ်။

အဆိုပါ ခွေးထီးလေးရဲ့ နာမည်က Loukanikos လူကာနီကိုစ် (ဂရိလို ဝက်အူချောင်းလေး) လို့ ခေါ်ပါတယ်။ အခြားနာမည်အနေနှင့် “သီယိုဒေါ” လို့လည်း ခေါ်ကြသလို ၊ Louk လို့လည်း ခေါ်ကြပါတယ်။ မျိုးရင်းကတော့ Ginger Mongrel အမျိုးစပ်လေးဖြစ်ပါတယ်။ အဆိုပါ ဆ န္ဒပြပွဲဖြစ်ချိန်မှာ အသက် ၇ နှစ်အရွယ် ဖြစ်ပါတယ်။

၂၀၁၁ စက်တင်ဘာလထဲမှာ ဆန္ဒပြသူတွေကို ရဲတွေက အင်အားသုံးဖြိုခွဲချိန်မှာ လူကာနီကိုစ်လေးက ဆန္ဒပြ ပြည်သူတွေဘက်က ရပ်တည်ပေးခဲ့ရာကနေ နာမည်စတင် ကြီးလာခဲ့ပါတော့တယ်။

စစချင်းကတော့ လူအုပ် ၂ အုပ်ကြား ဘယ်ဘက်ကမှ မပါသေးပဲ ကြည့်နေသေးတာပါ။ နောက်ပိုင်းမှာ အင်အားသုံး ဖိနှိပ်ခံနေရတဲ့ လူအုပ်ဘက်က ဝင်ပါမယ်လို့ လူကာနီကိုစ် ဆုံးဖြတ်လိုက်ပုံပေါ်ပါတယ်။ အဲဒီမှာတင် အရိုက်ခံနေရတဲ့ ပြည်သူတွေဘက်ကနေ ရဲတွေကို ပြန်ဟောင်ပေးပါတော့တယ်။

မီးခိုးဗုံးများ ၊ မျက်ရည်ယိုဗုံးများ၊ မီးတောက်များကြား၊ သေနတ်သံများကြားတွင်လည်း မကြောက်မရွံ့ပဲ ရှေ့ဆုံးကနေ ပြေးဝင်ပြီးရဲတွေကို ရန်တွေ့ပေးတာမျိုးတွေလည်း ပြုလုပ်ခဲ့ပါတယ်။ မီးခိုးဗုံးများကို ပြေးချီပေးခြင်းများလည်း ပြုလုပ်ပေးခဲ့တယ်လို့ ဆန္ဒပြသူများက ပြန်လည်ပြောဆိုခဲ့ကြပါတယ်။

အဟိတ်တိရိစ္ဆာန်ပင်ဖြစ်သော်ငြား ကြောက်ရွံ့မှုကို ဘေးချိတ်ကာ အားနည်းသူများဘက်က ရပ်တည်မယ်လို့ ဆုံးဖြတ်ခဲ့ပုံလည်း ပေါ်ပါတယ်။ သူ့အနေနဲ့ အေးရာအေးကြောင်း ခွေးပီပီ နေလို့ရပေမယ့် ပြည်သူတွေနဲ့အတူ လုံခြုံရေးရဲတွေကို ပါဝင်တုံ့ပြန်ခဲ့တာကလည်း တကယ်ကို ထူးခြားလှပါတယ်။ တစ်ရက် နှစ်ရက်လည်း မဟုတ် နေ့စဉ်လိုလို ပါဝင်လှုပ်ရှားပေးနေတာကလည်း ထူးခြားပါတယ်။

သူကတစ်လမ်းဝင် တစ်လမ်းထွက် သွားနေရတာကိုပဲ ကျေနပ်နေတာပါ။ဆန္ဒပြပွဲ ကာလအတွင်း သူ့ကိုအတိုက်အခံ အဖွဲ့အစည်းတွေက ကျွေးမွေးပေးကာ သန့်ရှင်းရေးတွေလည်း လုပ်ပေးခဲ့ကြတယ်လို့ သိရပါတယ်။နောက်ပိုင်းမှာ လူကာနီကိုစ်လေးကို ဂရိစုံတွဲ တစ်တွဲက အပိုင်မွေးစားခဲ့ပါတယ်။ ဒါပေမယ့် သူကတော့ လမ်းပေါ်မှာပဲ နေရတာကို ပိုသဘောတွေ့နေလေ့ ရှိတယ်လို့လည်း ပိုင်ရှင်များက ပြောပြကြပါတယ်။

ဆန္ဒပြ ပြည်သူများ၏ ချစ်ခင်မှုကို ရရှိခဲ့ရုံမက ထိုးဉ်ကတည်းက လမ်းမထက် ပေါ်တွင် လူကာနီကိုစ်၏ ရုပ်ပုံများ ဂရပ်ဖစ်တီရေးဆွဲကာ ဂုဏ်ပြုမှုများလည်း ရှိခဲ့ကြပါတယ်။ ဆန္ဒပြသူတွေအတွက် လူကာနီကိုစ်လေးကို ကြည့်ပြီး စိတ်ခွန်အားယူခဲ့ရတဲ့ အချိန်တွေရှိတယ်လို့လည်း ပြောကြပါတယ်။ သူ့အတွက် ဂုဏ်ပြုသီချင်းလေးတွေလည်း ရေးစပ်ခဲ့ကြပါတယ်။ စပ်န်နိုင်ငံ မက်ဒရစ်မြို့မှာလည်း သူ့နာမည်နဲ့ Bar တစ်ခု ဖွင့်လှစ်ခဲ့ပါတယ်။ ကမ္ဘာ့ မီဒီယာများတွင် လည်း Greek Riot Dog ဆိုပြီး နာမည်ကြီးခဲ့ပါတယ်။

ထို့အပြင် ကမ္ဘာကျော် Time မဂ္ဂဇင်း၏ ၂၀၁၁ ခုနှစ်အတွက် လွှမ်းမိုးမှုအရှိဆုံး ပုဂ္ဂိုလ် ၁၀၀ စာရင်းတွင်လည်း လူကာနီကိုစ်လေးကို ထည့်သွင်းဂုဏ်ပြုခဲ့ပါတယ်။ ၂၀၁၄ ခုနှစ်မှာတော့ လူကာနီကိုစ်လေး အေးချမ်းစွာ ကွယ်လွန်သွားခဲ့ပါတယ်။ သူ့ပိုင်ရှင်ပြောပြတာကတော့ ဆိုဖာကုလားထိုင်ပေါ်မှာ အိပ်ပျော်နေစဉ် ရုတ်တရက် နှလုံးခုန်ရပ်သွားတာလို့ သိရပါတယ်။

သူ့ကို ဆေးကုပေးနေတဲ့ တိကုဆရာဝန်ကတော့ မီးခိုးဗုံးများ၊ မျက်ရည်ယိုဗုံး ဓာတုအငွေ့များကို ရက်ရှည်ကြာ ရှူရှိုက်မိရာကနေတဆင့် နှလုံးအားနည်းခဲ့ရာကနေတဆင့် လူကာနီကိုစ်လေး ယခုလို ကွယ်လွန်သွားခြင်းဖြစ်တယ်လို့ ပြောပါတယ်။ ဆန္ဒပြပွဲများအတွင်းမှာ ရဲများ၏ ကန်ကျောက်မှု ဒဏ်များကိုလည်း တော်တော်ခံခဲ့ရတယ်လို့ သူ့သခင်က ပြောပြပါသေးတယ်။ ယခုအခါ လူကာနီကိုစ်လေးကို အေသင်မြို့လယ်နားက တောင်ကုန်းတစ်ခုပေါ်ရှိ အရိပ်ကောင်းကောင်းသစ်ပင်တစ်ပင်အောက်မှာ မြှုပ်နှံထားတယ်လို့လည်း သိရပါတယ်။ ကွယ်လွန်ချိန်မှာ အသက် ၁၀ နှစ်ရှိပြီဖြစ်ပါတယ်။

ဂရိ ဆန္ဒပြပွဲကာလအတွင်း တော်လှန်ရေး၏ ပြယုဂ်တစ်ခုဖြစ်ခဲ့သည့် ခွေးကလေး လူကာနီကိုစ်၊ တိရိစ္ဆာန်ပင်ဖြစ်သော်ငြား အားနည်းသူဘက်က ရပ်တည်ပေးရမယ်ဆိုတာ နားလည်ပေးခဲ့တဲ့ ခွေးကလေး လူကာနီကိုစ်ကတော့ ယခုဆိုလျှင် အေးချမ်းစွာ အိပ်စက်အနားယူနေပြီဖြစ်ပါတယ်။ ကောင်းရာမွန်ရာရောက်ပါစေလို့လည်း ဂျက်ကီက ဆုတောင်းပေးပါတယ်။ Ref: BBC , The Guardian , Time magazine , wiki

Add a Comment

Your email address will not be published. Required fields are marked *