ထိုင်းတွင်ကိုဗစ်ကူးစက်လူနာသစ် ၃,၀၀၀ကျော်တွေ့ သေဆုံးလူနာ ၂၄ ဦးတိုးလာ

ထိုင်းတွင်ကိုဗစ်ကူးစက်လူနာသစ် ၃,၀၀၀ကျော်တွေ့ သေဆုံးလူနာ ၂၄ ဦးတိုးလာ

ထိုင်းနိုင်ငံ ကိုဗစ်-၁၉ ထိန်းချုပ်ရေးစင်တာမှ ယနေ့ထုတ်ပြန်ချက်အရ ပြီးခဲ့သော ၂၄ နာရီအတွင်း ကိုဗစ်-၁၉ ကူးစက်လူနာသစ် ၃,၀၅၂ ဦး တိုးလာပြီး ၎င်းတို့တွင် ပြည်ပမှ ရောက်ရှိလာသူ ၄၁ ဦး ပါဝင်ကြောင်း သိရသည်။

ဘန်ကောက်မြို့တမြို့တည်းတွင် ကူးစက်လူနာသစ် ၁,၁၉၁ ဦးတွေ့ရှိပြီး ပက်ချာဘူရီတွင် ၄၃၇ ဦးနှင့် နွန်တာဘူရီတွင် ၉၉ ဦး တွေ့ရှိသည်။ သေဆုံးလူ နာအနေဖြင့် ဘန်ကောက်တွင် ၁၃ဦး၊ ဆမွတ်ပရာခန်တွင် ၃ ဦး၊ ချင်းမိုင်နှင့် ရက်ချာဘူရီတို့တွင် ၂ ဦးစီနှင့် နွန်တာဘူရီ၊ ဆူရက်သန်နီ၊ ရာဆိုသွန်နှင့် နခွန်နာရော့ပြည်နယ်များတွင် ၁ ဦးစီ သေဆုံးခဲ့ကြောင်း သိရသည်။ သေဆုံးလူနာများမှာ အသက် ၃၁ နှစ်မှ ၉၆ နှစ်အတွင်း ဖြစ်သည်။

ပြည်ပမှ ရောက်ရှိလာပြီး အသွားအလာကန့်သတ်ထားသူ ၄၁ ဦးမှ ၃၅ ဦးမှ ကမ္ဘောဒီးယားနိုင်ငံမှ ပြန်လာသူ ထိုင်းနိုင်ငံသား ၃၅ ဦး ဖြစ်ပြီး မော်ဒိုက်လ်၊ မလေးရှား၊ ဆော်ဒီအာရေဗျနှင့် ဂျပန်တို့မှ ပြန်လာသူ ထိုင်းနိုင်ငံသား ၅ ဦးတို့ဖြစ်ကြောင်း သိရသည်။ ပြည်ပနိုင်ငံသားအနေဖြင့် ဖိလစ်ပိုင်မှ လာရောက် သော ဖိလစ်ပိုင် နိုင်ငံသား ၁ ဦးသာ ပါဝင်သည်။

ကူးစက်လူနာသစ်များ တိုးလာချိန်နှင့် တပြိုင်တည်းတွင် ဆေးရုံတက်ရောက်ကုသနေသော လူနာဟောင်းများထဲမှ ၂,၉၀၀ ဦးမှာ ဆေးရုံမှဆင်းခွင့်ရရှိခဲ့ကြောင်း သိရသည်။ ယနေ့ထပ်တိုးလူနာများကို ထပ်ပေါင်းထည့်ပါက ထိုင်းနိုင်ငံတွင် ကိုဗစ်-၁၉ကူးစက်လူနာစုစုပေါင်း ၁၂၆,၁၁၈ဦး ရှိပြီဖြစ်သည်။၎င်းတို့အနက် ၈၂,၄၀၄ ဦးမှာ ဆေးရုံမှ ဆင်းခွင့်ရရှိပြီးဖြစ်သလို လူနာ ၄၂,၉၅၅ ဦးမှ ကုသခံနေဆဲဖြစ်သည်။ ကူးစက်လူနာ ၇၅၉ ဦးမှာမူ သေဆုံးခဲ့ရသည်။

ပြီးခဲ့သော ၂၄ နာရီအတွင်း ထိုင်းနိုင်ငံအတွင်းရှိ ပြည်သူ၁၂၂,၉၆၂ ဦးကို ကိုဗစ်-၁၉ ကာကွယ်ဆေး ပထမအကြိမ် ထိုးဆေးထိုးနှံပြီးဖြစ်သလို၄၀,၃၃၁ ဦးကိုဒုတိယအကြိမ် ကာကွယ်ဆေး ထိုးနှံပြီး ဖြစ်သည်။ ထိုင်းနိုင်ငံတွင် ကာကွယ်ဆေးထိုးနှံပြီးသူ စုစုပေါင်း ၂,၈၁၁ ,၅၄၉ ဦး ရှိပြီ ဖြစ်သည်။

တကမ္ဘာလုံးအတိုင်းအတာဖြင့် ယနေ့ မနက် ၁၁ နာရီအချိန်တွင် ကိုဗစ်-၁၉ ကူးစက်လူနာ စုစုပေါင်း ၁၆၆.၄၆ သန်း ရှိပြီဖြစ်ပြီး ၁၄၇ .၂၂ သန်းမှာ ပြန်လည်ကျန်းမာလာပြီ ဖြစ်သည်။ ၁၅.၇၉ သန်းမှာ ကုသနေဆဲ အခြေအနေတွင် ရှိနေပြီး ၉၈,၁၆၉ ဦးမှာ စိုးရိမ်ရသော အခြေအနေတွင် ရှိနေသည်။Worldometer မှ အချက်အလက်များအရ တကမ္ဘာလုံးအတိုင်းအတာဖြင့် ကူးစက်လူနာများထဲမှ ၃.၄၅ သန်းမှာ သေဆုံးခဲ့ရပြီး ဖြစ်သည်။

ထိုင်းနိုင်ငံမှာ ကိုဗစ်-၁၉ ကူးစက်မှု အများဆုံး နိုင်ငံများစာရင်းတွင် အဆင့် ၉၀ တွင် ရှိနေသည်။ ထိပ်ဆုံးတွင်အမေရိကမှ ကူးစက်လူနာ ၃၃.၈၆ သန်းဖြင့် ရပ်တည်နေပြီး ၎င်း၏ နောက်တွင် အိန္ဒိယမှ ၂၆.၂၈ သန်း၊ ဘရာဇီးမှ ၁၅.၉၇ သန်း၊ ပြင်သစ်မှ ၅.၅၈ သန်းနှင့် တူရကီမှ ၅.၁၆ သန်းတို့ဖြင့် ဆက်လက်ရပ်တည်နေသည်။Source: The Nation / Photo: BBC

Add a Comment

Your email address will not be published. Required fields are marked *