သာမန်လခစားဘဝကနေ ဂျပန်နိုင်ငံရဲ့အကြီးဆုံး ကုမ္ပဏီပိုင်ရှင်ဖြစ်လာသူ ဘီလျှံနာသူဌေးကြီး ကာဇူအိုအီနာမီ ပြောပြတဲ့ သူ့ဘဝအတွေ့အကြုံ

သာမန်လခစားဘဝကနေ ဂျပန်နိုင်ငံရဲ့အကြီးဆုံး ကုမ္ပဏီပိုင်ရှင်ဖြစ်လာသူ ဘီလျှံနာသူဌေးကြီး ကာဇူအိုအီနာမီ ပြောပြတဲ့ သူ့ဘဝအတွေ့အကြုံ

ယနေ့ လူငယ်အတော်များများရဲ့ သူတို့အလုပ်ကို မကြိုက်ဘူး။ လစာကောင်းကောင်းမရဘူးလို့ ညီးတွားနေကြသူတွေအတွက် ဂျပန်နိုင်ငံက ဘီလျံနာသူဌေးကြီး ကာဇူအိုအီနာမီက သူ့အတွေ့အကြုံကို ခုလို ပြောပြခဲ့ပါတယ်။

ကျွန်တော် အထက်တန်းကျောင်းအောင်ပြီးတော့ ကျိုတိုမြို့က ကုမ္ပဏီအသေးလေး တစ်ခုမှာ အလုပ်ဝင်လုပ်တယ်။ အလုပ်အခြေအနေဟာ အတော်လေးကို ဆိုးပါတယ်။ ရတဲ့လစာကနည်းတယ်။ လခရတာလည်း အမြဲနောက်ကျတယ်။ ဘောနပ်စ်ဆိုတာမရှိဘူး။ အဲဒီကုမ္ပဏီမှာဆက်လုပ်နေရင် ကျွန်တော့်ဘဝအတွက် ကြီးပွားတိုးတက်လမ်း မရှိဘူးလို့ခံစားနေမိတယ်။

ဒီတော့ ကုမ္ပဏီက အလုပ်ထွက်ဖို့ စဉ်းစားလိုက်တယ်။ အစ်ကိုတိုရှီနိုရီကို အလုပ်ထွက်မယ်လို့ ပြောပြလိုက်တယ်။ အစ်ကိုကကျွန်တော့်ကို ဆူပူကြိမ်းမောင်းပြီး အလုပ်မထွက်ဖို့ ပြောတယ်။ အခုခေတ်မှာ အလုပ်တစ်ခုရဖို့ မလွယ်သလို ကျွန်တော့်လခလေးဟာလည်း မိသားစုအိမ်စရိတ်အတွက် အထောက်အကူဖြစ်နေတယ်တဲ့။ အစ်ကိုဟာ ကျွန်တော့်ရဲ့ အထက်တန်းကျောင်းစရိတ်ကို ထောက်ပံ့ပေးခဲ့သူမို့ စိတ်ထဲက မကျေနပ်ပေမယ့်လည်း သူ့စကားကို နားထောင်လိုက်ရပါတယ်။

ကျွန်တော့်မှာ ရွေးချယ်စရာ လမ်းမရှိတော့ဘူး။ ဒီကုမ္ပဏီမှာ ဆက်လုပ်နေရတော့မှာပါ။ ဒီတော့ ကျွန်တော် ဘာအပြောင်းအလဲ လုပ်ရမလဲလို့ စဉ်းစားတယ်။ ကုမ္ပဏီကို လစာတိုးပေးပါလို့ ပြောလည်း ရမှာ မဟုတ်ဘူး။ ဒီတော့ ပြောင်းလဲလို့ ရနိုင်တာ ကျွန်တော့် စိတ်တစ်ခုပဲ ရှိတယ်ဆိုတာ သိလိုက်တယ်။ အဲဒီနေ့ကစပြီး ကျွန်တော့်စိတ်နေစိတ်ထားကို ပြောင်းလိုက်တယ်။ အလုပ်ထဲမှာ ပျော်အောင် ကြိုးစားတယ်။ အလုပ်ကိုစိတ်ဝင်စားအောင် နည်းလမ်းရှာကြံစဉ်းစားပြီး လုပ်တယ်။

ကျွန်တော်ဟာ ကုမ္ပဏီရဲ့သုတေသနလုပ်ငန်းမှာ စိတ်ရောကိုယ်ပါ မြုပ်နှံပြီး လုပ်လိုက်တယ်။ ကုမ္ပဏီကဝန်ထမ်းအားလုံးဟာ အလုပ်ကိုမလေးစားကြဘဲ လခရဖို့အတွက်ပဲ သက်သာသလိုလုပ်နေကြသူတွေမို့ ကျွန်တော့်အရည်အချင်းဟာ ထင်ပေါ်လာတယ်။ ကုမ္ပဏီက လူကြီးတွေက ကျွန်တော့်ကို သတိထားမိလာကြတယ်။ ချီးကျူးကြတယ်။ သူတို့ရဲ့ ချီးကျူးမှုရလို့ ကျွန်တော်အားတက်လာပြီး အလုပ်ကို ပိုကြိုးစားလုပ်လာတယ်။

အဲဒီအချိန်က စပြီး ကျွန်တော့်ဘဝဟာ တဖြည်းဖြည်းတိုးတက်ပြောင်းလဲလာခဲ့ပါတယ်။ ရာထူးတွေတဆင့်ပြီး တဆင့်တိုးလာသလို လစာတွေလည်း အများကြီးရလာခဲ့တယ်။ နောက်ဆုံး အဲဒီကုမ္ပဏီက ထွက်ပြီး ကိုယ်ပိုင်လုပ်ငန်းလုပ်တယ်။ဂျပန်နိုင်ငံရဲ့အကြီးဆုံးကုမ္ပဏီကြီး Kyocera Corporation ရဲ့ ပိုင်ရှင်တစ်ယောက် ဖြစ်လာခဲ့တယ်။

ကျွန်တော်တစ်ခါတလေ ပြန်စဉ်းစားမိတယ်။’တကယ်လို့ငါဟာ လစာကောင်းကောင်းနဲ့ ပျော်စရာကောင်းတဲ့ ကုမ္ပဏီတစ်ခုမှာသာအလုပ်ဝင်လုပ်နေခဲ့ရင် အခု အခြေအနေမျိုးကို ရောက်လာမှာမဟုတ်ဘူး။ကုမ္ပဏီပိုင်ရှင်တစ်ယောက် ဖြစ်လာမှာ မဟုတ်ဘူး။အဲဒီအလုပ်ထဲမှာ ကျေနပ်သာယာနေရင်းနဲ့ နောက်ဆုံးတော့ ဝန်ထမ်းဘဝနဲ့ပဲ တသက်တာဘဝကို ကုန်ဆုံးသွားမှာပဲ’ လို့ပါ။

သင့်အလုပ်ထဲမှာ အခြေအနေဆိုးတွေနဲ့ ကြုံတွေ့နေရတယ်။ သင့်မှာအဲဒီအခြေအနေကို ပြောင်းလဲနိုင်တဲ့ အာဏာပါဝါမရှိဘူး။ သင်ဘာမှမတတ်နိုင်ဘူး။ ကုမ္ပဏီက ပေးသလောက် လစာပဲ ရမယ်။ ဒါဆိုရင် သင့်စိတ်ဓါတ် သင့်ခံယူချက်ကို ပြောင်းလဲကြည့်လိုက်ပါ။ အခြေအနေတွေ တိုးတက်ပြောင်းလဲလာတာကို မြင်တွေ့ရပါလိမ့်မယ်။ Kazuo Inamori ရေးတဲ့”A Passion for Success” စာအုပ်ထဲက စာတစ်ပုဒ်ကို မှီးရေးထားတာပါ။

ဗန်းမော်သိန်းဖေ

Be the first to comment

Leave a comment

Your email address will not be published.


*