အုပ်စု ၄ ပွဲကစားရာမှာ ၃ ပွဲရှုံးပြီး နောက်ဆုံပွဲမှ အနိုင်ရခဲ့သော မြန်မာအသင်း၏ အဓိက အပြောင်းလဲမျာ

အုပ်စု ၄ ပွဲကစားရာမှာ ၃ ပွဲရှုံးပြီး နောက်ဆုံပွဲမှ အနိုင်ရခဲ့သော မြန်မာအသင်း၏ အဓိက အပြောင်းလဲများ

ဘယ်အရာတွေက မြန်မာအသင်းကို အဓိက အပြောင်းအလဲဖြစ်စေခဲ့သလဲ

မြန်မာ့လက်ရွေးစင်အသင်းက ၂၀၂၂ ကာတာကမ္ဘာ့ဖလားခြေစစ်ပွဲရဲ့ ပထမဆုံးနိုင်ပွဲ ကို အုပ်စုပွဲစဉ် ၄ပွဲကစားအပြီးမှ ရခဲ့တယ်။အာရှဇုန်ခြေစစ်ပွဲအုပ်စု F ရဲ့ ပထမသုံးပွဲကစားအပြီးမှာမြန်မာအသင်းရဲ့ စွမ်းဆောင်ရည်က ရမှတ်မရှိ၊သွင်းဂိုးမရှိ၊ပွဲတိုင်းရူံး ဆိုတဲ့ ရလဒ်တွေနဲ့ အုပ်စုအောက်ဆုံးမှာ မျက်နှာ ငယ်ခဲ့ရတယ်။ မွန်တီနီဂရိုးနည်းပြ ရာဒူးလိုဗစ်လက်ထက်မှာ ကစားသမားတွေနဲ့ နည်းပြအကြား ဆက်ဆံရေးကောင်းတွေ စည်းလုံးမူကောင်းတွေမရှိခဲ့တာကြောင့် စွမ်းဆောင်ရည် အောက်ဆုံးအထိ ကျဆင်းခဲ့ရတယ်။

၃ပွဲကစားပြီးမှာ စွမ်းဆောင်ရည်ဇီးရိုးဖြစ်နေတဲ့ မြန်မာအသင်းအတွက် ကစားပုံအရ လည်း စွဲမက်ဖွယ်ရာမရှိလှတဲ့ နည်းပြ ရာဒူလိုဗစ်နဲ့ နှစ်ဦးသဘောတူလမ်းခွဲလိုက်တာကမှန်ကန်ခဲ့ပါ တယ်။ အဲဒီနောက် အာရှအားကစားပြိုင်ပွဲမှာစွမ်းဆောင်ရည်ကောင်းတွေပြသခဲ့တဲ့ မြန်မာယူ၂၃ အသင်းရဲ့ ပဲ့ ကိုင်ရှင် ဂျာမန်နည်းပြအန်တွန်နီဟေးကို မြန်မာဘောလုံးအဖွဲ့ချုပ်ကပြန်လည်ခေါ်ယူခန့်အပ်လိုက် တယ်။

မြန်မာအသင်းဟာ အန်တွန်နီဟေးလက်ထက်မှာ ရာဒူလိုဗစ်လက်ထက်ကနေနဲ့ မတူတဲ့ အသင်း သစ်တစ်သင်းလို ဖြစ်သွားခဲ့ပြီး စွမ်းဆောင်ရည်ကောင်းတချို့ပြသနိုင်ခဲ့တယ်။ နီပေါ နဲ့ ခြေစမ်းပွဲမှာ ၃ဂိုး ဂိုးမရှိနဲ့ အနိုင်ရလဒ်ရခဲ့ပြီး ရလဒ်က အရေးမပါလှပေမယ့်လည်း စိတ်ဓာတ်၊ယုံကြည် မူနဲ့ စည်းလုံးညီညွတ်မူတွေကိုရယူနိုင်ခဲ့တယ်။

တာဂျစ်ကစ္စတန်နဲ့ပွဲမှာတော့ အဲဒီ စိတ်ဓာတ်၊ယုံကြည်မူတွေကပဲ မြန်မာအသင်းနဲ့ အတူမမြင်ရတာ ကြာခဲ့တဲ့သွင်းဂိုးတွေ၊တွဲလုံးတွေကိုမြင်လာခဲ့ရတယ်။ တကယ်တော့ တာဂျစ်ကစ္စတန်ဆိုတာ အနိုင်ရ ဖို့ လွယ်ကူတဲ့အသင်းတော့မဟုတ်ပါဘူး။ သူတို့ဟာ ကာဂျစ္စတန်ကို အိမ်ကွင်းမှာ ၁ဂိုး ဂိုးမရှိနဲ့ အနိုင်ရ ခဲ့ပြီး မွန်ဂိုလီးယားကိုလည်းအဝေးကွင်းမှာ ၁ဂိုး ဂိုးမရှိနဲ့ အနိုင်ရခဲ့တယ်။ ဂျပန်အသင်းကိုတော့ အိမ်ကွင်း မှာ ၃ဂိုး ဂိုးမရှိနဲ့ ရူံးခဲ့တယ်။ကာဂျစ္စတန်လို အသင်းတောင် ဂိုးမသွင်းနိုင်ခဲ့တဲ့ ကမ္ဘာ့အဆင့် ၁၁၆ရှိတဲ့ တာဂျစ္စတန်ကို ၄ဂိုးသွင်းယူနိုင်ခဲ့တာကမြန်မာအသင်းလို ရဂိုး ဇီးရိုးဖြစ်ခဲ့တဲ့အသင်း အတွက်တော့ ချိုမြိန်စရာဖြစ်ခဲ့တယ်။

တာဂျစ်ကစ္စတန်ကို အနိုင်ရလိုက်တာက မြန်မာ့လက်ရွေးစင်အသင်းအတွက် အပေါင်းလက္ခာတွေ အများကြီးဖြစ်ပေါ်စေခဲ့တယ်။ အုပ်စုတွင်းမှာ အနိုင်သုံးမှတ်စတင်ရယူနိုင်ခဲ့ပြီး မွန်ဂိုလီးယားကို မန္တမြေ မှာလက်စားချေပြလိုက်ရင် မြန်မာအသင်းရဲ့ ရမှတ်နဲ့ အုပ်စုရပ်တည်မူအခြေအနေက မျက်နှာငယ်စရာ တော့မဟုတ်တော့ဘူးလို့ဆိုနိုင်တယ်။ တကယ်တော့ မြန်မာအသင်းကို သွင်းဂိုးတွေနဲ့ အတူ ပြောင်းလဲ စေခဲ့တာအရာက နည်းပြ နဲ့ အုပ်ချုပ်မူအဖွဲ့ဆိုတာထက် ကစားသမားတွေရဲ့ စိတ်ဓာတ်ပိုင်းနဲ့ ယုံကြည်မူက အဓိကဖြစ်စေခဲ့တာပါ။

ပွဲအပြီးမှာအောင်သူပြောသွားတယ်။ နည်းပြတိုင်းမှာ ကောင်း ကွက်တွေရှိတယ်။အဓိက က ကစားသမားတွေရဲ့ စိတ်ဓာတ်နဲ့လည်းဆိုင်တယ်။အဝေးကွင်းတွေမှာ အသက်ရှူ ရတာ ခက်ခဲတာတွေရှိလို့ အကောင်းဆုံးမကစားနိုင်ခဲ့ဘူးဆိုပြီးဖြေသွားခဲ့တယ်။အောင်သူ ပြောသွားသလိုပါပဲ ။ နည်းပြကလည်း အရေးကြီးပေမယ့် ကစားသမားတွေကိုယ်တိုင် စိတ်ပါလက်ပါ နဲ့ ယုံကြည်မူရှိရှိပေးဆပ်ကစားနိုင်မှာ ရလဒ်က ကောင်းမွန်လေ့ရှိပါတယ်။ဒါကြောင့်မြန်မာအသင်းကို ပြောင်းလဲသွားစေတာက စိတ်ဓာတ်နဲ့ ယုံကြည်မူပါပဲ။

အခုတော့ မြန်မာတစ်သင်းလုံးယုံကြည်မူတွေရှိသွားခဲ့ကြပြီ။ပရိသတ်တွေကိုလည်းပျော်ရွှင်မူတွေ ဆောင်ကျဉ်းပေးနိုင်ခဲ့ပြီ။မြန်မာအသင်းအတွက် လုပ်စရာတစ်ခုတော့ကျန်ပါသေးတယ်။ ဒါက တော့ နိုဝင်ဘာ၁၉ရက် မှာ မွန်ဂိုလီးယားအသင်းကို ပြန်လည်လက်စားချေနိုင်ဖို့ပါ။အဝေးကွင်းမှာ ခြေအသာနဲ့ ကပ်ရူံးခဲ့သည့်တိုင်အောင် လက်ရှိစိတ်ဓာတ်နဲ့ ခြေစွမ်းအရမွန်ဂိုလီးယားကို ဂိုးတွေ သွင်းနိုင်ဖို့ အကောင်းဆုံးအချိန်ရောက်ဖြစ်ပါတယ်။ နိုင်ဝင်ဘာ၁၉ရက်မှာ မွန်ဂိုလီးယားကို ချေမူန်း ပြီး ပရိသတ်တွေ မေတ္တာကို ဆက်ပြီး သိမ်းကျူုံးရယူဖို့ မြန်မာကစားသမားတွေ အဆင်သင့်ဖြစ်အောင် ပြင်ဆင်နေပါလိမ့်မယ်။

လေးစားစွာဖြင့် ခရက်ဒစ်ပေးပါတယ်ခင်ဗျာ။

Add a Comment

Your email address will not be published. Required fields are marked *