မင်းတုန်းမင်းကြီး မိဖုရားများရခြင်းရဲ့ နောက်ကွယ်က အကြောင်းအရင်း

မင်းတုန်းမင်းကြီး မိဖုရားများရခြင်းရဲ့ နောက်ကွယ်က အကြောင်းအရင်း

မြန်မာရှင်ဘုရင် အများစုဟာ မိဖုရားများကြပါတယ်။ ဘာကြောင့်မိဖုရားများတာလဲ ဆိုတာကို မြန်မာမင်းအုပ်ချုပ်ပုံ (အင်ရုံစာတမ်း )မှာ စနစ်တကျ ဖော်ပြထားပါတယ်။ မင်းတုန်းမင်းက မိဖုရားအများကြီး ယူတာမဟုတ်ဘူး။သူကြိုက်လို့ယူတာ သုံး၊ လေးပါးပဲ။ မင်းတုန်းမင်းလိုပဲ သူ့ထက်မိဖုရားများတဲ့ ဘိုးတော်ဘုရား၊ ဘုရင့်နောင်တို့လည်း သူတို့ယူလို့များတာ မဟုတ်ဘူး။

မြန်မာမင်းများ အုပ်ချုပ်ပုံမှာ ဗဟိုနန်းတော်ရဲ့ လက်အောက်ခံနယ်စား၊ ရွာစား၊ မြို့စားတွေဟာ ကိုယ့်နယ်ကို ကိုယ်ပိုင် အုပ်ချုပ်ခွင့် ရတယ်။ တစ်နှစ်မှတစ်ခါ မဖြစ်စလောက် အခွန်လေးပဲ ဆက်သရတာ။ ဒီတော့ သူတို့အစဉ်အဆက် နယ်စား၊ မြို့စား ဖြစ်ရေးက သူတို့အတွက် အရေးကြီးတယ်။ နောက်တစ်ခုက နယ်စား၊ မြို့စားမင်းတွေဟာ ဘုရင်နဲ့ အမျိုးတော်ချင်ကြတယ်။ ဘုရင်နဲ့ အမျိုးတော်ရင် မျက်နှာရှိတယ်၊ ဂုဏ်ရှိတယ်၊ အရှိန်အဝါ ရှိတယ်လို့ သတ်မှတ်ထားကြတယ်။

အဲ့ဒါကြောင့် ဘုရင်ကို သမီးတော်တို့ နှမတော်တို့ ဆက်သကြတာ။ အဲ့ဒီအခါ ဘုရင့် ယောက္ခမ၊ ဘုရင့် ယောက်ဖဆို တန်းတူနယ်စား၊ မြို့စားချင်းမှာအသာစီး ရလိုတာလည်းပါတယ်။ အဲ့ဒီလို သမီး၊ နှမဆက်သရင် ဘုရင်က မငြင်းရဘူး၊ မငြင်းရတာ ထုံးစံပဲ၊ ငြင်းလိုက်ရင် ဆက်သသူက အရှက်ရပြီး ပုန်ကန်မှာ စိုးရတယ်။ ပုန်ကန်တဲ့ အခါမှာ ပုန်ကန်တဲ့သူက “ငါ့သမီး၊ ငါ့နှမ ဆက်သရဲ့သားနဲ့ ငြင်းလို့”ဆိုပြီး အကြောင်းပြနိုင်တယ်။

အဲ့ဒါကြောင့် လက်အောက်ခံ မြို့စား၊ နယ်စားတွေက သမီး၊ နှမ ဆက်သရင် ဘုရင်က လက်ခံကိုလက်ခံရတယ်။ အဲ့ဒါ အနော်ရထာမင်း ခေတ်ကနေ သီပေါမင်း ခေတ်အထိ မြန်မာမင်းတို့နှင့် သူ့လက်အောက်ခံနယ်စား၊ မြို့စားတို့ရဲ့ ဆက်ဆံ ရေးပဲ။ အဲ့ဒါအုပ်ချုပ်ရေး စနစ်တစ်ခုပဲ။ ဘုရင်အတွက်ဘာကောင်းသလဲဆိုတော့ သူ့လက်အောက်ခံ မင်းရဲ့ သမီး,နှမ ကိုယ့်လက်ထဲရှိနေတော့ အဲ့ဒီ မပုန်ကန်ရဲတော့ဘူး။ အပြန်အလှန် အကျိုးရှိ ကြတယ်။

ဘာကြောင့် မိဖုရားများလဲဆိုတော့ အဲ့ဒီလို လက် အောက်ခံတွေက ဆက်သတာများလို့ မိဖုရားများတာ၊ ကာမ၊ ရာဂနဲ့ မဆိုင်ဘူး။ မြန်မာ မင်းတွေဆိုတာ အိပ်ချင်တဲ့ မိန်းမနဲ့ အိပ်၊ ရာဂကို ကြိုက်သလိုသောင်းကျန်းလို့ မရဘူး။ ဘုရင် ဖြစ်ပြီဆိုတာနဲ့ အနောက်ဝန်က “ဘုရင် ဒီည ဘယ်မိဖုရားနဲ့ အိပ်တယ်” ဆိုတာ စာရင်းအတိအကျ လိုက်ယူထားရတာ။ ဘာကြောင့်လဲဆိုတော့ ထီးမွေ၊ နန်းမွေ ရှုပ်ထွေးမှာ စိုးလို့။

အနောက်ဝန်က ” ဘယ်မိဖုရား၊ ဘယ်မောင်းမ ဘုရင်နဲ့ ညအိပ်တယ် ” ဆိုတာရက်စွဲ၊ ဘုရင် အဆောင်ကူးချိန် နာရီအတိအကျ မှတ်ရတာ၊ဒါမှမိဖုရားနဲ့ရတဲ့ကလေးဟာ ဘုရင့်သား အစစ်လား၊တခြားသူနဲ့ ရတာလား၊ သေချာအောင် အနောက်ဝန် အစောင့်အထိန်းတွေနဲ့ သေချာစနစ်တကျလုပ်တာ။

မြန်မာမင်းများ အုပ်ချုပ်ပုံအရ ဘုရင်ဆိုတာ သရမ်းချင်တိုင်းသရမ်းလို့ မရဘူး။ ထီး၊ နန်းအမွေဆိုတာ ရှိနေလို့၊ ဒါကြောင့် “တောင်နန်း၊ မြောက်နန်းဆောင် မိဖုရားတွေရဲ့ သားကိုပဲ နန်းလျာထားမယ်” ဆိုတဲ့ စည်းကမ်းဆိုတာ ဖြစ်လာတာ။ မိဖုရားတွေမှာ တောင်နန်း၊ မြောက်နန်း၊ အဆောင်ရ၊ အဆောင်မရ ဆိုတာတွေပါ သူ့အဆင့်နဲ့သူ ဖြစ်လာတာ။ဘုရင်ကလည်း မိဖုရားအဖြစ် လက်ခံပြီးရင် အငယ်ဆုံး အဆောင်မရ မိဖုရားဖြစ်စေဦး အနည်းဆုံး စားကြေး ပေးရတယ်၊ ဒီအတိုင်း ပစ်ထားလို့ မရဘူး။

မြန်မာမင်းများအုပ်ချုပ်ပုံမှာ မိဖုရားမြှောက်တယ်ဆိုတာ ရာဂရူးတာ မဟုတ်ဘူး။ ရာထူးပေးရတာ၊ အဆောင်အယောင်ပေးရတာ။ ရာထူးပေးရပြီဆိုတာနဲ့ လစာ (စားကြေး) ပေးရတယ်။ ပြီးတော့ လစာ စာကြေးသည် လည်း အဆင့်လိုက်ကွာသွားတယ်။မြန်မာမင်းတိုင်း မိဖုရားများတယ်၊ မင်းတုန်းမင်းမှ ရွေးပြီး နာမည်ဖျက်ခံရတာဟာ ကိုလိုနီခေတ်က အင်္ဂလိပ်သမိုင်းဆရာတွေတမင်လုပ်သွားကြတာ၊ “မင်းတို့ဘုရင် ကောင်းမှ မကောင်းတာ၊ ဒါကြောင့် ငါတို့လာအုပ်ချုပ်တယ်”ဆိုတာ ဖြစ်ရလေအောင် တမင်တကာ ဝါဒဖြန့်ကြတာ။

မှတ်ချက် ။ ။ ဈန်သစ်အောင် ပို့စ်တွင် ဈာန်သစ်အောင် မှ ဘုန်းတော်ကြီး တစ်ပါးအား ရှင်းပြထားသော ကွန်မန့်များအား တည်းဖြတ်၍ အများဖတ်နိုင်ရန်ပြန်လည် မျှဝေခြင်းဖြစ်ပါသည်။ crd to owner ဓမ္မသုတ ကုသိုလ် / နော်ဂဲလယ်ထူး (စာပေပရဟိတ)

Be the first to comment

Leave a comment

Your email address will not be published.


*