Lock Down ဖြေလျော့ပြီးတဲ့ ၂၄ နာရီအတွင်း ကူးစက်ခံရသူ ၃၀၀၀ကျော်နဲ့ သေဆုံးမှုနှုန်း စံချိန်တင်ခဲ့တဲ့ အိန္ဒိယနိုင်ငံ အခြေအနေ

Lock Down ဖြေလျော့ပြီးတဲ့ ၂၄ နာရီအတွင်း ကူးစက်ခံရသူ ၃၀၀၀ကျော်နဲ့ သေဆုံးမှုနှုန်း စံချိန်တင်ခဲ့တဲ့ အိန္ဒိယနိုင်ငံ အခြေအနေ

အိန္ဒိယနိုင်ငံတွင် ကိုရိုနာဗိုင်းရပ်စ်ရောဂါ တားဆီးရေး ကန့်သတ်ပိတ်ဆို့မှု ဖြေလျှော့ခဲ့ပြီးနောက် ၂၄-နာရီအတွင်း ၁၉၅-ဦး သေဆုံး၍ ကူးစက်ခံရသူ ၃,၉၀၀ -ဦးနီးပါး ဖြစ်ပွားခဲ့ရာ ကပ်ရောဂါကျရောက်သည့် ကာလတလျှောက် အမြင့်ဆုံး စံချိန်တင် မှတ်တမ်းတင်စရာ ဖြစ်သွားသည်။

အိန္ဒိယနိုင်ငံအတွင်း သေဆုံး-ကူးစက်ဦးရေ အများဆုံးသည် တနင်္လာနှင့် အင်္ဂါ (ယနေ့) တို့တွင် အများဆုံးဖြစ်ခဲ့ပြီး ယခုအခါ ကူးစက်ခံရမှု စုစုပေါင်း ၄၆,၄၃၃ နှင့်သေဆုံးသူ ၁,၅၆၈ ဦးဖြစ်လာကြောင်း၊ မဟာရဋ္ဌပြည်နယ်သည် လူနာပေါင်း ၁၄,၀၀၀ ကျော်ဖြင့်အဆိုးရွားဆုံးဖြစ်ကြောင်း ကျန်းမာရေးဝန်ကြီးဌာနမှ ထုတ်ပြန်သော အချက်အလက်များ အရသိရသည်။

မဟာရဌပြည်နယ်နှင့် ကပ်လျှက်တည်ရှိသော ဂူဂျာရတ်ပြည်နယ်နှင့် ဒေလီတို့သည် ဒုတိယ အမြင့်မားဆုံးဖြစ်ကြပြီး အခြားသော ပြည်နယ် ၃-ခု တို့တွင်လည်း ယခုရက်ပိုင်းအတွင်း သေဆုံး-ကူးစက်အရေအတွက် ပြန်လည်မြင့်တက်လာခဲ့သည်။ သို့သော် တစ်နိုင်ငံတွင် ပြန်လည် နလံထလာသူ ၁၂,၇၀၀ ကျော်ရှိခဲ့ရာ ရောဂါပိုးစွဲကပ်ခြင်းခံရသူ တို့၏ ၂၇ ရာနှုန်းကို ပျောက်ကင်းအောင် ကုသပေးနိုင်သည်ဟု ဆိုရမည်ဖြစ်သည်။

အိန္ဒိယနိုင်ငံသည် ကူးစက်ရောဂါဟန့်တားရန် မတ်လနှောင်းပိုင်းမှစ၍ တစ်နိုင်ငံလုံးအနှံ့အပြား တားဆီးပိတ်ဆို့ ပိတ်ဆို့ခံထားရသည်။ လွန်ခဲ့သည့် ရက်သတ္တပတ်တွင် မေလ ၁၈ ရက်နေ့အထိ ဒုတိယအကြိမ် ထပ်မံတိုးချဲ့ခဲ့သော်လည်း ဗဟိုနှင့် ဒေသဆိုင်ရာအစိုးရများအနေဖြင့် ရောဂါခြေချုပ် သက်တမ်းကာလ မကုန်ဆုံးမှီ ဈေးဆိုင်များကို ပြန်လည်ဖွင့်လှစ် ခွင့်ပြုခဲ့သည်။

မတ်လ ၂၄ ရက်မှစ၍ ပိတ်ထားခဲ့ရသော အရက်ဆိုင်များကို တနင်္လာနေ့တွင် ပထမဆုံးအကြိမ် ပြန်လည်ဖွင့်လှစ်ခွင့်ပြုခဲ့ရာ အရက်ဆိုင်နှင့် စတိုးဆိုင်များရှေ့တွင် ကြီးမားသော လူစုလူဝေးကြီးဖြစ်ပေါ်လာသည်။ စုရုံးရောက်ရှိလာသူတို့သည် Social Distancing ကူးစက်ရောဂါ ကာကွယ်ရေး လူအချင်းချင်းနီးကပ်မှုလျှော့ချသည့် စည်းကမ်းချက်များကို မလိုက်နာကြသဖြင့် ဈေးဆိုင်များ ပြန်ပိတ်လိုက် ရသည်ဆို၏။

တနင်္လာနေ့ည ကျန်းမာရေး ၀န်ကြီးဌာန၏ ကိုရိုနာဗိုင်းရပ်စ်ရောဂါဆိုင်ရာ ရှင်းလင်းချက်တွင်မူ လာမည့်အခြေအနေအတွက် အကောင်းမြင်ပြောဆိုသည်ကို တွေ့ရှိရသည်။ Lockdown တားဆီးပိတ်ဆို့ ခဲ့ရပြီးနောက် ရောဂါဖြစ်ပွားမှုမှာ ၃-၄ ရက်ကြာမျှ နှေးကွေးလျှက်ရှိခဲ့သည်ကို ထောက်ပြပြီး အခြေအနေ လိုအပ်ချက်အရ နောက်ထပ် ၁၂-ရက် ထပ်မံတိုးမြှင့်ရကြောင်း ရှင်းလင်းပြောဆိုသည်။

လူထုကျန်းမာရေး စောင့်ရှောက်မှု သိပ်မကွာသော မြန်မာ၏ အိမ်နီးချင်း အိန္ဒိယသည် ကိုရိုနာ ဗိုင်းရပ်စ်ပိုး ရှိ-မရှိ လူ ၁-သန်းလျှင် ၈၆၄-ဦး စစ်ဆေးပေးနိုင်ပြီး လူ ၁-ဦးနှုန်း သေဆုံးသည်။ ဘင်္ဂလားဒက်ရ်ှသည် ၅၆၇-ဦးနှုန်းစစ်ဆေးပေးနိုင်ပြီး လူ ၁-ဦးနှုန်း သေဆုံးလျှက်ရှိသည်။ Htay Oung (Oung Marine)

Add a Comment

Your email address will not be published. Required fields are marked *